- 2021-08-03 02:42:00
- ព័ត៌មាន
អ្នកព័ត៌មានជនជាតិកូរ៉េម្នាក់ លើករឿងកំពុងក្ដៅពីតារាជើងចាស់ Kim Yong Gun ពីការធ្វើឲ្យនារីម្នាក់មានកូន
- 2021-08-03 02:42:00
- ចំនួនមតិ 0 | ចំនួនចែករំលែក 0
អ្នកព័ត៌មានជនជាតិកូរ៉េម្នាក់ លើករឿងកំពុងក្ដៅពីតារាជើងចាស់ Kim Yong Gun ពីការធ្វើឲ្យនារីម្នាក់មានកូន
ចន្លោះមិនឃើញ
តារាសម្ដែងកូរ៉េជើងចាស់ Kim Yong Gun ត្រូវបានបណ្ដាញផ្សព្វផ្សាយ ចេញព័ត៌មានទាក់ទងនឹងរឿងអាស្រូវ ថាលោកបានធ្វើឲ្យនារីម្នាក់ដែលមានអាយុក្មេងជាងលោក ៣៩ឆ្នាំមានផ្ទៃពោះ ស្របពេលមានការឲ្យដឹងថា អ្នកទាំង ២មិនមានទំនាក់ទំនងស្នេហានឹងគ្នាទេ។
នៅថ្ងៃទី០២ ខែសីហា អ្នកយកការណ៍ព័ត៌មាន Lee Jin Ho បានបង្ហោះវីដេអូមួយមានចំណងជើងថា «តើនារីមានផ្ទៃពោះដែលមានអាយុក្មេងជាងលោក Kim Yong Gun ដល់ទៅ ៣៩ឆ្នាំនោះ ពិតជាសង្សាររបស់លោកឬ?» នៅលើ YouTube Channel របស់ខ្លួន។ អ្នកព័ត៌មានដដែលបានបន្តថា «ស្របពេលខ្ញុំកំពុងជជែកជាមួយនឹងអ្នកតំណាងរបស់លោក Kim Yong Gun ខ្ញុំបានរកឃើញថាមានអ្វីដែលកើតឡើងស្មានមិនដល់»។
លោកបន្តថាបកស្រាយទៀតថា៖ «ខ្ញុំបានសួរសំណួរទៅខាងអ្នកតំណាងនោះថា “អ៊ីចឹងតើសង្សាររបស់គាត់ (Kim Yong Gun) ចង់បានអ្វី? ហើយអ្នកតំណាងបានតប “សង្សារ?” ហើយខ្ញុំក៏សួរ “ជានារីដែលកំពុងរស់នៅជាមួយលោក Kim ហ្នឹងមែន? បន្ទាប់មកអ្នកតំណាងឆ្លើយថាពួកគេមិនបានរស់នៅជាមួយគ្នាទេ»។
អ្នយកការណ៍ Lee Jin Ho ផ្ដើមសង្ស័យថា នារីដែលស្ថិតក្នុងរឿងនេះ មិនបានទាក់ទងស្នេហាជាមួយនឹងតារាសម្ដែង Kim Yong Gun ទេ ប៉ុន្តែគ្រាន់តែជា "មិត្តភ័ក្តិដែលសម្លឹងផលប្រយោជន៍រៀងខ្លួន"។
លោកបានលើកឡើងថា វាពិតជាពិបាកក្នុងការបង្ហាញថា នារីម្នាក់នោះជាសង្សាររបស់លោក Kim ប៉ុន្តែលោកពិតជាប្រាកដក្នុងចិត្តថាពួកគេបានរួមមេត្រីនឹងគ្នាមែន។ បន្ថែមពីលើនេះ លោក Kim បានបង្ហាញមុខក្នុងកម្មវិធី "Can We Love Again?” របស់ប៉ុស្តិ៍ MBN ព្រមទាំងបានបង្ហាញពីអារម្មណ៍ចំពោះតារាសម្ដែង Hwang Shin Hye ទៀត។
ចំណែកផលិតករកម្មវិធីក៏បាននិយាយដែរថា Kim Yong Gun មានមិត្តស្រីហើយ ប៉ុន្តែពួកគេបានចែកផ្លូវគ្នាក្នុងរយៈពេលខ្លី តាំងពីមុនលោកចូលរួមកម្មវិធីទៅទៀត។
ជាក់ស្ដែងរឿងចម្រូងចម្រាសនេះកើតឡើងនៅពេល នារីម្នាក់ដែលមានអាយុប្អូនលោក Kim ៣៩ឆ្នាំ បាននិយាយថា តារាប្រុសរូបនេះបានបង្ខំខ្លួនឲ្យរំលូតកូន។
ជាការឆ្លើយតប អ្នកតំណាងផ្នែកច្បាប់របស់លោក Kim បានបញ្ជាក់ថាលោក Kim គ្រាន់តែព្រួយបារម្ភអំពីអនាគតរបស់ស្ត្រីរូបនោះ ហើយគ្រាន់តែចង់ណែនាំឲ្យយកកូនចេញប៉ុណ្ណោះ មិនបានបង្ខំទេ។ ទោះយ៉ាងណាក្រោយមក លោក Kimបានបញ្ជាក់ថាគាត់សុខចិត្ត ជួយទំនុកបំរុងទាំងម្តាយ និងកូនដែលមិនទាន់កើតរបស់ខ្លួន ដោយសុំទោសមិត្តស្រីផង៕