- 2021-07-28 05:02:59
- ព័ត៌មាន
ទើបចេញបទថ្មីមួយបទ នារីស្បែកខ្មៅថា ៖ "ខ្ញុំមិនចង់ឲ្យបាត់បង់រសជាតិជាខ្មែរពីក្នុងខ្លួនខ្ញុំឡើយ!”
- 2021-07-28 05:02:59
- ចំនួនមតិ 0 | ចំនួនចែករំលែក 0
ទើបចេញបទថ្មីមួយបទ នារីស្បែកខ្មៅថា ៖ "ខ្ញុំមិនចង់ឲ្យបាត់បង់រសជាតិជាខ្មែរពីក្នុងខ្លួនខ្ញុំឡើយ!”
ចន្លោះមិនឃើញ
នារីស្បែកខ្មៅម្នាក់ឈ្មោះ Su Ivey ដែលរស់នៅឯនាយសមុទ្រ បានបញ្ចេញបទចម្រៀងផ្ទាល់ខ្លួនមួយបទមានចំណងជើងថា "Tiger Balm” ដែលមានបង្កប់នូវអត្តសញ្ញាណរបស់ខ្មែរ ស្របពេលនាងថា នាងមិនចង់ឲ្យបាត់រសជាតិរបស់ខ្មែរនៅក្នុងនេះឡើយ។
បទ "Tiger Balm” បានចេញផ្សាយនៅលើយូធូបកាលពីពេលថ្មីៗនេះ ដោយបានធ្វើឲ្យប្រិយមិត្តមួយចំនួនបានភ្ញាក់ផ្អើល ក្នុងនោះកញ្ញា សំ ថារ័ត្ន សិល្បការិនី និងជាអត្តពលិកមួយរូបក៏សរសើរដែរថា "ពីរោះ"។
តាមរយៈបទចម្រៀងដែលមានចំណងជើងប្លែកនេះ សាមីខ្លួនតារាចម្រៀងបានឲ្យដឹងថា នាងធ្វើបទចម្រៀងនេះ ដោយចង់បង្ហាញថានាងជានរណា មកពីណា?។ Su Ivey បញ្ជាក់ថា តាមពិត នាងគឺជាជនជាតិស្បែកខ្មៅកាត់កម្ពុជា ដែលបានធំធាត់នៅក្នុងផ្ទះមួយដែលជួបការប្រឈមជាច្រើន នៅក្នុងប្រទេសកម្ពុជា ហើយនេះជាហេតុផលដែលនាងធ្វើបទចម្រៀងខាងលើនេះឡើយ។
"ខ្ញុំចង់ធ្វើឱ្យប្រាកដថាខ្ញុំបានបង្ហាញ រឿងនេះនៅក្នុងបទចម្រៀងរបស់ខ្ញុំ ដែលវាមិនដែលបាត់បង់រសជាតិជាខ្មែរដែលមាននៅក្នុងខ្លួនខ្ញុំនោះទេ Akoun(អរគុណ)"។ Su Ivey។
ដូចនឹងការអះអាង ក្នុងបទនេះ គេបានលឺ Su Ivey បានព្យាយាមច្រៀងជាភាសាខ្មែរ និយាយខ្មែរ និងរៀបរាប់រឿងជាច្រើនទៀតដែលជាអនុស្សាវរីយ៍របស់នាងជាមួយកម្ពុជា។
ហេតុដូច្នេះហើយ កូនខ្មែរពាក់កណ្ដាលនេះ រូបនេះទទួលបានការគាំទ្រយ៉ាងច្រើន ក្នុងនោះប្រិយមិត្តខ្លះ បានលើកឡើងថា រូបគេមានមោទកភាពជាមួយនឹងតារាចម្រៀងស្បែកខ្មៅរូបនេះ បើទោះនៅទីណា ក៏មិនភ្លេចកំណើតដើមរបស់ខ្លួន។ បន្ថែមពីលើនេះ ក៏មានទាំងបងប្អូនខ្មែរ-កម្ពុជាក្រោមខ្លះទៀត ក៏ចូលមកសរសេរសារក្នុងន័យដូចគ្នាដែរថា រូបគេក៏មិនដែលភ្លេចថាខ្លួនជា "ខ្មែរ" ដូចគ្នា។ ដូច្នេះហើយពួកគេក៏មោទកភាពនឹងតារាចម្រៀងវ័យក្មេងខាងលើខ្លាំងណាស់!
តោះ...ទស្សនា ស្ដាប់ និងកំភ្លេចលើកទឹកចិត្ត Su Ivey ផង!