- 2021-04-01 08:31:28
- ព័ត៌មាន
បាត់មុខជិត២០ឆ្នាំ ថ្ងៃនេះលេចដំណឹងថា គឹម លក្ខិណា ត្រឡប់ចូលសិល្បៈវិញដោយមានតារាចម្រៀងពីរដួងអមផង
- 2021-04-01 08:31:28
- ចំនួនមតិ 0 | ចំនួនចែករំលែក 0
បាត់មុខជិត២០ឆ្នាំ ថ្ងៃនេះលេចដំណឹងថា គឹម លក្ខិណា ត្រឡប់ចូលសិល្បៈវិញដោយមានតារាចម្រៀងពីរដួងអមផង
ចន្លោះមិនឃើញ
នៅរសៀលថ្ងៃទី១ ខែមេសា នេះ លេចដំណឹងថាតារាចម្រៀងស្រី គឹម លក្ខិណា ដែលបាត់មុខពីសិល្បៈជិត២០ឆ្នាំទៅហើយនោះ នឹងត្រឡប់មកកាន់វិស័យសិល្បៈវិញ។ ត្រឡប់មកវិញលើកនេះ គឺមិនស្ថិតនៅក្រោមផលិតកម្មណាមួយនោះទេ គឺត្រឡប់មកវិញក្នុងនាមជាតារាចម្រៀងឯករាជ្យ។
ដំណឹងនេះត្រូវបានទម្លាយដោយម្ចាស់គណនីFacebook ឈ្មោះ Cheetahxxi ។ ម្ចាស់គណនីដដែលបង្ហើបថា តាមតម្រុយ គឹម លក្ខិណា នឹងចេញបទចម្រៀងមួយជាមួយតារាចម្រៀងស្រីពីរដួងទៀត គឺអ្នកនាង ពេជ្រ សោភា និងអ្នកនាង ឈិត សុវណ្ណបញ្ញា។ នាងបានថតសំឡេងនៅឯបរទេសរួចហើយ គឺរង់ចាំតែស្ថានភាពជំងឺកូវីដ-១៩ ស្ងប់ស្ងាត់នឹងអាលបានមកស្រុកខ្មែរ ដើម្បីថតMV នេះ ហើយថែមទាំងត្រៀមខ្លួនចូលរួមក្នុងកម្មវិធីទូរទស្សន៍ផ្សេងៗទៀតផង។
Cheetahxxi បានប្រកាសដំណឹងនេះដោយមានស្រស់សម្ដីរបស់តារាចម្រៀង ពេជ្រ សោភា និងឈិត សុវណ្ណបញ្ញា ថា៖"បញ្ញា៖"នាងខ្ញុំត្រៀមខ្លួនរួចជាស្រេចសម្រាប់ការវិលត្រលប់មកវិញជាមួយបងលក្ខណ៍ ។ សោភា៖ទីបំផុតពួកយើងជួបគ្នាម្ដងទៀត"។
ជុំវិញដំណឹងត្រឡប់ចូលសិល្បៈវិញរបស់អតីតតារាចម្រៀងស្រី គឹម លក្ខិណា នេះ Sabay មិនទាន់អាចរកប្រភពទាក់ទងសាមីខ្លួនដើម្បីបញ្ជាក់នៅឡើយទេ។ អតីតតារាចម្រៀងប្រចាំនៅផលិតកម្មរស្មីហង្សមាស គឹម លក្ខិណា បាត់មុខពីសិល្បៈជិត២០ឆ្នាំហើយ ហើយបទចម្រៀងដែលល្បីខ្លាំងរបស់នាងកាលណោះមានដូចជាបទ៖"Do re mi" បទ"អាជ្ញាស្នេហ៍" និងបទ"ទឹកឃ្មុំល្វីង" ជាដើម៕