- 2021-07-29 03:14:27
- ព័ត៌មាន
ចេញហើយ នេះគឺក្រុមរាំ K-POP លំដាប់កំពូល នៅកម្ពុជាឆ្នាំ ២០២១ ក្រោយប្រកួតស្វិតស្វាញ
- 2021-07-29 03:14:27
- ចំនួនមតិ 0 | ចំនួនចែករំលែក 0
ចេញហើយ នេះគឺក្រុមរាំ K-POP លំដាប់កំពូល នៅកម្ពុជាឆ្នាំ ២០២១ ក្រោយប្រកួតស្វិតស្វាញ
ចន្លោះមិនឃើញ
កម្មវិធី K-POP World Festival នៅកម្ពុជាប្រចាំឆ្នាំ២០២១ ដែលឆ្នាំនេះ ធ្វើតាមប្រព័ន្ធអនឡាន ត្រូវបានបិទបញ្ចប់ដោយជោគជ័យ ដោយបានរកឃើញ ក្រុមជយលាភីប្រចាំឆ្នាំ ២០២១ ហើយ ជាមួយនឹងការចាប់អារម្មណ៍យ៉ាងខ្លាំងពីសំណាក់ យុវជនកម្ពុជាដែលស្រលាញ់ K-POP។
ព្រឹត្តិការណ៍នេះ ត្រូវបានរៀបចំឡើងដោយស្ថានទូតសាធារណរដ្ឋកូរ៉េប្រចាំនៅកម្ពុជា និងស្ថិតក្រោមការគ្រប់គ្រងដឹកនាំកម្មវិធីពី k’ve Entertainment។
នៅក្នុងសន្ទរកថាអបអរសាទររបស់លោក ផាក ហ៊ឹងខ្យង់ ឯកអគ្គរដ្ឋទូត នៃសាធារណរដ្ឋកូរ៉េ ប្រចាំនៅកម្ពុជា បានថ្លែងលើកទឹកចិត្តថា "ខ្ញុំសូមអរគុណដល់ គណៈ កម្មការវាយតម្លៃ ការប្រកួតកម្មវិធី K-POP K’ve Entertainment និងយុវជនកម្ពុជា ដែលមានចំណាប់អារម្មណ៍ខ្ពស់ និងផ្តោតការយកចិត្តទុកដាក់ ចំពោះកម្មវិធី K-POP ហើយបានត្រៀមខ្លួន យ៉ាងស្វាហាប់ បើទោះបីជាមានស្ថានភាពលំបាក ដោយសារជំងឺកូវីដ-១៩ក៏ដោយ"។
លោកបានបាន លើកឡើងទៀតថា "កម្មវិធី K-POPនេះ ក៏ជាបណ្តាញដ៏រឹងមាំក្នុងការ ផ្សារភ្ជាប់ទំនាក់ទំនងរវាង យុវជនកូរ៉េ និងយុវជនកម្ពុជា ដែលមានការយល់ដឹង និងចេះរីករាយជាមួយនឹងសម្រស់ សិល្បៈ"។
កម្មវិធី K-POPលើកនេះ មានចំនួន ៤៥ក្រុមបានដាក់ពាក្យចូលរួមការប្រកួតប្រជែង ហើយក្រុមជយលាភីចំណាត់ថ្នាក់ពីលេខ ១ ដល់លេខ ៣ ត្រូវបានជ្រើសរើសតាមរយៈ ការវិនិច្ឆ័យដោយយុត្តិធម៌។ នៅក្នុងកម្មវិធីនេះ ត្រូវបានផ្តល់ជូនសម្រាប់ចំណាត់ ថ្នាក់លេខ ១ នូវទឹកប្រាក់ចំនួន ១,០០០ដុល្លារ លេខ ២ ចំនួន ៥០០ដុល្លារ និងលេខ ៣ ចំនួន ៣០០ដុល្លារ។
ក្រោយការប្រកួតយ៉ាងស្វិតស្វាញ ការប្រកួត K-POP ឆ្នាំនេះ ក្រុមដែលទទួលបានជយលាភីកិត្តិយស ក្រុមរាំចម្រុះ ដែលមានសមាជិក ១១នាក់ គឺក្រុមរាំ Dinest។ ក្រុមរាំ Dinest បានបង្ហាញពីក្តីស្រលាញ់ របស់ពួកគេចំពោះ K-POP ដោយនិយាយថា "ចាប់តាំងពីខ្ញុំស្គាល់ក្រុម K-POP និងក្រុម idolកូរ៉េ ចំណង់ចំណូលចិត្តរៀនរាំរបស់ខ្ញុំកើតមានឡើង ហើយមានអារម្មណ៍ថាជីវិតប្រចាំថ្ងៃ ធម្មតារបស់ខ្ញុំ បានផ្លាស់ប្តូរ"។
តាមលក្ខខណ្ឌ ក្រុមឈ្នះជយលាភីខាងលើ អាចទទួលបានសិទ្ធិចូលរួមប្រកួតជាអន្តរជាតិក្នុង ព្រឹត្តិការណ៍ K-POP World Festival ដែលនឹងប្រារព្ធឡើងតាមអនឡាញនៅឯទីក្រុង ឆាំងវ៉ុនប្រទេសកូរ៉េក្នុងខែតុលា ឆ្នាំនេះទៀត ប្រសិនបើក្រោយឆ្លងកាត់ការវិនិច្ឆ័យចុងក្រោយរបស់អ្នកជំនាញក្នុង ប្រទេសកូរ៉េ បញ្ជាក់ថា ពួកគេមានលក្ខណសម្បត្តិគ្រប់គ្រាន់សម្រាប់ការប្រកួតដ៏ធំនោះ៕
ទស្សនាវីដេអូឃ្លិប Hight Light របស់ពួកគេទាំងអស់គ្នា!