- 2021-08-24 02:34:43
- ព័ត៌មាន
ផ្អែកតាមអង្គរក្សអាជីព ហេតុអ្វីអង្គរក្សត្រូវធ្វើចរិតតឹងរឹងដាក់ Idol ពេលស្និទ្ធស្នាលជាមួយ Fan?
- 2021-08-24 02:34:43
- ចំនួនមតិ 0 | ចំនួនចែករំលែក 0
ផ្អែកតាមអង្គរក្សអាជីព ហេតុអ្វីអង្គរក្សត្រូវធ្វើចរិតតឹងរឹងដាក់ Idol ពេលស្និទ្ធស្នាលជាមួយ Fan?
ចន្លោះមិនឃើញ
នៅពេលនិយាយដល់អង្គរក្ស ការងារចម្បងគឺការពារ Idol ឬតារាល្បីៗ មិនឲ្យមានអ្នកណាអាចមកយាយីបានឡើយ។ ប៉ុន្តែដូចមនុស្សទូទៅបានជ្រាបស្រាប់ថា អ្នកគាំទ្រមានន័យយ៉ាងណាចំពោះ Idol ហើយតើចំនួននៃសន្ធឹកការគាំទ្ររបស់អ្នកគាំទ្រមានធំធេងយ៉ាងណាសម្រាប់តារាៗ។ ដូចគ្នានេះ នៅពេលតារាចេញក្រៅម្ដងៗ មុខជាមានអ្នកគាំទ្រជាច្រើននាក់នាំគ្នាមករោមជិត ដើម្បីសម្ដែងក្ដីស្រឡាញ់ផ្ទាល់។
ស្ថិតក្នុងវីដេអូភាគថ្មីរបស់ AYO លោក Jeong Seung Min និង Yang Tae Il ដែលជាអង្គរក្សរបស់តារា K-Pop ដែលមានបទពិសោធរាប់ឆ្នាំមកនោះ បានជុំគ្នាពិភាក្សាពីអ្វីដែលអង្គរក្សត្រូវធ្វើដែលសុទ្ធតែជាការងារពិបាក មិនស្រួលដូចយើងគិតឡើយ។
Jeong Seung Min និយាយថា នាមជាអង្គរក្ស ការងារសំខាន់គឺធានាសុវត្ថិភាព ធ្វើយ៉ាងណាកុំឲ្យអ្នកគាំទ្រទៅជិត ឬប៉ះពាល់តារាៗទាំងស្ថិតនៅតាមផ្លូវ ឬការប្រគំតន្ត្រីក៏ដោយ។
មិនដូចអ្វីដែលអ្នកគិតទេ ព្រោះបើតាមអ្វីដែលលោក Yang Tae Il បានបង្ហើបថា៖ «យើងត្រូវតែឃាត់ពួកគេ បើពួកគេធ្វើរឿងអស់នេះ (ប៉ះពាល់)។ ប៉ុន្តែដោយសារពួកគេគឺជាអ្នកគាំទ្រ ដូច្នេះពួកយើងក៏មិនអាចរុញ ឬច្រានពួកគេឲ្យធ្វើបែបហ្នឹងដែរ»។
លោក Jeong Seung Min វិញ លើកឡើងថា តារាខ្លះស្រឡាញ់អ្នកគាំទ្រពេក ហើយទប់ចិត្តមិនបាន ពួកគេក៏ហុចដៃឲ្យ Fan ចាប់ដៃ ហេតុនេះកាលៈទេសៈបែបនេះ សម្រាប់អង្គរក្សពិតជាពិបាកបញ្ឈប់ណាស់។ ប៉ុន្តែត្រូវមើលសភាពការណ៍ដែរ ថាគួរបញ្ឈប់ ឬបន្ត។
ជាការពិត ការងារនេះ គិតជាការងារដែលពិបាក និងគ្រោះថ្នាក់បំផុតលើលោកនេះ។ ទោះបីបំណងធំគឺការពារ តារាៗ ប៉ុន្តែក្រុមអង្គរក្សទាំងអស់ពិតជាយល់ច្បាស់ណាស់ពីទំហំក្ដីស្រឡាញ់របស់ Fan ទាំងអស់ គ្រាន់តែអង្គរក្សត្រូវថ្លឹងថ្លែងឲ្យស្មើគ្នានូវការរក្សាស្ថានភាព ដើម្បីឲ្យគ្រប់គ្នាមានសុវត្ថិភាព និងសប្បាយចិត្តទាំងសង្ខាង៕