- 2021-08-20 09:12:26
- ព័ត៌មាន
រលាស់ខ្លួនបានយ៉ាងលឿនពីអាជីពកំប្លែងមកជាតារាចម្រៀងអាជីព នាយក្ដី ទទួលបានកុងត្រាថ្មី មានតម្លៃខ្លួនមិននឹកស្មាន
- 2021-08-20 09:12:26
- ចំនួនមតិ 0 | ចំនួនចែករំលែក 0
រលាស់ខ្លួនបានយ៉ាងលឿនពីអាជីពកំប្លែងមកជាតារាចម្រៀងអាជីព នាយក្ដី ទទួលបានកុងត្រាថ្មី មានតម្លៃខ្លួនមិននឹកស្មាន
ចន្លោះមិនឃើញ
បន្ទាប់ពីប្រកាសដកឃ្លាពីសិល្បៈ ជាពិសេសអាជីពកំប្លែងដោយមិនកំណត់ពេលចូលប្រឡូកវិញកាលពីដើមខែកក្កដា ឆ្នាំ២០២១ ស្រាប់តែពេលនេះ លោក ឈុន សុវណ្ណភក្ដី ហៅនាយក្ដី បានលេចធ្លោលើវិថីសិល្បៈជាថ្មីទៀតដោយគ្រាន់តែពេលនេះលោកបានវិវត្តខ្លួនពីតារាកំប្លែងមកជាតារាចម្រៀងអាជីពប្រចាំនៅផលិតកម្ម P។
នាយក្ដី បានប្រាប់Sabay នៅរសៀលថ្ងៃទី២០ ខែសីហា ថា រូបលោកបានចុះកុងត្រាជាមួយផលិតកម្មP ក្នុងតួនាទីជាតារាចម្រៀងម្នាក់ក្នុងផលិតកម្មនេះ ហើយលោកក៏មានតួនាទី២ផ្សេងទៀតនៅក្នុងផលិតកម្មនេះដែរ គឺទី១ ទទួលខុសត្រូវខាងទីផ្សារ និងទី២ គ្រប់គ្រងផ្នែកបច្ចេកទេសថតរឿង ឬចម្រៀងកាយវិការបែបកំប្លែង។
នាយក្ដី៖"គេ(ផលិតកម្មP) ផ្ដល់ជម្រើសឲ្យខ្ញុំ៣ គឺទី១គេចង់យើងចុះកុងត្រារយៈពេល៣ឆ្នាំ ២ឆ្នាំ និង១ឆ្នាំ ហើយក្នុងដំណាក់កាលមើលចិត្ដគ្នាសិន ហើយខ្ញុំក៏រវល់ដែរ ខ្ញុំក៏សម្រេចចុះត្រឹមរយៈពេល១ឆ្នាំសិន។ រឿងតម្លៃខ្លួននោះ...មិនថោកពេក ហើយមិនថ្លៃពេក...អើ...គឺខ្ទង់ម៉ឺន(ដុល្លារ)"។
លោក ឈុន សុវណ្ណភក្ដី ហៅនាយក្ដី គឺជាតារាចម្រៀងOriginal Song និងជាអតីតក្រុមកំប្លែងនាយពាក់មីក្នុងកម្មវិធី"បានមើលបានសើច"។ ក្រៅពីបញ្ចេញនូវស្នាដៃរឿងកំប្លែងជាច្រើនជាមួយក្រុមនាយពាក់មី លោកក៏ធ្លាប់និពន្ធ និងច្រៀងចម្រៀងមួយចំនួនដែរ ហើយបទដែលទទួលបានការគាំទ្រច្រើននោះ គឺបទ"EX បងអើយមាននឹកបងទេ"។
បន្ថែមលើអាជីពសិល្បៈដែលលោកកំពុងតែចាប់យកនេះ នាយក្ដីក៏បើកដំណើរការភោជនីយដ្ឋាន១ឈ្មោះ"ស្រះត្រីនាយក្ដី" ស្ថិតនៅម្ដុំផ្សារបាត់ដឹង ផ្លូវលេខ៥១៕
