- 2021-07-19 04:54:19
- ព័ត៌មាន
ហោរាម្នាក់ទាយថា Taylor Swift នឹងត្រូវគេស្គាល់ ហើយតាមដានគ្រប់គ្នា តែម្ដាយបែរជាភ័យខ្លាចកូនត្រូវគេចាប់
- 2021-07-19 04:54:19
- ចំនួនមតិ 0 | ចំនួនចែករំលែក 0
ហោរាម្នាក់ទាយថា Taylor Swift នឹងត្រូវគេស្គាល់ ហើយតាមដានគ្រប់គ្នា តែម្ដាយបែរជាភ័យខ្លាចកូនត្រូវគេចាប់
ចន្លោះមិនឃើញ
បង្ហាញមុខជាង ១៥ឆ្នាំក្នុងពិភពសិល្បៈ Taylor Swift បានជួបរឿងជាច្រើន ប៉ុន្តែអរគុណដល់ការខិតខំប្រឹងប្រែងក្នុងអាជីពនេះ ទើបធ្វើឲ្យនាងក្លាយជាតារាល្បីឈ្មោះលំដាប់សកលលោក និងជាម្ចាស់បទល្បីរាប់មិនអស់។
ការជោគជ័យដូចពេលនេះក៏ជាចំណែក កើតចេញពីកម្លាំងចិត្តរបស់ម្ដាយរបស់នាងគឺ អ្នកស្រី Andrea Gardner Swift ដែរ។ នាមជាម្ដាយ អ្នកស្រីបានលះបងគ្រប់យ៉ាង និងចំណាយពេលនៅក្បែរមើលថែកូន បើទោះបី Taylor លែងជាក្មេងក៏ដោយ ក៏ទឹកចិត្តជាម្ដាយនៅតែបារម្ភនិងចង់ដឹងរឿងគ្រប់យ៉ាងពីកូន។
កាលពីឆ្នាំ ២០១៤ តារាចម្រៀងរូបនេះបានរម្លឹករឿងរ៉ាវខ្លះពីម្ដាយរបស់ខ្លួនថា៖ «ពេលខ្ញុំអាយុ ១២ឆ្នាំ មានហោរាម្នាក់ទាយពីអនាគតរបស់ខ្ញុំ។ គាត់បានប្រាប់ម៉ាក់ខ្ញុំថា ពិភពលោកទាំងមូលនឹងតាមដាន ហើយស្គាល់ឈ្មោះកូនស្រីរបស់គាត់ ប៉ុន្តែពេលនោះម៉ាក់ខ្ញុំទៅជាភ័យខ្លាចខ្ញុំត្រូវគេចាប់ជំរិត ព្រោះពីមុនគ្រួសារខ្ញុំក៏ជាអ្នកមានដែរ»។
ជាការពិត ដូចអ្វីដែលបានទស្សន៍ទាយចេញពីបុរសគ្រូទាយម្នាក់នោះមែន គិតមកដល់ពេលនេះ Taylor Swift គឺជាបុគ្គលល្បីឈ្មោះមិនធម្មតាទូទាំងពិភពលោក មានអ្នកតាមដានចង់ដឹងពីសកម្មភាពនាងជាច្រើន ប៉ុន្តែភាពល្បីល្បាញ និងមានអ្នកស្គាល់ច្រើននេះ គឺតាមរយៈស្នាដៃតន្ត្រី មិនមែនដោយសារការចាប់ជំរិតទេ។
អ្វីដែលនាងបានបង្ហើប បានធ្វើឲ្យអ្នកទស្សនាកម្មវិធីពេលនោះផ្ទុះសំណើចគ្រប់គ្នា ហើយពួកគេលាន់មាត់ថា បើគិតសព្វៗទៅ Taylor មិនមែនជាអ្នកត្រូវគេចាប់ជំរិតទេ ប៉ុន្តែនាងទៅវិញទេដែលជាងអ្នកចាប់មនុស្សរាប់លាននាក់ គឺទាញយកបេះដូង និងការស្រឡាញ់ចូលចិត្តតាមរយៈបទចម្រៀងដែលចេញពីការខិតខំផ្ទាល់។
ងាកមកម្ដាយរបស់ Taylor វិញ តែងទៅណាមកណាជាមួយកូនជានិច្ច ដោយសារវត្តមានអ្នកស្រីប្រៀបដូចម្លប់ និងជាទីបង្អែកសម្រាប់កូន មិនថាពេលសប្បាយ ឬកើតទុក្ខ។ ចំណែក Taylor វិញក៏ជាកូនល្អ និងស្រឡាញ់ម្ដាយបំផុត៕