- 2021-06-17 06:44:25
- ព័ត៌មាន
រឿងរ៉ាវលម្អិតចេញហើយ សុទ្ធ បញ្ចកា រៀបរាប់អស់ហេតុការណ៍នាងត្រូវ អេដវីន ចាក់គន្លឹះទ្វារ ហើយវាយមិនដកដៃ
- 2021-06-17 06:44:25
- ចំនួនមតិ 0 | ចំនួនចែករំលែក 0
រឿងរ៉ាវលម្អិតចេញហើយ សុទ្ធ បញ្ចកា រៀបរាប់អស់ហេតុការណ៍នាងត្រូវ អេដវីន ចាក់គន្លឹះទ្វារ ហើយវាយមិនដកដៃ
ចន្លោះមិនឃើញ
ស្រមោលខ្មៅងងឹតនៅតែអន្ទោលតាមប្រាណអ្នកមេម៉ាយកូន២ សុទ្ធ បញ្ចកា។ នោះគឺការនឹកឃើញរបស់នាង ពេលដែលអេដវីន ប្រើហិង្សាលើនាង ដោយទាញទ្វាបិទមិនឲ្យនណាចូលជួយ រួចក៏ហូតយកខ្សែក្រវាត់វាយនាងចំនួន១០ដង បោកនាងផ្ទប់ទៅនឹងជញ្ជាំង ហើយបោចសក់ ទះកំផ្លៀងនាងយ៉ាងដំណំ។ នេះបើតាមការអះអាងរបស់ សុទ្ធ បញ្ចកា។
សុទ្ធ បញ្ចកា បានសរសេរសារដ៏វែងអន្លាយមួយនៅលើគណនីFacebookផ្ទាល់ខ្លួននៅរសៀលថ្ងៃទី១៧ ខែមិថុនា ថា ទោះបីរូបកាយគ្រាំគ្រាប៉ុណ្ណេះក៏នាងមិនឈឺដែរ តែអ្វីដែលនាងឈឺបំផុតនោះ គឺឈឺចិត្ដ ត្បិតថាមនុស្សដែលនាងធ្លាប់ស្រលាញ់ស្មើនឹងជីវិតបែរជាលើកដៃវាយនាងយ៉ាងកម្រោល។
សុទ្ធ បញ្ចកា៖"ប៉ុន្មានថ្ងៃកើតហេតុភ្លាម ញុំពិតជាមិនចង់យករូបបែបនេះ យកមក post ទេ ព្រោះពេលចង់សសេរហើយ ខ្ញុំសសេរទៅមុខអត់រួចទេ ព្រោះបេះដូងខ្ញុំឈឺខ្លាំង ទឹកភ្នែកខ្ញុំហូរខ្លាំងទប់មិនជាប់ទេ"។
បញ្ចកា បានរៀបរាប់ហេតុការណ៍ដែលបានកើតឡើងកាលពីថ្ងៃទី១៥ ខែមិថុនា ឆ្នាំ២០២១ នោះថា អេដវីន បានបិទជិតមិនឲ្យអ្នកចូលមកជួយ ហើយដកខ្សែក្រវាត់ ទំហំប៉ិន 3 ម្រាមដៃ វាយក្បាលនាង ប្រហែល 10 ដង វាយយកៗ មិនដកដៃ ពេលនោះនាងឈឺពេកក៏យកដៃរង ហើយគេមិនឈប់ទេ គេមកវាយ ខ្លួននាងថែមគ្រប់កន្លែង រហូតដល់នាងរត់ទៅកន្លាតពូក លើកដៃសំពះ ហើយនិយាយថា“ បងអើយ! ឈប់វាយអូនទៅ អូនឈឺណាស់ អូនអត់ខុសជាមួយបងទេ មិចបងមិនជឿអូន“ ។
បញ្ចកា បន្ថែមថា បើទោះបីជាលើកដៃសំពះអង្វរយ៉ាងណាតែអេដវីនមិនឈប់ដដែល គេវាយយកៗទៀត រហូតនាងគាំង ស្ទះ គេក៏ឈប់មួយភ្លែត ហើយឃើញនាងងើបបានមកវិញ គេក៏បោចសក់នាងអូសទម្លាក់ពីលើជណ្តើរ ហើយក្បាលនាងផ្នែកខាងក្រោយត្រូវបោកទៅនឹងជញ្ជាំងមួយទំហឹង បន្ទាប់មកទៀតក៏ចាប់នាងបោកផ្ទប់ទៅនឹងឥដ្ឋ ហើយនាងនៅតែយំអង្វរអេដវីនថា៖"បងអើយឈប់ទៅ អូនឈឺណាស់ “ តែគេមិនស្តាប់ វាយរហូតនាងស្រងល់ ហើយចាប់អូសនាងឡើងម៉ូតូ ទៅផ្ទះនាង១ទៀត ដែលកូននាងនៅទីនោះ។
អ្នកមេម៉ាយកូន២ សុទ្ធ បញ្ចកា ដែលកំពុងមានស្នាមរបួសជាំស្ទើរពេញខ្លួន អះអាងថា រូបនាងនឹងរៀបរាប់បន្ថែមទៀតនូវមូលហេតុដែលឈានដល់ការប្រើហិង្សា ក្រោយពីនាងធូរស្បើយផ្លូវចិត្ដបន្តិច។ បញ្ចកា ថាពេលនេះនាងគ្រាំក្នុង យប់ឡើងឈឺក្បាលទ្រាំមិនបានរហូតដល់យំ ហើយគេងមិនលក់ពីរថ្ងៃមកហើយ៕