- 2021-09-08 04:26:31
- ចម្រៀង
គាំទ្រតារាចម្រៀងខ្មែរក្រោមផង! ថាច់ សាថេន ប្ដូរផ្នត់គំនិតក្នុងការផលិតបទចម្រៀងថ្មីៗទៅកាន់អ្នកគាំទ្រ
- 2021-09-08 04:26:31
- ចំនួនមតិ 0 | ចំនួនចែករំលែក 0
គាំទ្រតារាចម្រៀងខ្មែរក្រោមផង! ថាច់ សាថេន ប្ដូរផ្នត់គំនិតក្នុងការផលិតបទចម្រៀងថ្មីៗទៅកាន់អ្នកគាំទ្រ
ចន្លោះមិនឃើញ
តារាចម្រៀងមានទឹកដមសំឡេងស្រទន់ និងកាយវិការស្រគត់ស្រគំមកពីទឹកដីកម្ពុជាក្រោម លោក ថាច់ សាថេន បានប្ដូរផ្នត់គំនិតលើការផលិតបទចម្រៀងរបស់ខ្លួនទៅកាន់អ្នកគាំទ្ររបស់ខ្លួន។ អ្វីដែលលោកបានប្ដូរនោះ គឺផ្អាកច្រៀងឡើងវិញ ឬcover នូវបទមរតកដើម ហើយងាកមកចម្រៀងបទដែលនិពន្ធដោយខ្លួនឯងឲ្យបានច្រើនបំផុត។
តារាចម្រៀងរូបនេះ បានប្រាប់Sabay នៅថ្ងៃទី៨ ខែកញ្ញា ថា ដំបូងឡើយលោកធ្លាប់ចម្រៀងបទមរតកដើម ហើយចេញតាមPage ហូរហែ ប៉ុន្តែចាប់តាំងពីឆ្នាំ២០១៩ រូបលោកបានផ្អាកការយកបទដែលនិពន្ធដោយខ្មែរកណ្ដាល ឬបទមរតកដើមមកច្រៀងទៀត ហើយគិតមកដល់ពេលនេះលោកបានច្រៀងបទដែលនិពន្ធខ្លួនឯងបាន១១បទហើយ។
ថាច់ សាថេន៖"ខ្ញុំចង់ឲ្យមានបទOriginal Song ខ្មែរក្រោម ហើយចេញឲ្យបានគ្រប់ចង្វាក់នៅថ្ងៃខាងមុខ ព្រោះពីមុនខ្មែរក្រោមច្រៀងតាមតែខ្មែរកណ្ដាល ហើយមកដល់ពេលនេះខ្ញុំនិពន្ធបាន៤បទទៀតហើយបង"។
លោក ថាច់ សាថេន គឺជាតារាចម្រៀងខ្មែរមានដើមកំណើតនៅលើទឹកដីកម្ពុជាក្រោម ហើយបានចូលប្រឡូកវិស័យសិល្បៈនៅកម្ពុជាច្រើនឆ្នាំហើយ ហើយកេរ្តិ៍ឈ្មោះរបស់លោកល្បីប្រដំប្រសងគ្នានឹងតារាចម្រៀងប្រុសម្នាក់មកពីកម្ពុជាក្រោមដែរ គឺលោក ខាន់ ស៊ីអឿន ដែលនិយមច្រៀងបទញាក់ជាមួយនាយចឺមក្នុងផលិតកម្មសាន់ដេ។
ជាក់ស្ដែងលោក សាថេន ទើបចេញបទ"កំលោះកង់បី" និងបទ"កំដរសង្សារគេ"ដែលចេញលើPageរបស់ខ្លួន ហើយមានអ្នកគាំទ្រច្រើន៕