តារាកំពូលសម្រស់កូនកាត់ ខ្មែរ-បារាំង ក្នុងសិល្បៈខ្មែរមាននរណាខ្លះ ដឹងទេ?

2021-04-29 03:25:10
ព័ត៌មាន

2021-04-29 03:25:10
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងសង្គមសិល្បៈខ្មែរ មានចម្រុះដោយសិល្បករចម្រុះពោលគឺមានទាំងសិល្បករឈាមជ័រកូនខ្មែរសុទ្ធ និងសិល្បករកូនកាត់។ និយាយពីសិល្បករកូនកាត់ គេដឹងថាមានកាត់ច្រើនសាសន៍ទៀត មានទាំងអាស៊ី អឺរ៉ុប អាមេរិក ជាដើម។ ក្នុងចំណោមនេះ គេឃើញសិល្បករកូនកាត់បារាំង ៣រូបបាន និងកំពុងមានវត្តមានបន្ថែមពណ៌សម្បុរឲ្យសួនសិល្បៈខ្មែរកាន់តែមានសោភណ្ឌភាព។

ពួកគេទាំង៣នាក់ សុទ្ធមានវ័យក្មេង សម្រស់ស្រស់ស្អាតគួរឲ្យគយគន់ និងមានទេពកោសល្យសិល្បៈល្អរៀងៗខ្លួនថែមទៀតផង ដែលពួកគេខ្លះបានលេចមុខក្នុងសិល្បៈខ្មែរតាំងឆ្នាំ ២០១៦ ខ្លះទើបមានវត្តមាននៅឆ្នាំក្រោយៗទៀត។ តើពួកគេ ជានរណាខ្លះ?

១.Melia Constantin ជាកូនកាត់ខ្មែរ-បារាំង ក្នុងនោះ ម្ដាយជាជនជាតិខ្មែរ ឪពុកជនជាតិបារាំង។ នាងបានកើត និងចម្រើនវ័យនៅប្រទេសបារាំង តែបានមករស់នៅក្នុងប្រទេសកំណើតរបស់ម្ដាយអស់រយៈពេលប្រមាណ ៧ឆ្នាំមកហើយ។ បច្ចុប្បន្ន Melia គឺជាតារាម៉ូដែលមួយរូប និងកំពុងអភិវឌ្ឍន៍ខ្លួនទៅជាតារាសម្ដែងបន្ថែមទៀត។

រូបភាព៖ IG Melia

២.Marianne Clais មានឈ្មោះជាភាសាខ្មែរថា សោម៉ា មានវ័យ១៦ឆ្នាំ។ ខុសគ្នាបន្តិចពី Meliaនាងជាកូនខ្មែរកាត់បារាំង ដែលកើត និងធំធាត់នៅកម្ពុជា។ សោម៉ា មានឪពុកជាជនជាតិបារាំង និងម្ដាយជាជនជាតិខ្មែរ ដែលក្ដាប់ជំនួញសណ្ឋាគារមួយនៅភ្នំពេញ។ មិនខុសពីមិត្តរួមអាជីពខាងលើ បច្ចុប្បន្ន សោម៉ា គឺជាតារាម៉ូដែល។

រូបភាព៖ IG សោម៉ា

៣.កញ្ញា ហង្ស ម៉ានីតា៖ ជាតារាសម្ដែង និងម៉ូដែល កូនកាត់ខ្មែរបារាំង ដែលមានម្ដាយជាជនជាតិខ្មែរ ឪពុកជាជនជាតិបារាំង។ ម៉ានីតា គឺជាជយលាភី Miss Tourism 2016 មកដល់បច្ចុប្បន្ន នាងគឺជាតារាម៉ូដែល៕