- 2021-06-08 02:06:00
- ព័ត៌មាន
ទម្លាយមូលហេតុពិតបណ្ដាលឲ្យ Lee Soo Man សម្រេចលក់ភាគហ៊ុនរបស់ខ្លួនទៅឲ្យក្រុមហ៊ុនដទៃ
- 2021-06-08 02:06:00
- ចំនួនមតិ 0 | ចំនួនចែករំលែក 0
ទម្លាយមូលហេតុពិតបណ្ដាលឲ្យ Lee Soo Man សម្រេចលក់ភាគហ៊ុនរបស់ខ្លួនទៅឲ្យក្រុមហ៊ុនដទៃ
ចន្លោះមិនឃើញ
កាលពីខែមុន បណ្ដាញផ្សព្វផ្សាយកូរ៉េ បានចេញផ្សាយព័ត៌មានថា ស្ថាបនិកផលិតកម្ម SM លោក Lee Soo Man នឹងលក់ភាពជាម្ចាស់ក្រុមហ៊ុនតន្ត្រីរបស់ខ្លួន ប៉ុន្តែតើក្នុងប្រការនេះ មានន័យយ៉ាងណាឲ្យប្រាកដ ចំពោះក្រុមហ៊ុន និងតារាៗ? ពេលនេះសូមបង្ហាញរចនាសម្ព័ន្ធម្ចាស់ភាគហ៊ុនរបស់ក្រុមហ៊ុន SM Entertainment ដែលមានលក្ខណៈងាយៗ និងស្រួលយល់ ហើយតើមានអ្វីកើតឡើងបើ Kakao និង Naver ទិញភាគហ៊ុនពីលោក Lee Soo Man?
ស្របពេលលោកលែងជា CEO របស់ SM លោកលាឈប់ពីតំណែងជានាយកក្រុមហ៊ុន ដើម្បីផ្ដោតលើការពង្រីកទីផ្សារទៅប៉ែកអន្តរជាតិ ក៏ដូចជារៀបចំអភិវឌ្ឍការងារជំនួញ និងតារាថ្មីៗ ប៉ុន្តែទោះជាយ៉ាងណាលោកនៅតែមានភាគហ៊ុនក្នុងក្រុមហ៊ុនដដែល ហើយពេលនេះលោកកំពុងសម្លឹងមើលទីផ្សារដើម្បីលក់ភាគហ៊ុនរបស់លោកដែរ។
ភាគហ៊ុនសរុបក្នុងក្រុមហ៊ុនគឺខ្ទង់ ២៣,៤លាន ហើយបានបែងចែកដោយមានម្ចាស់ភាគហ៊ុនជាអ្នកកាន់កាប់ជាច្រើននាក់។ ម្ចាស់ភាគហ៊ុនធំនៅពេលនេះ គឺលោក Lee Soo Man ដែលមានសិទ្ធិជាម្ចាស់ ១៨,៧៣ភាគរយ ក្នុងក្រុមហ៊ុន និងមាន ៤,៣៩២,៣៦៨ ភាគហ៊ុនសរុប គិតត្រឹមខែធ្នូ ឆ្នាំ២០២០។
ចំណែកអ្នកដែលស្ថិតនៅលេខរៀងបន្ទាប់ពី Lee Soo Man គឺ៖
ក្រុមហ៊ុនគ្រប់គ្រងទ្រព្យសម្បត្តិ Korea Investment Management កាន់កាប់ភាគហ៊ុនចំនួន ៤,៤៥ភាគរយ
ក្រុមហ៊ុន Alibaba កាន់កាប់ភាគហ៊ុនចំនួន ៣,៧១ភាគរយ
មូលនិធិសោធនសាធារណៈ National Pension Service កាន់កាប់ភាគហ៊ុនចំនួន ៣,៦៨ភាគរយ។
ក្នុងនោះបើតាមការបញ្ជាក់ BoA ដែលជាតារាចម្រៀង និងជានាយកប្រតិបត្តិផ្នែកច្នៃប្រឌិត ក៏ជាម្ចាស់ភាគហ៊ុន ០,០៤ភាគរយដែរ។
បើយោងតាមធនាគារិកវិនិយោគ លោក Lee បានព្យាយាមលក់ភាគហ៊ុនក្នុង SM ចាប់ពីឆ្នាំ ២០២០ ហើយលោកក៏គ្មានចេតនាក្នុងការលក់ភាគហ៊ុនទៅឲ្យកូនៗរបស់លោកដែរ។ ជំនួសមកវិញ ប្រភពដដែលបានលើកឡើងថា លោក Lee សម្រេចថាភាពជាដៃគូថ្មីជាមួយនឹងសាជីវកម្មធំៗគឺចាំបាច់បំផុត ដើម្បីអភិវឌ្ឍផលិតកម្មនេះឲ្យមានភាពរីកចម្រើនកាន់តែខ្លាំង។
ដូចនេះការសម្រេចលក់ភាគហ៊ុនរបស់ខ្លួន ទៅឲ្យក្រុមហ៊ុនផ្សេងទៀតនៅពេលនេះ លោក Lee ពិតជាអាចជួយធានាអនាគតរបស់ SM បាន។ បន្ថែមពីលើនេះក៏មានការបញ្ជាក់ផងដែរថា លោកក៏កំពុងចាប់ដៃគូជាមួយនឹងក្រុមហ៊ុនតិកណូឡូជីមួយដែរ៕