- 2021-05-11 09:04:13
- ព័ត៌មាន
ចូលរួមសោកស្ដាយ! កូនស្រីកវី ជុំ ប៊ុនធឿន បង្ហើបថាម្ដាយខ្លួនបានទទួលមរណភាពហើយដោយសារកូវីដ-១៩
- 2021-05-11 09:04:13
- ចំនួនមតិ 0 | ចំនួនចែករំលែក 0
ចូលរួមសោកស្ដាយ! កូនស្រីកវី ជុំ ប៊ុនធឿន បង្ហើបថាម្ដាយខ្លួនបានទទួលមរណភាពហើយដោយសារកូវីដ-១៩
ចន្លោះមិនឃើញ
យោងតាមព័ត៌មានបឋមដែលចុះផ្សាយដោយសារព័ត៌មានក្នុងស្រុកមួយនៅរសៀលថ្ងៃទី១១ ខែឧសភា នេះ លោកស្រី ប្រាក់ ផល្លី ដែលត្រូវជាភរិយារបស់កវីនិពន្ធចម្រៀង ជុំ ប៊ុនធឿន បានទទួលមរណភាពហើយ ដោយសារជំងឺកូវីដ-១៩។
អង្គភាពសារព័ត៌មានFresh news បានចុះផ្សាយដោយស្រង់សម្ដីកូនស្រីពៅរបស់កវី ជុំ ប៊ុនធឿន គឺកញ្ញា ប៊ុនធឿន ផល្លីពៅពិសី ថា ម្ដាយរបស់នាងបានទទួលមរណភាពកាលពីម៉ោង៥ល្ងាច ថ្ងៃទី១០ ខែឧសភា ឆ្នាំ២០២១ ហើយក្រុមគ្រូពេទ្យបានយកសាកសពទៅបូជានៅទីតាំងបូជាសពអ្នកស្លាប់ដោយសារជំងឺកូវីដ-១៩ ក្នុងស្រុកឱរាល់ ខេត្ដកំពង់ស្ពឺ។
ប្រភពដដែលបញ្ជាក់ថា ក្រុមគ្រូពេទ្យជំនាញបានប្រគល់អធិធាតុ និងលិខិតបញ្ជាក់ពីការស្លាប់ដោយសារជំងឺកូវីដ-១៩ ដើម្បីឲ្យគ្រួសារយកទៅធ្វើលិខិតមរណភាពនៅថ្ងៃទី១១ ខែឧសភា នេះ។
សូមបញ្ជាក់ថា លោកស្រី ប្រាក់ ផល្លី មានបញ្ហាសួតធ្ងន់ធ្ងរ បន្ទាប់ត្រូវបានវាយលុកដោយមេរោគកូវីដ-១៩ ហើយត្រូវបានគេបញ្ជូនទៅសង្គ្រោះបន្ទាន់នៅមន្ទីរមិត្ដភាពខ្មែរ-សូវៀត។ ប៉ុន្ដែលោកស្រីនៅតែមិនអាចជួយសង្គ្រោះបាន ដោយសារស្ថិតនៅក្នុងស្ថានភាពធ្ងន់ធ្ងរពេកហើយត្រូវបានគ្រូពេទ្យបញ្ជាក់ថាលោកស្រីបានស្លាប់ដោយសារជំងឺកូវីដ-១៩ កាលពីល្ងាចថ្ងៃទី១០ ខែឧសភា ម្សិលមិញ៕
