- 2021-04-29 07:41:05
- ព័ត៌មាន
ព្យាបាលបានជាង១សប្ដាហ៍ កញ្ញា យ៉េយ៉េ ប្រាប់ពីអាការរបស់ខ្លួន និងគ្រួសារយ៉ាងហូរហែ
- 2021-04-29 07:41:05
- ចំនួនមតិ 0 | ចំនួនចែករំលែក 0
ព្យាបាលបានជាង១សប្ដាហ៍ កញ្ញា យ៉េយ៉េ ប្រាប់ពីអាការរបស់ខ្លួន និងគ្រួសារយ៉ាងហូរហែ
ចន្លោះមិនឃើញ
តារាសម្ដែងភេទទី៣ ឃ្លោក មករា ហៅកញ្ញា យ៉េយ៉េ ប្រកាសនៅថ្ងៃនេះថា ស្ថានភាពសុខភាពរបស់នាងបានវិលត្រឡប់មកសភាពដូចដើមវិញហើយ ពោលគឺលែងក្អក ហៀរសំបោរ អស់កម្លាំង និងចាប់ផ្ដើមដឹងក្លិន និងរសជាតិឡើងវិញ បន្ទាប់ពីទទួលការព្យាបាលជំងឺកូវីដ-១៩ អស់រយៈពេលជាង១សប្ដាហ៍។
កញ្ញា យ៉េយ៉េ និយាយថា ការលើកទឹកចិត្តពីសំណាក់មិត្តសិល្បៈ និងអ្នកគាំទ្រ បានជំរុញឲ្យនាងកាន់តែមានទឹកចិត្តតាំងស្មារតី និងព្យាយាមអនុវត្តតាមការណែនាំរបស់គ្រូពេទ្យក្នុងការព្យាបាលជំងឺឲ្យឆាប់ជាសះស្បើយ។ យ៉េយ៉េ បន្ថែមថា ស្ថានភាពសុខភាពរបស់នាងផ្ទាល់ និងគ្រួសារដែលរកឃើញវិជ្ជមានជំងឺកូវីដ-១៩ គឺបានវិលមករកសភាពដើមវិញគ្រប់គ្នាហើយ។
កញ្ញា យ៉េយ៉េ៖"និយាយទៅពីមុនពិបាកណាស់! អស់កម្លាំងល្ហិតល្ហៃ ឈឺសាច់ដុំ ស្រៀវរងាដូចយើងគ្រុនផ្ដាសាយអីចឹង...តែវិលមកវិញស្ទើរទាំងស្រុងហើយ ព្រោះឥឡុវហិតដឹងក្លិន ហូបបានវិញ ហើយអាការហៀរសំបោរអីហ្នឹងបាត់អស់ហើយ"។
បើតាមកញ្ញា យ៉េយេ រូបនាង និងក្រុមគ្រួសារ កំពុងសម្រាក និងព្យាបាលយ៉ាងយកចិត្ដទុកដាក់ពីសំណាក់ក្រុមគ្រូពេទ្យជំនាញនៅបុរីពិភពថ្មីសែនសុខ រាជធានីភ្នំពេញ។ កញ្ញា យ៉េយ៉េ និងសមាជិកគ្រួសារជាច្រើននាក់ ត្រូវបានគេរកឃើញថាវិជ្ជមានជំងឺកូវីដ-១៩ ហើយចាប់ផ្ដើមទទួលសេវាសម្រាក និងព្យាបាលចាប់តាំងពីថ្ងៃទី២១ ខែមេសា ឆ្នាំ២០២១ មក៕
