- 2021-06-09 03:15:58
- ព័ត៌មាន
Youngjae (GOT7) ប្រាប់អារម្មណ៍ពិតពេលញ៉ាំ ១កំផ្លៀងគីមឈីដោយដៃ Minnie (G)I-DLE
- 2021-06-09 03:15:58
- ចំនួនមតិ 0 | ចំនួនចែករំលែក 0
Youngjae (GOT7) ប្រាប់អារម្មណ៍ពិតពេលញ៉ាំ ១កំផ្លៀងគីមឈីដោយដៃ Minnie (G)I-DLE
ចន្លោះមិនឃើញ
ថ្មីៗនេះ Youngjae (GOT7) បាន Live វីដេអូជជែកលេងជាមួយនឹងអ្នកគាំទ្ររបស់ខ្លួន ហើយលោកក៏បានត្រៀមមី ១ចានទុកញ៉ាំបណ្ដើរ Live បណ្ដើរដែរ។
ពេលកំពុងចម្អិនមី ប្រាកដជាមានគ្រឿងផ្សំច្រើនមុខ ក្នុងនោះក៏មានគីមឈីដែរ។ ពេលដែលឃើញគីមឈីហើយ Fan ដែលកំពុងទស្សនាវីដេអូ Live ក៏បាននឹកឃើញភ្លាមដល់ឈុត Minnie ((G)I-DLE) ទះកំផ្លៀងលោក ដោយប្រើគីមឈី ក្នុងរឿង «So Not Worth It» ដែលនឹងមានបញ្ចាំងលើ Netflix។
ទស្សនា Trailer រឿងខាងក្រោម៖
ឃ្លីបទះកំផ្លៀងស្ទីលថ្មីនេះ កំពុងក្លាយជាវីដេអូល្បីពេញបណ្ដាញសង្គម រហូតអ្នកខ្លះយកវីដេអូនេះធ្វើជា Meme ទៀត។
អ្នកមើលម្នាក់បាន Comment ពីឈុត «ត្រូវ១កំផ្លៀងគីមឈីលើមុខ» Youngjae ឃើញហើយសើចភ្លាម ហើយលើកកញ្ចប់ គីមឈីឡើង និងនិយាយថា «អ្នកអត់ដឹងថា វាមានអារម្មណ៍យ៉ាងណាទេ...» និងបានបន្តថា៖ «ខ្ញុំថតឈុតនេះតែ ១ដងទេ ខ្ញុំបារម្ភដែរ ខ្លាចត្រូវថតច្រើនដង ហើយយើងក៏មិនអាចធ្វើដដែលៗដូចៗគ្នាដែរ។ ព្រះអាទិត្យក៏រៀបនឹងលិចដែរ ខ្ញុំក៏ត្រូវប្ដូរខោអាវ និងផាត់មុខម្ដងទៀត។ ដូចនេះបើយើងថតខុស យើងត្រូវធ្វើវាម្ដងទៀតនៅថ្ងៃបន្ទាប់។ ដូច្នេះ ខ្ញុំតាំងចិត្តថា “ខ្ញុំនឹងថតឲ្យត្រូវតែ១ដងទេ”»។
ទាក់ទងនឹង Meme ត្រូវ ១កំផ្លៀងគីមឈីនេះ លោកក៏បានឃើញដែរ ហើយគិតថាវាពិតជាកំប្លែងមែន ហើយពេលនោះ Youngjae បារម្ភខ្លាចខ្លួនឯងច្រឡំសើច ឬញញឹមពេលត្រូវកំផ្លៀងទៀត ព្រមទាំងប្រឹងប្រាប់ខ្លួនឯងថា «កុំសើចឲ្យសោះ»។
Youngjae នៅបានបន្ថែមទៀតថា ថតហើយ ទាំងសក់ ទាំងមុខ មានទាំងម្ទេស ទឹកត្រី និងគ្រឿងសព្វមុខរបស់ គីមឈី និងទំនងជាចូលក្នុងត្រចៀកទៀត ព្រោះត្រូវមួយទំហឹង ហើយនិយាយពីក្លិនវិញ គឺថាពិបាកទទួលយកណាស់។
គួរបញ្ជាក់ផងដែរ រឿង «So Not Worth It» នឹងចាក់បញ្ចាំងជាផ្លូវការនៅលើ Netflix នៅថ្ងៃទី ១៨ ខែមិថុនា ខាងមុខនេះ៕