- 2021-04-12 04:46:00
- ព័ត៌មាន
Dispatch ទម្លាយភស្តុតាងថា Yeji ជាអ្នកបញ្ជា Junghyun មិនឲ្យថតឈុតស្និទ្ធស្នាលជាមួយ Seohyun
- 2021-04-12 04:46:00
- ចំនួនមតិ 0 | ចំនួនចែករំលែក 0
Dispatch ទម្លាយភស្តុតាងថា Yeji ជាអ្នកបញ្ជា Junghyun មិនឲ្យថតឈុតស្និទ្ធស្នាលជាមួយ Seohyun
ចន្លោះមិនឃើញ
ព័ត៌មានទាក់ទងនឹងអត្តចរិតពេលថតរឿងរបស់ Kim Junghyun ជាមួយ Seohyun ដូចជាកំពុងតែផ្ទុះរញ្ជួយពេញពិភពសិល្បៈកូរ៉េហើយ ហើយរឿងរ៉ាវចេះតែចេញមកជាបន្តបន្ទាប់ ដូចពេលនេះជាដើម Dispatch បានទម្លាយថាមូលហេតុដែល តារាប្រុសរូបនេះបដិសេធមិនថតឈុតប៉ះសាច់ Seohyun ក្នុងរឿងរបស់ MBC នោះក៏ដោយសារជាបញ្ជា Seo Yeji (ដែលកាលនោះជាសង្សាររបស់លោក)។
Dispatch បានបង្ហាញពីសារទាក់ទងរវាង Kim Junghyun និង Seo Yeji ព្រមទាំងបញ្ជាក់ថាឈុតប៉ះពាល់គ្នាផ្ទាល់ ឬឈុតស្និទ្ធស្នាលចំនួន ១៣ឈុត ត្រូវបាត់ ដោយសារ Seo Yeji ជាអ្នកបង្គាប់ឲ្យ Kim Junghyun បដិសេធក្នុងការថត។
ចំពោះ Dispatch គឺជាអ្នកដែលទទួលបាន Script រឿង «Time» ទាំងមូល ហេតុនេះពួកគេបាន និងប្រៀបធៀបអ្វីដែលមានក្នុងដៃ និងអ្វីដែលថតចេញពេលផ្សាយ។ គិតចាប់ពីភាគទី០៥ ដល់ទី១២ ឈុតស្និទ្ធស្នាលដែលត្រូវប៉ះសាច់គ្នាផ្ទាល់ដល់ទៅ១៣ឈុត បែរជាបាត់មិនឃើញពេលបញ្ចាំង។
ចំណែកខាងក្រុមការងាររឿងដដែល ក៏បានទម្លាយដែរថា Kim Junghyun តែងសុំឲ្យក្រុមការងារសម្រួល Script និងដកឈុតស្និទ្ធស្នាលចេញទៅ។
ដោយឡែកក្រោយផ្ទុះព័ត៌មាននេះចេញមក ខាងក្រុមហ៊ុនដែលជាអ្នកគ្រប់គ្រងតារាទាំង ២ក៏បានចេញសេចក្ដីប្រកាសរៀងខ្លួនភ្លាម។ ក្រុមហ៊ុន O& Entertainmain បានបង្ហោះថា៖ «ពួកយើងមិនបានដឹងអ្វីទាំងអស់ទាក់ទងបញ្ហានេះ យើងគ្មានអ្វីត្រូវនិយាយទេ»។
ចំណែកក្រុមហ៊ុន Gold Medalist របស់ Seo Yeji វិញសរសេរថា៖ «ពួកយើងនឹងតាមដានបន្តពីករណីនេះ»៕
ខាងក្រោមនេះគឺជាសារដែល Dispatch ទម្លាយ៖
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត