- 2021-09-02 01:01:00
- ភាពយន្ត
ហឹម មិនដឹងរោងកុនបើកទាន់ឬអត់ មើលរឿងថ្មីរបស់ Angelina មួយនេះ ទំនងណាស់!
- 2021-09-02 01:01:00
- ចំនួនមតិ 0 | ចំនួនចែករំលែក 0
ហឹម មិនដឹងរោងកុនបើកទាន់ឬអត់ មើលរឿងថ្មីរបស់ Angelina មួយនេះ ទំនងណាស់!
ចន្លោះមិនឃើញ
តារាហូលីវូដដ៏ល្បី អេនជាលីណា ចូលី បានបាត់មុខពីការសម្ដែងជាច្រើនឆ្នាំមកហើយ ប៉ុន្តែឥឡូវនេះនាងបានត្រឡប់មកការសម្ដែងជាថ្មី ក្នុងរឿង "Enternals ជាប្រភេទរឿងបែប Fantasy ដែលត្រៀមនឹងដាក់បញ្ចាំងនៅចុងឆ្នាំនេះ។
រឿង "Enternals" ត្រូវបានពិព័រណ៌នាថាជារឿងបន្តពីរឿង "Avenger: End Game" កាលពីឆ្នាំ ២០១៩ ដែលបានធ្វើឲ្យកក្រើកពិភពលោក។ រឿងនេះដែរ បាននាំមកនូវការភ្ញាក់ផ្អើលថ្មីទៀត ជាមួយនឹងការបង្ហាញជូននូវក្រុម Super Hero មួយក្រុមថ្មីក្នុងចងក្រវាឡ Marvel នៅក្នុងនោះ គឺមានម្ដាយចិញ្ចឹមរបស់ Madox យើងដែរ។
ដោយឡែកសាច់រឿង ត្រូវបានពិព័រណ៌នថា បន្ទាប់ពីព្រឹត្តិការណ៍ Avengers: Endgame បានបញ្ចប់ទៅ សោកនាដកម្មដែលមិននឹកស្មានដល់បានកើតឡើងលើអំបូរមនុស្សបុរាណនៅភពមួយ។ សោកនាដកម្មនោះ បានបង្ខំពួកគេចេញពីភពងងឹត ដើម្បីជួបជុំគ្នា ប្រឆាំងនឹងសត្រូវដ៏ធំបំផុតរបស់ពួកគេ នោះគឺ Deviants។ យ៉ាងណា មិនមានសាច់រឿងបន្តត្រូវបានទម្លាយចេញនោះទេ។
"Enternals" ចូលរួមសម្ដែងដោយAngelina Jolie, Richard Madden, Kumail Nanjiani, Lauren Ridloff, Brian Tyree Henry, Salma Hayek, Lia McHugh and Don Lee, Kit Harrington ជាដើម។ រឿងនេះ នឹងដាក់បញ្ចាំងជូនពិភពលោកបានទស្សនា នាថ្ងៃទី ៥វិច្ឆិកា ២០២១ នេះ។ យ៉ាងណា មិនដឹងថា នៅកម្ពុជាយើង កូវីដធូរស្រាល រហូតដល់រាជរដ្ឋាភិបាលអនុញ្ញាតិឲ្យបើករោងកុនវិញ ឬយ៉ាងណានោះទេ។ ដល់ពេលនោះ ចាំគិតទៀត ឥឡូវមើល Trailer ទាំងអស់គ្នាសិន៖