- 2021-05-17 06:10:30
- ព័ត៌មាន
ប្រវត្តិរូបត្រួសៗរបស់ម្ចាស់មកុដបវរកញ្ញាចក្រវាលប្រចាំឆ្នាំ ២០២០ វិវត្តខ្លួនពីវិស្វករអាជីព
- 2021-05-17 06:10:30
- ចំនួនមតិ 0 | ចំនួនចែករំលែក 0
ប្រវត្តិរូបត្រួសៗរបស់ម្ចាស់មកុដបវរកញ្ញាចក្រវាលប្រចាំឆ្នាំ ២០២០ វិវត្តខ្លួនពីវិស្វករអាជីព
ចន្លោះមិនឃើញ
Andrea Meza បានក្លាយជាម្ចាស់មកុដប្រចាំកម្មវិធី Miss Universe ឆ្នាំ២០២០ ដោយបានយកឈ្នះបវរកញ្ញាមកពី ៧៣ប្រទេស ដោយក្នុងនោះរួមមានចំណាត់ថ្នាក់កំពូលទាំង ៥មាន ប្រេស៊ីល ពេរូ ឥណ្ឌា និងដូមីនីកែន។
ដូចនេះក៏ដល់ពេលដែលត្រូវបង្ហាញពីជីវប្រវត្តិខ្លះៗរបស់ម្ចាស់មកុដ Miss Universe 2020 ដែរ។ តើនាងជាអ្នកណាមុនក្លាយជាបវរកញ្ញា? និងមានប្រភពមកពីណា?
Andrea Meza កើតនៅថ្ងៃទី១៣ ខែសីហា ឆ្នាំ១៩៩៤ ក្នុងទីក្រុង Chihuahua ប្រទេសមិចស៊ីកូ ជាកូនស្រីច្បង ក្នុងចំណោមបងប្អូនស្រី៣នាក់ និងក៏ជាប់សាច់ឈាមចិនដែរ។
បន្ទាប់ពីបញ្ចប់ការសិក្សាពីអនុវិទ្យាល័យ Meza ក៏បានចូលរៀននៅសាកលវិទ្យាល័យ Autonomous University of Chihuahua ជាកន្លែងដែលនាងចាប់យកជំនាញផ្នែកវិស្វកម្ម Software។ នាងបានបញ្ចប់ការសិក្សាដោយជោគជ័យទៀតនៅឆ្នាំ ២០១៧ ព្រមទាំងបានចាប់ផ្ដើមធ្វើការក្នុងប្រទេសកំណើត ជាវិស្វករ Software (ឬវិស្វករអភិវឌ្ឈកម្មវិធី) បន្ថែមលើអាជីពជាតារាម៉ូដែល។
ងាកចូលប្រវត្តិក្នុងវិស័យបវរកញ្ញាវិញ Andrea Meza ឈានជើងចូលក្នុងឆ្នាំ២០១៦ បន្ទាប់ពីនាងត្រូវបានជ្រើសរើសជាបេក្ខនារីតំណាងទីក្រុង Chihuahua ក្នុងកម្មវិធីប្រកួត Miss World Mexico 2016។
ជោគជ័យដំបូងនេះ ក៏បាននាំនាងឲ្យឈ្នះតំណែងបវរកញ្ញាជាបន្តបន្ទាប់ទៀតដូចជា៖
- Miss Mexico 2017
- ជាប់ជាជយលាភីលេខ២ Miss World Amercias
-ម្ចាស់មកុដ Mexicana Universal Chihuahua 2020
-តំណែងម្ចាស់មកុដ Mexicana Universal 2020
-ម្ចាស់មកុដ Miss Universe 2020
បើតាមប្រវត្តិរូបចូលរួមប្រកួត Andrea Meza ក៏ជាសកម្មជនដែលខ្នះខ្នែងខ្លាំង ក្នុងការលើកកម្ពស់សិទ្ធិនារីដែរ ព្រមទាំងបានធ្វើការយ៉ាងសកម្មក្នុងការលើកកម្ពស់ និងឲ្យតម្លៃខ្ពស់ចំពោះនារីៗទូទាំងពិភពលោក៕