- 2021-05-04 02:45:20
- ព័ត៌មាន
ទាល់តែចំនួនអ្នកឆ្លងជំងឺកូវីដ-១៩ ធ្លាក់មកនៅត្រឹមកម្រិតនេះ ទើប ស៊ុន ស្រីពេជ្រ ហ៊ានវិលចូលក្រុងវិញ
- 2021-05-04 02:45:20
- ចំនួនមតិ 0 | ចំនួនចែករំលែក 0
ទាល់តែចំនួនអ្នកឆ្លងជំងឺកូវីដ-១៩ ធ្លាក់មកនៅត្រឹមកម្រិតនេះ ទើប ស៊ុន ស្រីពេជ្រ ហ៊ានវិលចូលក្រុងវិញ
ចន្លោះមិនឃើញ
តារាចម្រៀងស្រីសំឡេងស្រទន់ ស៊ុន ស្រីពេជ្រ បានក្លាយជាអ្នកសិល្បៈដំបូងគេចេញមុខប្រកាសថាខ្លួនមិនទាន់ហ៊ានត្រឡប់ចូលទីក្រុងវិញ ដោយសារខ្លាចជំងឺកូវីដ-១៩ បើទោះបីជារាជរដ្ឋាភិបាលសម្រេចបើករាជធានីភ្នំពេញ និងក្រុងតាខ្មៅ នៃខេត្តកណ្ដាលឡើងវិញនៅថ្ងៃទី៦ ខែឧសភា ខាងមុខ។
ស៊ុន ស្រីពេជ្រ បានប្រកាសតាមបណ្ដាញសង្គមFacebook នៅព្រឹកថ្ងៃទី៤ ខែឧសភា នេះថា៖"** បើទោះជាបើកក្រុងវិញក៏ខ្ញុំមិនទាន់ទៅភ្នំពេញវិញដែរ លុះត្រាតែចំនួនថមថយចុះច្រើនបំផុតទើបត្រឡប់ទៅវិញ។បើមិនមានការងារអ្វីចាំបាច់ទេនៅសំងំមួយកន្លែងសិនទៅ កុំទាន់អាលចល័តអី**"។
ស្រីពេជ្រ រំលឹកគ្រាមួយកាលនាងរស់នៅភ្នំពេញ។ នាងខំនាំគ្នាសម្ងំនៅក្នុងផ្ទះ ដើម្បីគេចពីជំងឺកូវីដ-១៩ តែបែរមានអ្នករស់នៅក្បែរខាងខ្លះដើរផឹកស៊ី ហើយមកចូលលេងដល់ផ្ទះទៀត ហាក់មិនយល់អារម្មណ៍អ្នកដទៃសោះ។
តារាចម្រៀង ស៊ុន ស្រីពេជ្រ បានរត់ទៅសម្ងំរស់នៅ និងបើកហាងលក់បាយតូចមួយនៅស្រុកកំណើតក្នុងខេត្ដបាត់ដំបងតាំងពីមុនរាជរដ្ឋាភិបាលប្រកាសបិទខ្ទប់ក្នុងភ្នំពេញ និងក្រុងតាខ្មៅ នៃខេត្ដកណ្ដាល។ ទន្ទឹមគ្នានេះ ស៊ុន ស្រីពេជ្រ នៅតែអំពាវនាវដល់មិត្ដសិល្បៈ និងពលរដ្ឋគ្រប់រូប បន្ដចូលរួមទប់ស្កាត់ការឆ្លងរីករាលដាល នៃជំងឺកូវីដ-១៩ ដោយអនុវត្ដវិធានការ៣កុំ និងបីការពារ៕