- 2021-03-26 05:50:00
- ព័ត៌មាន
តារាជើងចាស់ហុងកុង Liu Kai Chi ត្រូវឈប់ពីសិល្បៈ ដោយសារជំងឺមហារីកធ្វើទុក្ខរហូតចូលពេទ្យ
- 2021-03-26 05:50:00
- ចំនួនមតិ 0 | ចំនួនចែករំលែក 0
តារាជើងចាស់ហុងកុង Liu Kai Chi ត្រូវឈប់ពីសិល្បៈ ដោយសារជំងឺមហារីកធ្វើទុក្ខរហូតចូលពេទ្យ
ចន្លោះមិនឃើញ
មិនដល់ ១ខែផងក្រោយតារាសម្ដែងជើងចាស់ Ng Man Tat ទទួលមរណភាពដោយសារមហារីកថ្លើម ពេលនេះមានដំណឹងថ្មីមកថា ជើងចាស់ប្រចាំពិភពសិល្បៈហុងកុង Liu Kai Chi ក៏កំពុងរងការវាយប្រហារខ្លាំងដោយសារមហារីកដែរ។
យោងតាមសេចក្ដីបញ្ជាក់ពីវិបសាយព័ត៌មាន Apple Daily បានឲ្យដឹងថាតារាសម្ដែងវ័យ ៦៦ឆ្នាំ Liu Kai Chi បានឈប់ពីការងារហើយ ក្រោយជំងឺប្រចាំខ្លួនធ្វើទុក្ខឥតប្រណីពេកកាលពីចុងឆ្នាំមុន។ នៅពេលនេះដែរ លោកក៏កំពុងសម្រាកព្យាបាល ក្រោមការយកចិត្តទុកដាក់ពីសំណាក់ក្រុមគ្រូពេទ្យ។
ប្រភពព័ត៌មានដដែលនៅបានបញ្ជាក់ដែរថា ស្ថានភាពរបស់លោក Liu កាន់តែដាបទៅៗ ប៉ុន្តែដោយសារមានការមើលថែយ៉ាងល្អពីភរិយា គឺអតីតតារាសម្ដែង Barbara Chan Man Yee ទើបលោកប្រែជាប្រសើរបន្តិចវិញ។
ទោះបីពេលនេះមិនទាន់មានការឲ្យដឹងថាស្ថានភាពជំងឺមហារីកក្រពះរបស់លោកបានធូរស្រាលខ្លាំង ប៉ុន្តែយ៉ាងអ្នកគាំទ្របានស្ងប់ចិត្តបន្តិច ដោយសារអាការៈលោកបានប្រសើរខ្លះ៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត
