- 2021-06-09 00:30:00
- ព័ត៌មាន
ម្ចាស់ចំណាត់ថ្នាក់កំពូលទាំង ៣ ឈ្មោះជា «អ្នកមានអំណាចខ្លាំង» ក្នុងប្រវត្តិសាស្ត្រ ៥០ឆ្នាំប្រចាំ K-Pop
- 2021-06-09 00:30:00
- ចំនួនមតិ 0 | ចំនួនចែករំលែក 0
ម្ចាស់ចំណាត់ថ្នាក់កំពូលទាំង ៣ ឈ្មោះជា «អ្នកមានអំណាចខ្លាំង» ក្នុងប្រវត្តិសាស្ត្រ ៥០ឆ្នាំប្រចាំ K-Pop
ចន្លោះមិនឃើញ
ថ្មីៗនេះ Ilgan Sports បានធ្វើការអង្កេតបុគ្គលមានឥទ្ធិពលចំនួន ១០០នាក់ដែលកំពុងធ្វើការក្នុងវិស័យសិល្បៈកម្សាន្ត។ ក្នុងនោះរួមមានទាំងផលិតករ អ្នកដឹកនាំរឿង/កម្មវិធី និងក្រុមហ៊ុនល្បីៗមួយចំនួន ដែលពួកគេទាំងនេះត្រូវបានលើកថាជា អ្នកដែលមានអំណាចខ្លាំង «Power People» កំពូលទាំង ៤ ក្នុងវិស័យ K-Pop រយៈជាង ៥០ឆ្នាំកន្លងមកនេះ។
ចំណាត់ថ្នាក់ទី១៖ Cho Yong Pil
លោកត្រូវបានគេចាត់ទុកថាជាទ្រព្យកំណប់របស់កូរ៉េ ក្រោយបានបំពេញការងារបញ្ចេញស្នាដៃជាច្រើនក្នុងវិស័យសិល្បៈ។ តារាចម្រៀងជើងចាស់រូបនេះឈានជើងចូលសិល្បៈតាំងពីឆ្នាំ ១៩៦៨ ក្នុងក្រុម Atkins និងចេញបានអាល់ប៊ុមទោល ១៩។
កាលពីឆ្នាំ ២០១៨ លោកបានប្រារព្ធកម្មវិធីអបអរខួបលើកទី៥០ឆ្នាំ ក្នុងការចូលសិល្បៈ ដោយលក់សំបុត្រចូលទស្សនា Concert អស់ខ្ទេចត្រឹមរយៈពេល ២ថ្ងៃ។ ទោះបីជាតារាចាស់វស្សា ប៉ុន្តែលោក Cho Yong Pil ទទួលបានការស្រឡាញ់គាំទ្រទាំងអ្នកគាំទ្រចាស់ និងក្មេងៗជំនាន់ក្រោយ។
ចំណាត់ថ្នាក់ទី២.៖ Seo Taeji និង BTS
Seo Taeji គឺជាតារាចម្រៀង អ្នកនិពន្ធបទចម្រៀង និងផលិតករតន្ត្រី ដែលបានរកឃើញភាពជោគជ័យ ក្នុងក្រុមចម្រៀងប៉ុប "Seo Taeji and Boys”។ លោកត្រូវបានគេលើកតម្កើងថាជា តារាប្រុសដែលបានលើកស្ទួយវិស័យ K-Pop ឲ្យមានជីវិតជីវ៉ា ព្រោះតែភាពច្នៃប្រឌិតទាំងក្នុងការបង្កើតបទចម្រៀង ទាំងការធ្វើ MV និងការជ្រើស Fashion មករៀបចំខ្លួនពេលសម្ដែង។
ចូលដល់ BTS គឺជាក្រុមចម្រៀង KPOP ដ៏ល្បីជាងគេនាពេលបច្ចុប្បន្ននេះ។ ឥទ្ធិពលរបស់ក្រុមចម្រៀងមួយនេះមិនត្រឹមតែក្នុងតំបន់អាស៊ីទេ ពោលគឺទូទាំងពិភពលោក។ ពួកគេបានបោះជំហានយ៉ាងធំ ដោយនាំនូវវិស័យ K-Pop ឲ្យបរទេសបានស្គាល់កាន់តែទូលំទូលាយ។ អំណាចនៃប្រជាប្រិយភាពរបស់ BTS ក៏មិនធម្មតាលើ YouTube ដោយសារបទចម្រៀងដែលពួកគេចេញផ្សាយនៅបច្ចុប្បន្ននេះ តែងតែផ្ទុះការគាំទ្រខ្លាំងលើសធម្មតា ព្រមទាំងមានឱកាសឈ្នះពានធំៗរាប់មិនអស់ពីកម្មវិធីល្បីៗ ដូចជាពី Billboard, AMA ជាដើម។
ចំណាត់ថ្នាក់ទី៣៖ លោក Lee Soo Man
នេះគឺជាស្ថាបនិកក្រុមហ៊ុនសិល្បៈកម្សាន្តដ៏មានឥទ្ធិពលម្នាក់ប្រចាំប្រទេសកូរ៉េខាងត្បូង ដែលត្រូវបានផលិតករក្នុងវិស័យនេះជាច្រើន លើកលោក Lee Soo Man ថាជាបុគ្គលគំរូដែលពួកគេដើរគន្លងតាម។ លោកក៏ត្រូវបានគេលើកសរសើរថាជា បុរសម្នាក់ដែលបានជួយនាំវិស័យសិល្បៈកូរ៉េ ទៅឲ្យពិភពលោកបានស្គាល់ ឯក្រុមចម្រៀងល្បីៗដូចជា HOT, TVXQ, Super Junior, BoA, Girls’ Generation, SHINee, f(x), EXO, Red Velvet, NCT និង aespa សុទ្ធតែជាអ្នកដែល ទទួលបានការត្រួសត្រាយផ្លូវពី Lee Soo Man ហើយពួកគេបោះជំហានយ៉ាងវែងលើវិស័យ K-Pop ហើយដូចដឹងស្រាប់ថា សន្ទុះនៃភាពល្បីល្បាញរបស់ពួកគេហក់ឡើងកម្រិតណា៕