- 2021-04-13 04:55:30
- ព័ត៌មាន
Seo Yeji លុបចោលការបង្ហាញមុខកម្មវិធីថ្ងៃនេះ ក្រោយក្រុមការងាររឿងបដិសេធសំណើរនាងថា មិនឲ្យគេសួរ
- 2021-04-13 04:55:30
- ចំនួនមតិ 0 | ចំនួនចែករំលែក 0
Seo Yeji លុបចោលការបង្ហាញមុខកម្មវិធីថ្ងៃនេះ ក្រោយក្រុមការងាររឿងបដិសេធសំណើរនាងថា មិនឲ្យគេសួរ
ចន្លោះមិនឃើញ
តារាសម្ដែង Seo Ye Ji បានព្យាយាមប្រាប់ទៅក្រុមការងារផលិតរឿង «Recall» កុំឲ្យសួរសំណយរទាំងឡាយណាដែលទាក់ទងនឹងរឿងរ៉ាបចម្រូងចម្រាសរបស់នាងដែលកំពុងកើតឡើងប៉ុន្មានថ្ងៃនេះ នៅសន្និសីទកាសែតឲ្យសោះ ហើយពេលក្រុមការងារប្រាប់ថាធ្វើបែបនេះមិនបាន នាងក៏បានលុបចោលការបង្ហាញតែម្ដង។
បើយោងតាមសេចក្ដីរាយការណ៍ព័ត៌មានពីវិបសាយ Star News បានចេញផ្សាយថា Seo Ye Ji បានប្រាប់ទៅក្រុមការងារ «Recall» បន្ថែមទៀតថា នាងនឹងប្រាប់ពីតំណែងតួ (ក្នុងរឿង) នៅថ្ងៃនេះ (ថ្ងៃទី១២) ហើយនឹងបង្ហាញមុខក្នុងសន្និសីតកាសែតរបស់រឿងនៅថ្ងៃស្អែក (ថ្ងៃទី១៣)។
យោងតាមការបញ្ជាក់នេះហើយទើប ក្រុមការងារ Recall បញ្ជាក់ថា Yeji នឹងចូលរួមកម្មវិធីនៅថ្ងៃនេះ ប៉ុន្តែពេលបញ្ហាកាន់តែក្ដៅ នាងក៏ប្រាប់ទៅក្រុមការងាររឿងវិញនៅម៉ោង ៨:៣០នាទីយប់ថា នាងនឹងចូលរួមកម្មវិធីដដែល ប៉ុន្តែមិនទទួលឆ្លើយសំណួរណាទាំងអស់ទាក់ទងនឹងព័ត៌មានដែលបានកើតឡើង។
ក្រោយមកនៅពេលក្រុមការងារប្រាប់ទៅវិញថា ធ្វើបែបនេះហាក់ដូចជាបិទមិនឲ្យសួរគ្រប់សំណួរទៅហើយ ទាក់ទងនឹងអ្វីដែលបានកើតឡើង។ ពេលនោះ តារាស្រីរូបនេះក៏ស្រាប់តែនិយាយថា៖ «ខ្ញុំនឹងមិនចូលរួមសន្និសីទកាសែតនៅថ្ងៃស្អែកនេះទេ (ថ្ងៃទី១៣នេះ) ដោយសារមានបញ្ហាផ្ទាល់ខ្លួន»។
ដោយឡែក Star News ក៏បានព្យាយាមទាក់ទងទៅ Seo Yeji ដែរ ដោយចង់ដឹង Position របស់នាងផ្លូវការ ប៉ុន្តែនាងរក្សាភាពស្ងាត់ស្ងៀម មិនតបឡើយ។ ប៉ុន្តែមុននេះ Ye Ji និយាយថា នាងមិនអាចទៅចូលរួមសន្និសីទកាសែតរឿង «Recall» បាន ក៏ព្រោះនាងត្រូវរៀបចំពេលសម្រាប់រឿងថ្មី «Island» ប៉ុន្តែគេដឹងបាត់ទៅហើយថា រឿងថ្មីដែលនាងលើកឡើងនេះ មិនទាន់ចាប់ដំណើរការថតទេ។
ដោយសារ Seo Yeji មិនបានចូលរួមកម្មវិធីថ្ងៃនេះ ដូច្នេះសន្និសីទកាសែតថ្ងៃនេះមានតែអ្នកដឹកនាំថរឿង Seo Yoo Min និងតារាសម្ដែង Kim Kang Woo ប៉ុណ្ណោះបង្ហាញមុខ ហើយរឿងថ្មីនេះគ្រោងបញ្ចាំងនៅថ្ងៃទី២១ ខែមេសា៕