- 2021-06-21 02:00:19
- ព័ត៌មាន
ឆ្ងាញ់ភ្នែកទៀតហើយ Song Kang នឹងរួមការងារជាមួយ Park Min Young នាមជាអ្នកព្យាករណ៍អាកាសធាតុ
- 2021-06-21 02:00:19
- ចំនួនមតិ 0 | ចំនួនចែករំលែក 0
ឆ្ងាញ់ភ្នែកទៀតហើយ Song Kang នឹងរួមការងារជាមួយ Park Min Young នាមជាអ្នកព្យាករណ៍អាកាសធាតុ
ចន្លោះមិនឃើញ
តាមប្រភពព័ត៌មានបានឲ្យដឹងថា Park Min Young និង Song Kang នឹងសម្ដែងរួមគ្នាជាតួឯក ក្នុងរឿងថ្មីរបស់ទូរទស្សន៍ JTBC មានចំណងជើងថា «Cruel Story of Office Romance»។
យោងតាមការចេញផ្សាយរបស់ JTBC បានបញ្ជាក់ថាតួធំសម្រាប់រឿងថ្មីនេះមាន Park Min Young, Song Kang ជាមួយនឹង Yoon Park និង Yura (Girl’s Day)។
Park Min Young ដែលក្នុងរឿងមានឈ្មោះថា «Jin Ha Kyung» សម្ដែងជាអ្នកព្យាករណ៍អាកាសធាតុនៅមន្ទីររដ្ឋបាលឧតុនិយមនៅកូរ៉េ។ នាងជាមនុស្សដែលផ្ដោតលើការងារជាធំ ហើយសកម្មនឹងការងារគ្រប់ពេលវេលា គ្រប់ទីកន្លែង។ តួនេះជាមនុស្សឆ្លាត មានចំណេះដឹងពេញខ្លួន និងច្បាស់លាស់បំផុត។
ចំណែក Song Kang ដែលត្រូវដើរតួ «Lee Si Woo» វិញ ក៏ជាអ្នកព្យាករណ៍អាកាសធាតុដែរ ដែលត្រូវទទួលបន្ទុកព័ត៌មានក្ដៅៗនៅមន្ទីររដ្ឋបាល ឧតុនិយមនៅកូរ៉េ។ លោកជាមនុស្សដែលមានគំនិតធម្មតា មិនលេចធ្លោពេកទេ ជាហេតុធ្វើឲ្យអ្នកផ្សេងមើលមក លោកគឺជាមនុស្សល្ងង់ តែតាមពិតតួម្នាក់នេះមានកម្រិត IQ ដល់ទៅ ១៥០ឯណោះ។ នេះជាមនុស្សដែលមានសមត្ថភាពខ្ពស់និងមានការយកចិត្តទុកដាក់ខ្លាំងទៅលើការងាររបស់ខ្លួនទាក់ទងនឹងអាកាសធាតុ។
ទាក់ទងនឹងដំណើរការសមអាន Script នឹងចាប់ផ្ដើមឆាប់ៗនេះ ហើយរឿងថ្មីនេះដែរ គ្រោងនឹងបញ្ចាំងនៅឆមាសទី១ ឆ្នាំ ២០២២។ ជារឿងដែលនិពន្ធដោយ Kang Eun Kyung និង Sunyoung ដែលជាអ្នកបានសម្រេចស្នាដៃធំដូចជា «The World of the Married», «Misty», និង «My Horrible Boss» ជាដើម។ រឿងនេះនឹងដឹកនាំសម្ដែងដោយ Cha Young Hoon ម្ចាស់ស្នាដៃរឿង «When the Camellia Blooms»៕
