- 2021-06-22 04:43:22
- ព័ត៌មាន
គ្រាន់តែឃើញ Xiao Zhan និង Li Qin ញ៉ាំអីជុំគ្នាសោះ នាំគ្នាផ្អើលថាទាក់ទងញ៉ែគ្នាឡើងពេញ Weibo
- 2021-06-22 04:43:22
- ចំនួនមតិ 0 | ចំនួនចែករំលែក 0
គ្រាន់តែឃើញ Xiao Zhan និង Li Qin ញ៉ាំអីជុំគ្នាសោះ នាំគ្នាផ្អើលថាទាក់ទងញ៉ែគ្នាឡើងពេញ Weibo
ចន្លោះមិនឃើញ
Xiao Zhan និងក្រុមការងារថតរឿង «A Dream Like a Dream» បានជុំគ្នាធ្វើការយ៉ាងមមាញឹកនៅក្នុងទីក្រុង Chengdu កាលពីថ្ងៃទី២០ ខែមិថុនាកន្លងទៅ។
ពេលថតចប់ Xiao Zhan រួមជាមួយនឹងក្រុមការងារក៏បានញ៉ាំអាហារពេលល្ងាចជាមួយគ្នានៅហាង Hotpot មួយកន្លែងនៅម្ដុំនោះឈ្មោះថា "Tan Ya Xue"។ ប៉ុន្តែទោះបីជាយ៉ាងណា ក៏ស្រាប់តែមានការឲ្យដឹងថា មានមនុស្សជាច្រើនបាននាំគ្នារោមនៅក្រៅហាងយ៉ាងណែន ក៏ដោយសារវត្តមាន Xiao Zhan។
កាលពីថ្ងៃទី២១ ម្ចាស់ហាងក៏បានចេញសុំទោសសម្រាប់ការដែលធ្វើឲ្យមានរឿងច្រួលច្របល់បែបនេះ ព្រមទាំងបានបន្ថែមដែរថា ក្រុមការពារក៏បានជួយសម្រួលតារាៗចេញមកវិញដោយសុវត្ថិភាពដែរ។ ប៉ុន្តែអ្វីដែលកាន់តែគួរឲ្យភ្ញាក់ផ្អើលនោះគឺ គេឃើញមានវត្តមាន Li Qin នៅញ៉ាំអាហារពេលល្ងាចជាមួយនឹង Xiao Zhan បែបនេះវាក្លាយទៅជាពាក្យចចាមអារ៉ាមថា តារា ២នាក់នេះណាត់ជួបសាសងគ្នា និងល្បីពេញ Weibo។
ទោះជាយ៉ាងណាទាក់ទងនឹងរឿងនេះ ក្រុមអ្នកការពារ Xiao Zhan បានវាយបកទៅវិញ ដោយបានច្រានចោលថានេះជាព័ត៌មានខុសពីការពិតទាំងស្រុង ព្រោះនេះជាការញ៉ាំអាហារជុំក្រុមការងារទាំងអស់ ច្រើននាក់មិនមែនតែ ២នាក់ទេ សូមកុំឲ្យមានការយល់ច្រលំ និងផ្សាយព័ត៌មានមិនពិតតទៀត៕
ប្រភព៖ 38jiejie.com