- 2021-04-12 07:45:33
- ព័ត៌មាន
Wendy ផ្ដល់នូវដំបូន្មានបង្កប់ភាពកក់ក្ដៅទៅកាន់ក្មេងស្រី ២នាក់ដែលលាក់ទុកបញ្ហាជីវិតតែឯង
- 2021-04-12 07:45:33
- ចំនួនមតិ 0 | ចំនួនចែករំលែក 0
Wendy ផ្ដល់នូវដំបូន្មានបង្កប់ភាពកក់ក្ដៅទៅកាន់ក្មេងស្រី ២នាក់ដែលលាក់ទុកបញ្ហាជីវិតតែឯង
ចន្លោះមិនឃើញ
ក្នុងវីដេអូភាគថ្មីរបស់ odg តារាចម្រៀង Wendy (Red Velvet) បានក្លាយជាតារាកិត្តិយសចូលរួម ដោយមកអង្គុយស្ដាប់ក្មេងៗជំទង់ រៀបរាប់ពីអារម្មណ៍របស់ពួកគេទាក់ទងនឹងការសិក្សា រូបសម្បត្តិ និងអនាគត។
តាំងពីបើកក្បាលដំបូងមក Wendy ដឹងថាក្មេងស្រីទាំងនេះជួបប្រទះរឿងច្រើនណាស់ក្នុងជីវិតរបស់ពួកគេ។ ម្នាក់ ក្នុងចំណោមនោះគឺ Jang Seo Won បានរៀបរាប់ពីអ្វីដែលនាងបានឆ្លងកាត់កន្លងមក រហូតឧស្សាហ៍មានអារម្មណ៍តូចចិត្តនូវរឿងមួយចំនួន។
ម្នាក់ទៀតគឺ Kim Na Hyeon បានប្រាប់ Wendy ថា នាងតែងខ្វល់ខ្វាយពីរូបរាងនាងជានិច្ច។ Wendy ឮហើយនិយាយថា៖ «នៅពេលប្អូនចាស់ទៅ អូននឹងគិតថា “អ៎! ខ្ញុំស្អាតជាងខ្ញុំនៅក្មេងទៀត!»។
និយាយបានយូរបន្តិច អ្នកទាំង ២ក៏ឈានដល់ប្រធានបទជីវិតនៅសាលា។ ដល់ចំណុចនេះហើយ ដែលធ្វើឲ្យ Wendy ក្ដុកក្ដួល ព្រោះដឹងការពិតថាពួកគេគ្មានអ្នកណាដែលពួកគេអាចនិយាយជាមួយបាន។ Seo Won លើកឡើងថា នាងបារម្ភថា បើប្រាប់អ្នកណាម្នាក់ហើយ ខ្លាចពួកគេទាំងនោះមានអារម្មណ៍តានតឹងដោយសារនាង។
Wendy និយាយពន្យល់ថា៖ «នៅពេលរឿងអ្វីមួយចាប់ផ្ដើមយ៉ាប់ យកល្អគួរតែប្រាប់អ្នកណាម្នាក់ឲ្យជួយដឹង។ បើអ្នកដែលពិតជាខ្វល់នឹងប្អូនមែន ហើយបើបងជាម្នាក់នោះ (អ្នកដែលចាំស្ដាប់) បងនឹងអរគុណប្អូនដែលបានប្រាប់រឿងទាំងនោះឲ្យបងបានដឹងដែរ»។
ក្មេងស្រីទាំង ២ហាក់ដូចជាធូរស្រាលច្រើន ពេលបាននិយាយជាមួយ Wendy ហើយតារាស្រីរូបនេះក៏បានបន្ថែមដែរថា៖ «មិនអីទេប្អូន កុំស្ត្រេសពេកណា៎ អូនក៏មិនចាំបាច់បង្ខំពេកដែរ។ ផ្លូវដែលអូនដើរពេលនេះ អូនអាចដើរតាមសម្រួលតាមហ្នឹងចុះ»៕
សម្រាប់វីដេអូពេញ ទស្សនាខាងក្រោម៖