- 2021-05-14 08:43:33
- ព័ត៌មាន
សែនអាសូរ វីដេអូចេញក្នុងឡានពេទ្យ ឃើញ យាយ ណាង ដង្ហក់ខ្លាំង គួរឲ្យបារម្ភណាស់
- 2021-05-14 08:43:33
- ចំនួនមតិ 0 | ចំនួនចែករំលែក 0
សែនអាសូរ វីដេអូចេញក្នុងឡានពេទ្យ ឃើញ យាយ ណាង ដង្ហក់ខ្លាំង គួរឲ្យបារម្ភណាស់
ចន្លោះមិនឃើញ
លោកយាយ ណយ សំណាង សិល្បករកំប្លែងដ៏មានប្រជាប្រិយមួយរូប បាន និងកំពុងស្ថិតក្នុងស្ថានភាពគួរឲ្យបារម្ភ និងស្ថិតក្នុងការសង្ស័យថា មានពាក់ព័ន្ធមេរោគកូវីដ ១៩។ នេះបើតាមវីដេអូខ្លីមួយ។
វីដេអូនេះ បង្ហោះដោយតារាចម្រៀង វណ្ណា សក្ដិ ជាកូន ក្នុងពេលដែលពួកគេទាំងពីរកំពុងនៅលើរថយន្តសង្គ្រោះរបស់មន្ទីរពេទ្យដែលកំពុងបើកបរ។ ស្ថានភាពនេះ គេឃើញលោកយាយ ណយ សំណាង ស្ថិតក្នុងអាការហត់ និងដង្ហក់ខ្លាំងគួរឲ្យបារម្ភ។ ដូច្នេះហើយ គេឃើញលោក វណ្ណា សក្តិ កំពុងមានការបារម្ភពីអ្នកមានគុណ។
តារាចម្រៀងផលិតកម្ម M បានបង្ហោះវីដេអូ និងសារវែងមួយប្រាប់ពីស្ថានភាពម្ដាយ និងក្ដីកង្វល់របស់លោក ដែលមិនគួរណា អ្នកមានគុណរបស់លោកជួបរឿងដូច្នេះសោះ។ លោកសរសេរថា "មិនគួរណាមានបញ្ហាចឹងមកលើម៉ាក់ខ្ញុំ និងគ្រួសារខ្ញុំសោះ ហេតុអ្វីទៅលោកអើយ...”។
ម្ចាស់បទ "ពេលផឹកស្រវឹងនឹកអូនជាងគេ" មិនបានបញ្ជាក់ឡើយថា លោកយាយ ណាង ជាម្ដាយរបស់លោកមានជំងឺអ្វីពិតប្រាកដនោះទេ ខណៈគេឃើញប្រិយមិត្តជាច្រើនបានចូលទៅសាកសួរក្នុងបំណងចង់ដឹងពីជំងឺដែលកំពុងរុកទន្ទ្រានលើសិល្បករជើងចាស់ ប៉ុន្តែគេមិនទាន់ឃើញ មានការឆ្លើយតបនោះទេ។ នៅក្នុងគ្រានេះ ក្រៅពីបង្ហាញពីការបារម្ភ និងទុក្ខសោកពាក់ព័ន្ធ និងស្ថានភាពរបស់ម្ដាយខ្លួន លោក វណ្ណា សក្តិ បានត្រឹមបន់ស្រន់ប៉ុណ្ណោះ។
"សូមវត្ថុ ស័ក្តិសិទ្ធជួយតាមថែរក្សាម៉ាក់ខ្ញុំឆាប់ជាពីរជម្ងឺនេះផង សុខចិត្តអោយខ្ញុំធ្វើអ្វីក៏បានដែរ ខ្ញុំព្រមធ្វើតាមទាំងអស់ អោយតែម៉ាក់បានជាសះស្បើយពីជម្ងឺរកាចសាហាវនេះ។ ខ្ញុំមិនដឹងនិយាយថាម៉េចអោយត្រូវទេ គាំងអស់ហើយ មានតែសុំពាក្យជូនពរពីរបងប្អូនទាំងអស់គ្នា អោយម៉ាក់ខ្ញុំនិងគ្រួសារខ្ញុំបានជាសះស្បើយពីរជម្ងឺនេះផងចុះ យកជីវិតខ្ញុំទៅ សូមកុំយកជីវិតម៉ាក់ខ្ញុំអី"។
ក្នុងពេលដែលមិនអាចជួយអ្វីបាន គេឃើញប្រិយមិត្តជាច្រើន បានចូលរួមផ្ញើសារលើកទឹកចិត្ត និងជួយបន់ស្រន់ជូនក្រុមគ្រួសារសិល្បកររូបនេះ និងសង្ឃឹមថា លោកយាយ ណាង បានឆ្លងផុតគ្រោះនាពេលនេះ៕
