លើកទី១ហើយ ខេម ឲ្យតម្រុយរឿងមានកូន!

2021-07-21 10:18:34
ជីវិតតារា

2021-07-21 10:18:34
ចំនួនមតិ 0 | ចំនួនចែករំលែក 0

ចន្លោះមិនឃើញ

មានសិល្បករសិល្បការិនីជាច្រើន តែងតែលាក់បាំងរឿងរ៉ាវស្នេហាផ្ទាល់ខ្លួន បើទោះបីគេមានគ្រួសារ មានកូន រឺក៏មានទំនាក់ទំនងស្នេហាក្តី ក៏មិនហានបញ្ចេញប្រាប់គេនោះដែរ ព្រោះខ្លាចបាត់បង់ប្រជាប្រិយភាពរបស់ខ្លួនក្នុងវិស័យសិល្បៈ ។តែឥឡូវតារាចម្រៀងសំឡេងស្អកប្រចាំ Galaxy បានបង្ហោះរូបភាពមួយសន្លឹក ជាមួយនឹងតម្រុយដ៏កម្រមួយដែលថា លោកមានកូនម្នាក់ហើយ។

តារាចម្រៀងសំឡេងស្អកប្រចាំ Galaxy ត្រូវបានមហាជនជាច្រើនដឹងថា លោកមានទំនាក់ទំនងយ៉ាងជិតស្និទ្ធកាលពីប៉ុន្មានឆ្នាំមុន ជាមួយស្រីស្អាតម្នាក់នៅប្រទេសបារាំង ដែលលោកទើបបានបង្ហាញកាលពីថ្ងៃសម្ពោធហាងផឹកស៊ីរបស់លោកកាលពីប៉ុន្មានខែមុន។ ហើយរហូតមកដល់ថ្ងៃនេះ លោកខេមក៏បានបង្ហោះរូបកូនក្មេងគួរឲ្យស្រលាញ់មួយសន្លឹក អមជាមួយការសរសេរថា « បើប្រាប់ថាកូនក៏អ្នកមិនជឿដែរនាំ Baby ដើរលេងម្តង សុខសប្បាយគ្រប់គ្នាណា» ខេម សរសេរបែបនេះ ស្របពេលដែលលោកបានទៅដល់ ប្រទេសបារាំងរួចហើយ កាលពីម្សឹលមិញនេះ។

គិតចាប់ពីពេលដែលលោកបង្ហោះសារ ដោយមានភ្ជាប់រូបភាពដ៏គួរឲ្យភ្ញាក់ផ្អើលនេះ រហូតមកដល់ពេលនេះ Sabay មិនទាន់អាចសុំការបញ្ជាក់ពីតារារូបនេះបាននៅឡើយទេ ថាតើរូបភាពនិងអត្ថន័យដែលលោកបានបង្ហោះនេះ ជាការលេងសើច រឺក៏ជាការពិត យ៉ាងណានោះទេ ។ មែនទែនទៅ រឿងការមានកូនមុនរៀបការក្នុងសម័យនេះ លែងជាបញ្ហាសម្រាប់យុវវ័យទៀតហើយ ខ្លះមានកូនពីររឺបីហើយ ក៏អាចរៀបការបានដែរ សំខាន់ឲ្យតែចេះស្រលាញ់គ្នា យល់ចិត្តគ្នាទៅបានហើយ។

ទោះជាយ៉ាងនេះក្តី តាមរយៈ Comment ជាច្រើននៅលើរូបភាពដែលបានបង្ហោះនោះ មហាជនមានការផ្ញាក់ផ្អើល និងចាប់អារម្មណ៏ជាខ្លាំង ដោយឃើញផុសបែបនេះ ខ្លះថា លោកគ្រាន់តែលេងសើចតែប៉ុណ្ណោះ ម្យ៉ាងរឿងបែបនេះកើតមានស្ទើរធម្មតាក្នុងសង្គមសិល្បៈ ។

ប៉ុន្តែមតិផ្សេងទៀតរបស់អ្នកគាំទ្រ លើកឡើងថា លោក ខេម ប្រហែលជាលេងបន្លំមែន ពោលគឺ លោកពិតជាកូនមែន។ ការសន្និដ្ឋានបែបនេះ ដោយសារថា ខេម ត្បិតថាមិនទាន់រាប់ការ ប៉ុន្តែលោក និងគូស្នេហ៍នៅបារាំងនោះបានសេពគប់គ្នាយូរមកហើយ ហើយក៏មិនចម្លែកដែរ ដែលសិល្បករកសាងសង្គមគ្រួសារមុនចូលរោងការ ដែលគេឃើញជាហូរហែមកហើយដូចជា ពេជ្រ សូលីកា សិទ្ធី នីកា និងឌុច លីដា ជាដើម សុទ្ធតែមានកូនមុនការទាំងអស់។

យ៉ាងណាក៏ដោយ អ្វីៗមិនទាន់អាចយកជាការបាន ១០០% នៅឡើយ ដោយសារថា សាមីខ្លួនមិនទាន់អាចសុំការអធិប្បាយបាន៕