- 2021-09-09 04:27:51
- ព័ត៌មាន
មានរឿង ៤យ៉ាងហាមធ្វើដាច់ខាតពេលជួបតារាល្បីៗនៅក្រៅ នេះជាបំរាមដាច់ខាតពី Idol ផ្ទាល់
- 2021-09-09 04:27:51
- ចំនួនមតិ 0 | ចំនួនចែករំលែក 0
មានរឿង ៤យ៉ាងហាមធ្វើដាច់ខាតពេលជួបតារាល្បីៗនៅក្រៅ នេះជាបំរាមដាច់ខាតពី Idol ផ្ទាល់
ចន្លោះមិនឃើញ
តាមពិតទៅតារាៗក៏មិនខុសពីមនុស្សទូទៅដែរ ព្រោះរបៀបរបបនៃការរស់នៅរបស់ពួកគេក៏មិនខុសពីសាមញ្ញជន ប៉ុន្តែពេលឡើងលើឆាកសម្ដែងម្ដងៗ ពួកគេពិតជាខុសពីជនធម្មតា ផ្អែកលើសមត្ថភាពក្លាហានដែលមិនមែនគ្រប់គ្នាសុទ្ធតែអាចធ្វើបាន។ អាស្រ័យហេតុនេះហើយ ទើបមនុស្សជាច្រើនបង្កើនការស្រឡាញ់ការគាំទ្រទៅកាន់ពួកគេច្រើនឡើងៗ។ ប៉ុន្តែទោះជាស្នេហាកម្រិតណាក៏ដោយ ក៏ដាច់ខាត Fan ទាំងអស់ត្រូវគោរពបំរាមខ្លះៗ ពេលជួប Idol នៅក្រៅផ្ទាល់។ តាមរយៈ Podcas “Get Real” តារាល្បី ៣រូប បានលើកយក ៤ចំណុច ដែលអ្នកគាំទ្រគួរទុកក្នុងចិត្ត ទប់អារម្មណ៍រំភើបឲ្យបានពេលមាននិស្ស័យជួបតារាសំណព្វចិត្តនៅក្រៅ៖
១. កុំស្រែក
ដោយសារតារាៗទទួលបានការចាប់អារម្មណ៍ច្រើន ហេតុនេះ AleXa បាននិយាយថា នាងសរសើរបំផុតដល់អ្នកគាំទ្រណាដែលព្យាយាមទប់អារម្មណ៍ធ្វើដូចធម្មតាៗដោយមិនស្រែក។ ប៉ុន្តែបើអ្នកគាំទ្ររូបណាសម្ដែងអាកប្បកិរិយាហាក់ដូចជារំភើបខ្លាំង រហូតធ្លាយសម្រែក នោះនឹងមានរឿងផ្អើលកើតឡើងពេញចំណោមមនុស្ស។
២. កុំប៉ះ
ទោះបីនេះជាការគួរសម ប៉ុន្តែពេលខ្លះបើអ្នកហុចដៃទៅចាប់ Idol ពួកគេនឹងចាប់តបវិញ ប៉ុន្តែក្នុងកាលៈទេសៈភាគច្រើន គឺពួកគេមិនអាចមកប៉ះដៃអ្នកបានទេ។ មួយវិញទៀត ករណីខ្លះប្រែជាឧប្បត្តិហេតុមិនស្រួលពេលអ្នកគាំទ្រលាដៃទៅចាប់ Idol ពេលនោះអ្នករងគ្រោះគឺតារាដែលពួកគេស្រឡាញ់។ ជាឧទាហរណ៍ដូច Jiyeon (T-ARA) ត្រូវរងភាពឈឺចាប់ ដោយសារ Fan ជ្រុលទៅទាញសក់មួយទំហឹងនៅព្រលានយន្តហោះ។ ដូច្នេះត្រង់ចំណុចនេះ គ្រប់គ្នាត្រូវពិចារណាឲ្យបានច្បាស់សិន។
៣. កុំខ្វះសុជីវធម៌
ពេលខ្លះអ្នកគាំទ្ររត់ទៅរក Idol ស្របពេលតារាទាំងនោះចេញធ្វើការងារក្រៅ ឬចំណាយពេលផ្ទាល់ខ្លួន។ អ្នកគាំទ្រដែលស្រឡាញ់ Idol ពិត នឹងគោរពចំពោះពេលវេលាផ្ទាល់ខ្លួនរបស់តារាៗ ព្រោះពួកគេដឹងស្រាប់ថា នាមជាតារាត្រូវរស់នៅលាក់មុខលាក់មាត់ច្រើន ពេលចេញក្រៅ ហើយប្រសិនថ្ងៃណាអ្នកបានជួប Idol នៅក្រៅ សូមទុកពេល និងរក្សាគម្លាតឲ្យពួកគេផង នោះទើបជាក្ដីស្រឡាញ់ពិតប្រាកដ។ ប៉ុន្តែក្នុងករណីអ្នកទប់ចិត្តមិនជាប់ ចង់ទៅជិត Idol អ្នកអាចសុំពួកគេថតរូប ដោយសុជីវធម៌ នោះពួកគេក៏រីករាយនឹងបំពេញការស្នើសុំបែបនេះដែរ។
៤. កុំរោមជិតតារា
ការប្រមូលផ្ដុំគ្នា ជុំជិតតារាៗ អាចបង្កជាការមិនស្រណុកចិត្តឡើយ! ដូច BM ដែលជា Idol ម្នាក់ដែរបាននិយាយថា លោកចាប់ផ្ដើមមានអារម្មណ៍ភ័យខ្លាច ពេលមនុស្សជាង ៣០-៤០នាក់រោមលោកជិតភ្លាមៗ។
ជាបទពិសោធដូច Wang Yibo ក៏ធ្លាប់ជួបរឿងបែបនេះញឹកញាប់ដែរ។ សុខៗ ស្រាប់តែមានមនុស្សមករោមជិត លោកក៏នឹកឃើញរកផ្លូវរត់ចេញយ៉ាងលឿន ដោយមិនចំណាយពេលគួរសមយូរឡើយ៕
