- 2021-05-28 03:48:51
- ព័ត៌មាន
រឿងនឹកស្មានមិនដល់! ម្ចាស់ជយលាភីលេខ១ ផ្នែកចម្រៀងសម័យ ឆ្នាំ១៩៩៥ ស៊ុន ប៊ុនរិទ្ធ ធ្លាក់ខ្លួនរែកដី និងយាមផ្ទះឲ្យគេ
- 2021-05-28 03:48:51
- ចំនួនមតិ 0 | ចំនួនចែករំលែក 0
រឿងនឹកស្មានមិនដល់! ម្ចាស់ជយលាភីលេខ១ ផ្នែកចម្រៀងសម័យ ឆ្នាំ១៩៩៥ ស៊ុន ប៊ុនរិទ្ធ ធ្លាក់ខ្លួនរែកដី និងយាមផ្ទះឲ្យគេ
ចន្លោះមិនឃើញ
អតីតបេក្ខជនប្រឡងចម្រៀងសម័យ ជាប់ចំណាត់ថ្នាក់លេខ១ ទូទាំងប្រទេស កាលពីឆ្នាំ១៩៩៥ លោក ស៊ុន ប៊ុនរិទ្ធ ត្រូវបានគេប្រទះឃើញដោយចៃដន្យ ខណៈលោកយូរម្ហូបដើរឆ្ពោះទៅកាន់កន្លែងលោកអង្គុយយាម។ លោកបានធ្លាក់ខ្លូនដើររែកដីស៊ីឈ្នួលគេ ហើយបច្ចុប្បន្នលោកកំពុងធ្វើជាសន្តិសុខយាមផ្ទះឲ្យគេមួយនៅភ្នំពេញ។
សាក្សីម្នាក់ដែលបានឃើញ និងដឹងពីស្ថានភាពម្ចាស់ជយលាភីលេខ១ ផ្នែកចម្រៀងសម័យ លោក ស៊ុន ប៊ុនរិទ្ធ គឺម្ចាស់គណនីFacebook ឈ្មោះ Thorn Phornឲ្យដឹងថា នៅម៉ោងសម្រាកពីការងាររូបលោកបាននាំយកថវិកាខ្លះទៅជូនតន្ត្រីករ សំ វណ្ណៈ ដែលជួបគ្រោះថ្នាក់ចរាចរកាលពីឆ្នាំ២០២០។ គាប់ជួនលោកក៏បានឃើញលោក ស៊ុន ប៊ុនរិទ្ធ យួរថង់ម្ហូប មើលមិនស្គាល់ផង ប៉ុន្តែភ្លាមនោះលោក សំ វណ្ណៈ ក៏ប្រាប់លោកថានឹងហើយម្ចាស់ជយលាភីលេខ១ ស៊ុន ប៊ុនរិទ្ធ។
Thorn Phorn៖"ខ្ញុំក៏ទៅសំណេះសំណាល និងជូនថវិកា៥០០០០រៀលដល់លោក ហើយក៏សំណូមពរឲ្យគាត់បកស្រាយបទ"អារសាច់ជូនម្ដាយ" ២ឃ្លា ដែលជាបទជយលាភីលេខ១ ហើយឥឡូវធ្លាក់ខ្លួនមកធ្វើជាសន្ដិសុខយាមផ្ទះវិញ"។
ប្រភពដដែលនេះបញ្ជាក់ថា កាលពីលោកមិនទាន់មកធ្វើជាសន្តិសុខយាមផ្ទះឲ្យគេ លោកធ្លាប់ដើរស៊ីឈ្នួលរែកដីឲ្យគេ។ សប្បុរសជនដែលមានការអាណិតអាសូរ និងចង់ជួយដល់អតីតតារាចម្រៀងរូបនេះ អាចទាក់ទងទៅលោកតាមរយៈទូរស័ព្ទលេខ០១៦ ៩៥៣ ៦៨៤ ដើម្បីលោកនាំយកជំនួយទាំងនោះប្រគល់ជូនលោក ស៊ុន ប៊ុនរិទ្ធ ដែលកំពុងជួបការខ្វះខាត៕