- 2021-04-13 07:05:07
- ព័ត៌មាន
អបអរសាទរ! តួឯករឿង «Home Alone» និងគូស្នេហ៍ស្វាគមន៍កូនដំបូងរួមគ្នា
- 2021-04-13 07:05:07
- ចំនួនមតិ 0 | ចំនួនចែករំលែក 0
អបអរសាទរ! តួឯករឿង «Home Alone» និងគូស្នេហ៍ស្វាគមន៍កូនដំបូងរួមគ្នា
ចន្លោះមិនឃើញ
ដំណឹងរីករាយមួយបានផ្ទុះឡើងទាក់ទងនឹង Macaulay Culkin និង Brenda Song ដែលបានស្វាគមន៍កូនដំបូងរួមគ្នា។
តួឯកក្នុងរឿង "Home Alone” Macaulay Culkin និងដៃគូស្នេហា Brenda Song បានក្លាយជាឪពុកម្ដាយជាផ្លូវការហើយ ក្រោយបុត្ររបស់ពួកគេកើតតាំងពីសប្ដាហ៍មុនមកម្ល៉េះ ពោលគឺនៅថ្ងៃទី០៥ ខែមេសា ក្នុងទីក្រុង Los Angeles ប៉ុន្តែដំណឹងនេះទើបបែកធ្លាយថ្មីៗនេះ។
ទាំងម្ដាយមានសុខភាពល្អធម្មតា ឯកូនក៏ដូចគ្នា ហើយមានទម្ងន់ ៣,១គីឡូ មានឈ្មោះថា Dakota Song Culkin។ តាមការឲ្យដឹងពី Elle បានបញ្ជាក់ថា ឈ្មោះ ”Dakota” នេះដាក់ឡើង ជាការរម្លឹកដល់បង/ប្អូនស្រីរបស់ Macualay (មានឈ្មោះ Dakota) ដែលបានទទួលមរណភាពកាលពីឆ្នាំ ២០០៨។
ងាកមកទំនាក់ទំនងរបស់ Macaulay និង Brenda គឺមានរយៈពេល ៤ឆ្នាំមកហើយ ហើយមកដល់ពេលនេះពួកគេមានសមាជិកតូចច្រមក់ម្នាក់ទៀតហើយ ហើយក្ដីសុខរបស់ពួកគេកាន់តែកើនឡើងទ្វេដង។ នេះជាការបញ្ជាក់របស់ពួកគេផ្ទាល់ ទៅកាន់វិបសាយ Esquire៕