- 2021-06-10 02:35:10
- ព័ត៌មាន
លឹម ឡានី បង្ហាញមុខបុរសជនជាតិបារាំងម្នាក់ ខណៈនាង និងកូនត្រៀមចេញទៅរស់នៅក្នុងប្រទេសដ៏ជឿនលឿនមួយនេះ
- 2021-06-10 02:35:10
- ចំនួនមតិ 0 | ចំនួនចែករំលែក 0
លឹម ឡានី បង្ហាញមុខបុរសជនជាតិបារាំងម្នាក់ ខណៈនាង និងកូនត្រៀមចេញទៅរស់នៅក្នុងប្រទេសដ៏ជឿនលឿនមួយនេះ
ចន្លោះមិនឃើញ
ការមានកូនដោយគ្មានស្វាមីរបស់អតីតតារាសម្ដែងស្រី លឹម ឡានី នៅតែជាមន្ទិលរបស់មហាជន បើទោះបីជាតារាស្រីរូបនេះធ្លាប់បកស្រាយថា កូនប្រុសដែលគិតមកដល់ពេលនេះមានវ័យប្រមាណ៣ឆ្នាំហើយនោះ គឺជាកូនរបស់នាងបានមកពីការទិញមេជីវិតពីបុរសជនបរទេសម្នាក់តែមិនធ្លាប់ពាក់ព័ន្ធ ឬរស់នៅជាមួយគ្នាដូចជាប្ដី-ប្រពន្ធនោះទេ។
ថ្មីៗនេះ លឹម ឡានី ធ្លាប់ប្រាប់Sabay ថាក្រោយស្ថានភាពជំងឺកូវីដ-១៩ ស្ងប់ស្ងាត់បន្ដិច នាង និងកូនប្រុស នឹងចេញទៅរស់នៅប្រទេសបារាំងជាអចិន្ត្រៃយ៍ ហើយអាចមកលេងស្រុកខ្មែរម្ដងម្កាល។ អ្នកធានាចេញទៅរស់នៅបារាំងនោះ ត្រូវនាងបញ្ជាក់ថា មិនមែនជាសង្សារ ឬស្វាមីអ្វីឡើយ គឺមានអ្នកស្គាល់គ្នារស់នៅបារាំងជាអ្នកធានា។
ប៉ុន្តែកាលពីថ្ងៃទី៦ ខែមិថុនា ឆ្នាំ២០២១ ស្រាប់តែអ្នកនាង លឹម ឡានី បង្ហាញរូបថតនិយាយគ្នាតាមវីដេអូឆាតជាមួយបុរសជនជាតិបារាំងម្នាក់ដែលនាងហៅថា"Florent Soulié "ជាច្រើនសន្លឹក។ ភ្ជាប់ជាមួយរូបថតទាំងនោះ ឡានី បានសរសេរជាភាសាអង់គ្លេសដែលមានន័យថា"រីករាយថ្ងៃខួបកំណើតបងសម្លាញ់! សង្ឃឹមថាអាចនឹងបានជួបជុំគ្នាក្នុងពេលឆាប់ៗនេះ"។
ទោះជាយ៉ាងណាគិតមកដល់ព្រឹកថ្ងៃទី១០ ខែមិថុនា ឆ្នាំ២០២១ នេះ Sabay មិនទាន់អាចទាក់ទងសាមីខ្លួន ដើម្បីបកស្រាយជុំវិញរឿងនេះនៅឡើយទេ។ អតីតតារាសម្ដែង លឹម ឡានី បានបាត់មុខពីសិល្បៈជាង១០ឆ្នាំហើយ ក្រោយពីនាងបានថតរឿងខ្នាតធំចុងក្រោយមួយ គឺរឿង"ហនុមាន" ក្នុងឆ្នាំ២០១៤។ កាលណោះនាងបានឱកាសសម្ដែងជាតួរងជាមួយនឹងតារាសម្ដែងប្រុសជើងចាស់ សាវិន ហ្វីលីប៕