- 2021-08-10 01:40:11
- ព័ត៌មាន
សាច់រឿងកាន់តែក្ដៅ តែភាគរយ Rating រឿង «Nevertheless» កាន់តែធ្លាក់ចុះមិនគួរឲ្យជឿ
- 2021-08-10 01:40:11
- ចំនួនមតិ 0 | ចំនួនចែករំលែក 0
សាច់រឿងកាន់តែក្ដៅ តែភាគរយ Rating រឿង «Nevertheless» កាន់តែធ្លាក់ចុះមិនគួរឲ្យជឿ
ចន្លោះមិនឃើញ
កាលពីថ្ងៃទី០៧ ខែសីហា ឆ្នាំ២០២១ ទស្សនិកជនបានទន្ទឹងរង់ចាំមើលភាគទី ៨ របស់រឿង «Nevertheless» ដើម្បីមើលពីថាសាច់រឿង ក៏ដូចជាទំនាក់ទំនងរបស់ Song Kang និង Han So Hee ដែលជាប់ស្អិតនឹងគ្នាតាំងពីវគ្គមុនៗ។ ទោះយ៉ាងណា ពេលនេះការខកចិត្តរបស់អ្នកគ្រប់គ្នាហាក់ដូចជារើឡើង ទាក់ទងនឹងស៊េរីរឿងរបស់ JTBC ។
ផ្អែកតាម Nielson Korea វិបសាយសម្រាប់ Rate ចំណាត់ថ្នាក់ទស្សនា បានបង្ហាញនូវភាគរយទាបមិនគួរឲ្យជឿគឺ ត្រឹម ០,៩៩៤ភាគរយ ប៉ុណ្ណោះ។ រឿងភាគមួយនេះ ដំបូងឡើយសម្ពោធជាមួយនឹងកំណត់ត្រា ២,២០៧ភាគរយ សម្រាប់ថ្ងៃបញ្ចាំងដំបូង ដែលជាកំណត់ត្រាទាបតាំងពីពេលនោះមក។ ប៉ុន្តែទោះបីគ្រប់ភាគ មាន Rating ទាប ប៉ុន្តែមិនដែលក្រោម ១ភាគរយ ទេ ទើបតែពេលនេះវាកើតមានរឿងភ្ញាក់ផ្អើលបែបនេះ។
ភាគថ្មីទើបបញ្ចាំងចុងក្រោយនេះ បានបង្ហាញឈុតថើបគ្នា រវាងតួឯកប្រុសស្រីទាំង ២ ដែលអាចទាក់ទាញអ្នកមើលគ្រប់គ្រាន់ទៅហើយ។ ប៉ុន្តែគ្រាន់តែឃើញពីចំណាត់ថ្នាក់ Rating ត្រឹម ០,៩៩៤ភាគរយ មហាជនភ្ញាក់ផ្អើល ហើយកើតជាការខកចិត្តខ្លះដែរចំពោះរឿងនេះ។
មតិបានលើកឡើងក្នុង Comment ខ្លះថាឲ្យតួប្រុសមិនទាន់មានសមត្ថភាពគ្រប់គ្រាន់ ខ្លះបន្ទោសលើសាច់រឿង ខ្លះកើតអារម្មណ៍ធុញទ្រាន់ ខ្លះទាយដឹងដំណើររឿងពេលចប់ដូច្នេះពួកគេមិនចង់មើល ខ្លះមើលតែតួរង ខ្លះនិយាយពីគុណភាពរួមរបស់រឿង។
ចុះអ្នកវិញគិតយ៉ាងណាដែរ?