- 2021-05-31 09:14:25
- ព័ត៌មាន
ខួបកំណើតគម្រប់អាយុ៣៧ឆ្នាំ ពេជ្រ សោភា នឹងប្ដូរម៉ូតសក់មួយនេះ ព្រោះនាងជឿថាវាធ្វើឲ្យនាងក្មេងជាងវ័យ
- 2021-05-31 09:14:25
- ចំនួនមតិ 0 | ចំនួនចែករំលែក 0
ខួបកំណើតគម្រប់អាយុ៣៧ឆ្នាំ ពេជ្រ សោភា នឹងប្ដូរម៉ូតសក់មួយនេះ ព្រោះនាងជឿថាវាធ្វើឲ្យនាងក្មេងជាងវ័យ
ចន្លោះមិនឃើញ
តារាចម្រៀងស្រីវ័យជ្រេរបស់ផលិតកម្មរស្មីហង្សមាស ពេជ្រ សោភា ឲ្យដឹងថារយៈពេលជិត២ឆ្នាំហើយដែលនាងត្រូវកក់សក់ កៀបសក់ និងផាត់មុខដោយខ្លួនឯង ដោយសារតែមិនចង់ចេញទៅក្រៅដើម្បីបង្ការការឆ្លងជំងឺកូវីដ-១៩។ ដូច្នេះសក់នាងប្រឈមនឹងការឆេះ តែនាងបានប្រើសាប៊ូ និងថែទាំសក់បានត្រឹមត្រូវ។
នៅក្នុងវីដេអូLive រយៈពេលប្រមាណកន្លះម៉ោងនៅរសៀលថ្ងៃទី៣១ ខែឧសភា នេះ ពេជ្រ សោភា និយាយថា ជិតដល់ថ្ងៃខួបកំណើត គម្រប់អាយុ៣៧ឆ្នាំ នាងនឹងកាត់សក់ដឺមី ដើម្បីលើកសម្រស់ផ្ទៃមុខ ឬធ្វើឲ្យនាងក្មេងជាងវ័យ។ នាងនិយាយបែបលេងសើចថា ពេលកាត់សក់រួចហើយ សម្រស់អាចមកជាស្រស់ស្អាតដូចអាយុ២៥ឆ្នាំវិញ។
ពេជ្រ សោភា៖"កុំទើសវា(សក់)ខ្លាំងពេក...និយាយមែនទែនត្រូវកាត់ហើយ! យើងកែគ្រប់ទម្រង់ដែលយើងចង់បាន ហើយត្រូវទៅនឹងផ្ទៃមុខរបស់យើង ហើយសក់ខ្ញុំងាយនឹងដុះវិញទេ អីចឹងសក់គេក្រាស់ចង់ធ្វើយ៉ាងម៉េចក៏បាន"។
តារាចម្រៀង ពេជ្រ សោភា បន្ថែមថានៅថ្ងៃខួបកំណើតរបស់នាងក្នុងរយៈពេលដ៏ខ្លីយ៉ាងមុខនេះ គេនឹងឃើញសក់នាងខ្លីពីខាងមុខ ហើយសូមកុំឲ្យប្រិយមិត្តឆ្ងល់ ព្រោះនាងចង់ប្ដូរស្ដាយសក់ក្នុងថ្ងៃខួបកំណើត។ សោភា បញ្ជាក់ថា នាងនឹងធ្វើខួបកំណើតដោយខ្លួនឯង ហើយនឹងLive អបអរខ្លួនឯងតាមFacebook៕