- 2021-08-19 02:52:06
- ព័ត៌មាន
ជា SM, JYP, HYBE ឬ YG ដែលជាក្រុមហ៊ុនចាយលុយច្រើនខ្លាំងទៅលើការតុបតែងខ្លួនតារាៗ?
- 2021-08-19 02:52:06
- ចំនួនមតិ 0 | ចំនួនចែករំលែក 0
ជា SM, JYP, HYBE ឬ YG ដែលជាក្រុមហ៊ុនចាយលុយច្រើនខ្លាំងទៅលើការតុបតែងខ្លួនតារាៗ?
ចន្លោះមិនឃើញ
Stylist ដែលបានធ្វើការជាមួយក្រុម K-Pop ល្បីៗបានបង្ហើបពីរឿងមួយ ទាក់ទងថាតើក្រុមហ៊ុនមួយណាដែលចំណាយប្រាក់ច្រើនបំផុត ទៅលើសម្លៀកបំពាក់ឡើងឆាកសម្រាប់តារាៗរបស់ពួកគេ?
តើអ្នកអាចទាយបានទេ ថាជាក្រុមហ៊ុនកម្សាន្តមួយណា? ដូចនេះសូមបន្តអាន ដើម្បីជ្រាបដូចខាងក្រោម!
នៅថ្ងៃទី ១៣ ខែសីហា Channel YouTube ដែលមានឈ្មោះថា AYO បានចែករំលែកចំណេះដឹងថ្មីមួយ ដោយមានការចូលរួមពី Stylist ២រូប គឺ Kim Tae Young (Balko) និង Lim Heon Soo។ អ្នកទាំង ២សុទ្ធតែធ្លាប់បានរួមការងារជាមួយនឹងក្រុម K -Pop ល្បីៗដូចជា BTS , BLACKPINK, TXT, BIGBANG, Taemin (SHINee), Park Jin Young និងតារាច្រើនទៀត។
នៅក្នុងភាគមួយរបស់ «Comment Defenders» Kim Tae Young និង Lim Heon Soo បានឆ្លើយនូវសំណួរដែលអ្នកប្រើអ៊ីនធើណិត ចោទសួរមកញឹកញាប់ជាងគេ គឺទាក់ទងនឹងការរៀបចំខ្លួន របស់ Idol។
សំណួរមួយដែលអ្នកប្រើអ៊ីនធើណេតសួរ នោះគឺ ក្នុងចំណោមក្រុមហ៊ុន «យក្សទាំង ៤» ដូចជា JYP, YG, SM និង HYBE តើក្រុមហ៊ុនណាដែលចំណាយលុយច្រើនបំផុត ទៅលើការស្លៀកពាក់សម្រាប់តារារបស់ពួកគេ?
ចំពោះសំណួរនេះ Stylist Kim Tae Young បានឆ្លើយតបភ្លាមៗផ្អែកលើបទពិសោធក្នុងវិស័យជាមួយ Idol ថា «ខ្ញុំគិតថាផលិតកម្ម YG គឺជាអ្នកចំណាយលុយច្រើនបំផុត»។
នាងបានបកស្រាយថា មើលទៅផលិតកម្ម SM ក៏ដូចជាខិតខំខ្លាំងដៃដែរ ក្នុងការធ្វើយ៉ាងណាឲ្យឆាកសម្ដែងរបស់តារាពួកគេអស្ចារ្យ ប៉ុន្តែផ្អែកលើការចំណាយ ផលិតកម្ម YG ឯណេះទេដែលប្រឹងខ្លាំងក្នុងការរៀបចំគ្រប់យ៉ាង ជាពិសេសសម្លៀកបំពាក់ជូនតារារបស់ពួកគេ ដូចជាច្នៃម៉ូដបន្ថែមលើឈុតដែលពួកគេចំណាយលុយទិញស្រាប់ ដើម្បីឲ្យឈុតទាំងនោះប្រែ Style ទៅជាឈុតថ្មីតែមួយគ្មានពីរ។
សម្រាប់ Stylist Lim Heon Soo អ្នកដែលធ្លាប់ធ្វើការជាមួយផលិតកម្ម FNC, Starship, SM និង HYBE បានបន្ថែមថា ក្រុម ក៏ដូចជាតារាទោល សុទ្ធតែមានខ្ទង់ចំនាយដូចៗគ្នា ពេលពួកគេឡើងឆាកសម្ដែង។
ទោះជាយ៉ាងណាក៏ដោយ ឈុតសម្លៀកបំពាក់ខ្លះអាចចំណាយច្រើនអាស្រ័យលើការលម្អិត នៅក្នុងឈុតនីមួយៗ៕