- 2021-07-09 02:27:30
- ព័ត៌មាន
អាយុដំណាលគ្នាសោះ ប៉ុន្តែហេតុអ្វី BamBam ហៅ Lisa ថា «បង» កប់ៗមាត់?
- 2021-07-09 02:27:30
- ចំនួនមតិ 0 | ចំនួនចែករំលែក 0
អាយុដំណាលគ្នាសោះ ប៉ុន្តែហេតុអ្វី BamBam ហៅ Lisa ថា «បង» កប់ៗមាត់?
ចន្លោះមិនឃើញ
គ្មានអ្វីជាអាថ៌កំបាំងទេពីទំនាក់ទំនងមិត្តល្អរវាង BamBam (GOT7) និង Lisa (BLACKPINK)។ ពួកគេបានស្គាល់គ្នាតាំងពីនៅជាក្មេងតូច ហើយចេញពីស្រុកកំណើតចូលទៅរស់នៅប្រទេសកូរ៉េ ចាប់ផ្ដើមប្រឡូកក្នុងវិស័យ K-Pop ដូចគ្នាទៀត។
ដោយឡែកថ្មីៗនេះ BamBam បានបង្ហាញមុខក្នុងកម្មវិធី Park Sohyun’s Love Game របស់ SBS Power FM ហើយក៏ជាពេលលោកទម្លាយពីរឿងរ៉ាវមួយចំនួនជាមួយនឹង Lisa។
តាមពិតទៅ BamBam និង Lisa សុទ្ធតែកើតនៅឆ្នាំ ១៩៩៧ដូចគ្នា ដំណាលនឹងតារា K-Pop ជនជាតិថៃដូចគ្នាគឺ Minnie ((G)I-DLE) ដែរ។ ប៉ុន្តែមានចម្ងល់ជាច្រើនកន្លងមកថា ហេតុអ្វីបានជា Bam ត្រូវហៅ Lisa ថា «បង» ទៅវិញ?
ទាក់ទងនឹងចំណុចនេះ ម្ចាស់ខ្លួនបាននិយាយថា ហេតផលទាក់ទងនឹងកម្ពស់៖ «ខ្ញុំចង់និយាយថា ខ្ញុំបានស្គាល់បង Lisa យូរហើយ តាំងពីនៅតូចៗម្ល៉េះ ប៉ុន្តែជាមួយបង Lisa ពេលនោះខ្ញុំមានកម្ពស់ត្រឹមចង្កេះគាត់ប៉ុណ្ណោះ អ៊ីចឹងខ្ញុំក៏ហៅគាត់ បងៗ តែម្ដងទៅ»។
មកដល់ឥឡូវ Bam ថាខ្លួនទម្លាប់ទៅហើយ ប៉ុន្តែលើកលែងតែពេលនិយាយថៃទេ ទើបលោកហៅ Lisa ដោយភ្ជាប់ពាក្យ «បង» ពីមុខ។ ដល់ពេលនិយាយកូរ៉េ លោកហៅឈ្មោះធម្មតា មិនបានហៅបងទេ។
បន្ថែមពីលើនេះ សមាជិក GOT7 រូបនេះបានទម្លាយថា Lisa ក៏ជាអ្នកដែលបានស្ដាប់បទចម្រៀងលោកមុនគេដែរ មានន័យថាតាំងពីមុនអាល់ប៊ុមចេញផ្សាយទៅទៀត៕