- 2021-08-25 03:17:15
- ស្ទីលតារា
រឹតតែស្រណោះ ពៅ បញ្ញាពេជ្រ ស្អាតដូចផ្កា ពេលប្ដូររូបរាងទៅជានារីបម្រើការលើយន្តហោះ
- 2021-08-25 03:17:15
- ចំនួនមតិ 0 | ចំនួនចែករំលែក 0
រឹតតែស្រណោះ ពៅ បញ្ញាពេជ្រ ស្អាតដូចផ្កា ពេលប្ដូររូបរាងទៅជានារីបម្រើការលើយន្តហោះ
ចន្លោះមិនឃើញ
ខណៈពេលដែលការកម្សាន្តតាមរយៈការផ្លាស់ប្ដូរមុខមាត់ រូបរាងនៅលើ Mobile App គេឃើញពលរដ្ឋ និងសិល្បករខ្មែរ ក៏ផ្ដើមលេងព្រោងព្រាត ក្នុងនោះក៏មានអតីតតារាចម្រៀង ពៅ បញ្ញាពេជ្រ ដែរដែលនាងបានប្រើកម្មវិធីលើទូរស័ព្ទដៃប្ដូរនាងទៅជានារីអូតេស្តដ៏ស្រស់ស្អាតម្នាក់។
ប្រិយមិត្តបានសម្ដែងការភ្ញាក់ផ្អើល ក្រោយឃើញស៊េរីរូបភាពក្នុងឯកសណ្ឋានជានារីបម្រើការលើយន្តហោះ ឬអូតេស្តរបស់ បញ្ញាពេជ្រ ដែលបានមកពីការកែច្នៃដោយកម្មវិធីទូរស័ព្ទដៃ។ ពួកគេបានពោលសរសើរតារាស្រីអភ័ព្វ ថាពិតជាស្រស់ស្អាតខ្លាំង និងផូរផង់ណាស់។
ស្ថានភាពនេះ ក៏បានធ្វើឲ្យប្រិយមិត្តខ្លះសង្វេគចំពោះអតីតតារាចម្រៀង ព្រោះថា ភាពស្រស់ស្អាតបានការកែច្នៃនេះ បានលាក់បាំងការពិតរបស់ បញ្ញាពេជ្រ ទាំងស្រុង ត្រង់ថា តាមពិតនាងមិនអាចឈរ ឬដើរបាននោះទេ ថែមទាំងមិនស្អាតផូរផង់ដល់ថ្នាក់នេះដែរ។
ពៅ បញ្ញាពេជ្រ ត្រូវបានខ្មាន់ កាំភ្លើងបាញ់ប្រហារជាច្រើនគ្រាប់ ដោយក្នុងនោះ១គ្រាប់ត្រូវចំពោះ និងមួយគ្រាប់ទៀតចំបំពង់ករកាលពីចុងខែកុម្ភៈ ឆ្នាំ២០០៧ កន្លងទៅ។ ក្រោយគ្រោះដ៏អាក្រក់ នាងត្រូវបានបញ្ជូនទៅព្យាបាលនៅក្រៅប្រទេសអស់រយៈពេលជាច្រើនឆ្នាំ។នាងត្រូវបានសង្គ្រោះជីវិត ប៉ុន្តែបានធ្លាក់ខ្លួនជាជនពិការ។
បច្ចុប្បន្ន បញ្ញាពេជ្រ កំពុងរស់នៅប្រទេសថៃ តែឡើងចុះៗមកលេងក្រុមគ្រួសារនាងនៅទីក្រុងភ្នំពេញដែរ ស្របពេលនាងធ្វើជាអ្នកលក់ឥវ៉ាន់លើអនឡាញ ហើយដោយការអាណិតស្រឡាញ់ គេឃើញប្រិយមិត្តជាច្រើនបានជួយជាវទំនិញពីនាង។ ក្រោយពីអ្វីៗហាក់ដំណើរល្អ ស្រាប់ប៉ុន្មានខែមុន ពៅ បញ្ញាពេជ្រ បានបង្ហោះសារថានាងបានជួបរឿងអកុសលថ្មីទៀត។
នាងថា មានគេធ្វើឲ្យនាងបាក់ជើងសារជាថ្មី ប៉ុន្តែមិនបាននិយាយលម្អិតលើករណីនេះទេ ដែលបញ្ហានេះ បានធ្វើឲ្យនាងកាន់តែជួបការលំបាកក្នុងការរស់នៅ។ ចំណុចនេះដែរ ក្រោយឃើញរូបភាពកែច្នៃរបស់នាង ប្រិយមិត្តបានចោទសួរថា ពេលនេះនាងអាចដើរវិញឬនៅ?
បញ្ហានេះ តារាស្រីអភ័ព្វ ប្រាប់ថា នាងនៅតែមិនអាចដើរបានទេមកដល់ពេលនេះ ដែលបានធ្វើឲ្យអ្នកគាំទ្រនាង កាន់តែសង្វេគថែមទៀត៕
