- 2021-04-13 05:18:43
- ព័ត៌មាន
លេចចេញហើយ! រូបភាពគ្រងឈុតតំណាងឲ្យជាតិរបស់កញ្ញា រ៉េត សារីតា ត្រូវបានបញ្ចេញនៅថ្ងៃនេះ
- 2021-04-13 05:18:43
- ចំនួនមតិ 0 | ចំនួនចែករំលែក 0
លេចចេញហើយ! រូបភាពគ្រងឈុតតំណាងឲ្យជាតិរបស់កញ្ញា រ៉េត សារីតា ត្រូវបានបញ្ចេញនៅថ្ងៃនេះ
ចន្លោះមិនឃើញ
បន្ទាប់ពីខ្វែងគំនិតគ្នារបស់មហាជនលើការគ្រងឈុតតំណាងឲ្យជាតិកម្ពុជារបស់កញ្ញា រ៉េត សារីតា ដើម្បីត្រៀមប្រកួតក្នុងកម្មវិធីប្រកួតបវរកញ្ញាចក្រក្រវាលលើកទី៦៩ នៅសហរដ្ឋអាមេរិក នៅថ្ងៃនេះ Miss Universe Cambodia បានបញ្ចេញរូបគ្រងឈុតតំណាងជាតិកម្ពុជាថ្មីជាច្រើនសន្លឹក។
"ទេពរួបរួម"ដែលរចនាម៉ូតរបស់លោក គួន មាឃ រស់នៅខេត្តសៀមរាប ត្រូវបានជ្រើសរើសអោយបង្ហាញស្នាដៃរចនាឈុតដែលបានឈ្នះពានរង្វាន់របស់ខ្លួននៅក្នុងកម្មវិធីប្រកួតបវរកញ្ញាចក្រវាលលើកទី ៦៩ នៅរដ្ឋហ្លូរីដា សហរដ្ឋអាមេរិក។
ឈុតតំណាងជាតិនេះមានឈ្មោះថា“ ទេពរួបរូម”ដែលកាលពីមុនឥទ្ធិពលជំនឿ សាសនា ពីឥណ្ឌាចូលមកប្រទេសខ្មែរ ប្រជាជនខ្មែរមានជំនឿ និងការគោរព លើដួងព្រលឹង បុព្វបុរស អារ័ក្ស អ្នកតា និងធម្មជាតិជាដើម។ប៉ុន្ដែក្រោយមកព្រហ្មញ្ញសាសនាក៏បានជ្រៀតចូលក្នុងផ្នត់គំនិតប្រជាជនខ្មែរយ៉ាងខ្លាំង និងមានការគោរពប្រតិបត្តិយ៉ាងច្រើន ដែលមួយផ្នែកមានជំនឿលើព្រះវិស្ណុនិយម ហើយមួយផ្នែកទៀតមានជំនឿលើព្រះសិវៈនិយម។
ដើម្បីជៀសវាងទំនាស់ក្នុងការគោរពក្នុងព្រហ្មញ្ញសាសនាដែលរវាងព្រះសិវៈ និងព្រះវិស្ណុ និងដើម្បីបង្រួបបង្រួមទេវៈទាំងពីរ គេក៏បានបង្កើតទេវៈមួយអង្គដែលហៅថា ព្រះហរិហរៈ (ហរិតំណាងវិស្ណុ ហរៈតំណាងសិវៈ)។ ឈុតតែមួយនេះក៏តំណាងឱ្យសាមគ្គីភាព សុខដុមនីយកម្មនិងសន្តិភាព។ រចនាបថសិល្បៈនៃសំលៀកបំពាក់នេះដើមឡើយត្រូវបានគេយកចេញពីគំនិតចម្លាក់បុរាណខ្មែរ។
កាលពីដើមខែមីនា ឆ្នាំ២០២១ ក្រុមអ្នកគាំទ្រវិស័យកញ្ញាឯកកម្ពុជា បានចាប់អារម្មណ៍លើឈុត"ល្ខោនតុក្កតាខ្មែរ" ប៉ុន្តែនៅដើមខែមេសា នេះស្រាប់តែលេចដំណឹងថាឈុតនេះត្រូវប្ដូរមកឈុត"ទេពរួបរួម"។ ទើបនៅថ្ងៃនេះ ឈុត"ទេពរួបរួម" បានចេញជាផ្លូវការគ្រងដោយកញ្ញា រ៉េត សារីតា។ សូមបញ្ជាក់ថា កម្មវិធីប្រកួតលើកទី៦៩ នេះ នឹងធ្វើឡើងនៅថ្ងៃទី១៦ ខែឧសភា ឆ្នាំ២០២១ នារដ្ឋផ្លរីដា សហរដ្ឋអាមេរិក៕
