- 2021-05-12 06:49:15
- ព័ត៌មាន
តារាល្បីប្រចាំពិភពអ្នកស្រឡាញ់ភេទដូចគ្នា មានសំណាងជួបស្នេហ៍ពិត មិនខ្វល់នឹងសម្ដីចេចចាច
- 2021-05-12 06:49:15
- ចំនួនមតិ 0 | ចំនួនចែករំលែក 0
តារាល្បីប្រចាំពិភពអ្នកស្រឡាញ់ភេទដូចគ្នា មានសំណាងជួបស្នេហ៍ពិត មិនខ្វល់នឹងសម្ដីចេចចាច
ចន្លោះមិនឃើញ
ស្នេហាក្នុងពិភពហូលីវូដ តែងតែជួបឧបសគ្គបណ្ដាលមកពីច្រើនកត្តាណាស់ បើគូខ្លះស៊ូជម្នះជាមួយគ្នាបានស្នេហានោះក៏បានជោគជ័យ ខ្លះគិតថាអស់និស្ស័យក៏បញ្ចប់ទាំងមិនអស់ចិត្ត។ ម្យ៉ាងស្ថិតក្នុងវិស័យនេះ ក៏ត្រូវហ៊ានប្រឈមនឹងមតិមហាជនជាច្រើនដែលចាំតែវាយតម្លៃរហូតដែរ ប៉ុន្តែបើនិយាយពីរឿងស្នេហាវិញ ខ្លះនៅតែអាចទៅមុខជាមួយគ្នាបានយូរអង្វែងដោយសារពួកគេចេះយល់ចិត្តគ្នា បើទោះជាមានការមើលងាយយ៉ាងណាក៏ដោយ ជាឧទាហរណ៍ជាក់ស្ដែងគឺតារាស្ថិតក្នុងពិភព LGBTQ តែម្ដង។ ដូចនេះសូមបង្ហាញជូនគូស្នេហ៍តារាល្បីដែលស្រឡាញ់ភេទដូចគ្នា និងមានវាសនាខ្ពស់បានជួបនឹងស្នេហ៍ពិតសមបំណង មិនឈឺក្បាលនឹងមតិយល់ឃើញប្រឆាំងពួកគេ។ អ្នកទាំងនោះមាន៖
១. Ellen DeGeneres & Portia De Rossi
ពួកគេបានស្រឡាញ់គ្នា និងចាប់ផ្ដើមបើកចំហរជាផ្លូវការនៅឆ្នាំ ២០០៤ រហូតដល់ឆ្នាំ ២០០៨ អ្នកទាំង ២ក៏បានរៀបការនឹងគ្នា។
២. Neil Patrick Harris & David Burtka
អ្នកទាំង ២បានភ្ជាប់ពាក្យជាមួយគ្នាស្ងាត់ៗ ៥ឆ្នាំឯណោះ ទម្រាំគ្រប់យ៉ាងលាតត្រដាង ហើយនៅឆ្នាំ ២០១០ ពួកគេក៏មានកូនជាមួយគ្នា ដោយមានអ្នកពពោះជំនួស។ រហូតដល់ឆ្នាំ ២០១៤ គូស្នេហ៍មួយនេះក៏បានរៀបការនឹងគ្នា។
៣. Jodie Foster & Alexandra Hedison
ទោះបីជាតារាល្បីមែន តែ Jodie ជ្រើសយកជីវិតបែបឯកជន ដោយមិនចង់បើកបង្ហាញអ្វីទាក់ទងនឹងជីវិតស្នេហានាងឡើយ ជាពិសេសទំនាក់ទំនងជាមួយ Alexandra។ ពួកគេបានភ្ជាប់ចំណងជីវិតជាមួយគ្នានៅឆ្នាំ ២០១៤។
៤. Elton John & David Furnish
ពួកគេជួបគ្នាជាលើកដំបូងកាលពីឆ្នាំ ១៩៩៣ ក្នុងកម្មវិធីជប់លៀងអាហារពេលល្ងាចមួយនៅ Windsor។ ស្គាល់ចិត្តគ្នាយ៉ាងយូរឆ្នាំ អ្នកទាំង ២ក៏រៀបការនឹងគ្នានៅឆ្នាំ ២០០៦។
៥. Ricky Martin & Jwan Yosef
គូស្នេហ៍មួយនេះ ជាគូស្នេហ៍ឃើញភ្លាមស្រឡាញ់ភ្លែត ហើយសម្ព័ន្ធភាពពួកគេពិតជារឹងមាំខ្លាំងណាស់។ ពួកគេបានរៀបការនឹងគ្នានៅឆ្នាំ ២០១៧ និងមានកូន ៤នាក់។
ក្រៅពីគូទាំង ៥ក៏នៅមានគូស្នេហ៍ LGBQT ច្រើនគូច្រើនផ្សេងទៀតដែរមាន៖
-Luke Evans & Jon Kortajarena
-Lance Bass & Michael Turchin
-Kendrell Bowman And Anthony Wayne
-Cynthia Nixon & Christine Marinoni
-Tom Ford & Richard Buckley
-Wanda Sykes & Alex Sykes
-Michael Kors & Lance Lepere
-RuPaul & Georges LeBar
-Cheyenne Jackson & Jason Landau
-Ryan Murphy & David Miller
-Kate McKinnon and Jackie Abbott
-Kristen Stewart and Stella Maxwell
ប្រភព៖ Oceandraw
