- 2021-07-29 03:07:01
- ព័ត៌មាន
ល្បីថា Zhao Liying ទិញវីឡាស្កឹមស្កៃទុកឲ្យមនុស្សសំខាន់ តម្លៃខ្ទង់ ២១លានដុល្លារ
- 2021-07-29 03:07:01
- ចំនួនមតិ 0 | ចំនួនចែករំលែក 0
ល្បីថា Zhao Liying ទិញវីឡាស្កឹមស្កៃទុកឲ្យមនុស្សសំខាន់ តម្លៃខ្ទង់ ២១លានដុល្លារ
ចន្លោះមិនឃើញ
បន្ទាប់ពីបែកបាក់ពីស្វាមីមក អ្នកម្ដាយកូន ១ Zhao Liying ក្លាយជាតារាស្រីដែលមានជោគវាសនាធំកាន់កាប់ទ្រព្យច្រើនគួរសមប្រចាំពិភពសិល្បៈ ដែលអ្វីគ្រប់យ៉ាងមានបានដូចពេលនេះ អរគុណដល់ការខិតខំប្រឹងប្រែងធ្វើការកន្លងមក ហើយបើទោះពេលនេះបែកពីប្ដីក៏នាងមិនភ័យរឿងលុយដែរ។
ផេក BJH កាលពីថ្ងៃទី២៨ ខែកក្កដា បានចុះផ្សាយពីអត្ថបទព៏ត៌មានមួយដែលបង្កជាការភ្ញាក់ផ្អើល ដោយបង្ហើបថា Zhao Liying បានចំណាយលុយ ១៤០លានយ័ន (ខ្ទង់ ២១,៥៨លានដុល្លារ) ដើម្បីទិញវីឡាមួយកន្លែងក្នុងទីក្រុងប៉េកាំង។ នេះជាកាដូដែលនាងទិញ ទុកឲ្យម្ចាស់ជីវិត គឺកូនប្រុសអាយុ ២ខួបរបស់នាង។ ចំណែករូបភាពអចនទ្រព្យដ៏ធំស្កឹមស្កៃមួយខ្នងនេះ ត្រូវបានបង្ហាញដោយប្រភពព័ត៌មាន BJH។
យ៉ាងណាមានការឲ្យដឹងដែរថា ដោយសារខ្លួនរស់នៅសៀងហៃ ដូចនេះនាងត្រូវធ្វើដំណើរទៅមក ទីក្រុងប៉េកាំង ដើម្បីមើលថែកូនរបស់ខ្លួនផង និងធ្វើការផង។ ប៉ុន្តែយ៉ាងណានាងក៏បានព្យាយាមកាត់បន្ថយចំនួនការងារបានច្រើនដែរ បើប្រៀបធៀបកាលពីមុន។ សរុបមកអ្វីគ្រប់យ៉ាងដែលនាងធ្វើពេលនេះគឺដើម្បីតែកូនម្នាក់គត់ ព្រោះគេគឺជាក្ដីសង្ឃឹម និងប្រភពនៃក្ដីស្រឡាញ់សម្រាប់នាង៕
