តារាហូលីវូដពហុជំនាញ Simon Pegg ថាចង់សម្ដែងរឿងជាមួយ Jin ថ្ងៃណាមួយ

2021-09-27 03:29:48
ព័ត៌មាន

2021-09-27 03:29:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Simon Pegg គឺជាតារាសម្ដែង តារាកំប្លែង អ្នកសរសេរអត្ថបទកុន ផលិតករភាពយន្តជនជាតិអង់គ្លេស ដែលបានបង្ហាញមុខ និងមានភាពល្បីល្បាញខ្លាំងនៅចក្រភពអង់គ្លេស ក្នុងនាមជាអ្នកចូលរួមបង្កើតរឿងកំប្លែង "Spaced” របស់ Channel 4 ដែលជារឿងដឹកនាំសម្ដែងដោយ Edgar Wright។ មានរឿងច្រើនណាស់ដែលជាស្នាដៃរួមសហការរបស់ Simon Pegg ទាំងនិពន្ធនិងសម្ដែង ហើយសុទ្ធតែជាភាពយន្តល្បីៗ។

ដោយឡែកនៅថ្ងៃទី២៦ ខែកញ្ញា ឆ្នាំ២០២១នេះ Simon Pegg តារាហូលីវូដ-ផលិតករ ដែលល្បីសុសសាយពេញពិភពហូលីវូដ បាននិយាយក្នុងវីដេអូ Live លើ Instagram ជជែកលេងជាមួយនឹងអ្នកគាំទ្ររបស់ខ្លួន។

តបនឹងសំណួរពីអ្នកគាំទ្រជាច្រើនដែលសួរនាំទាក់ទងនឹង BTS លោក Simon Pegg ក៏បានយល់ស្របទៅនឹងការលើកឡើងថា ខ្លួន និង Jin (BTS) គួរតែថតរឿងភាគមួយរឿងជាមួយគ្នា។

អ្វីដែលបានបង្ហើបចេញពីមាត់ Simon ពេលនេះ ពិតជាធ្វើឲ្យអ្នកគាំទ្រភាគច្រើនពេញចិត្តបំផុត ហើយក៏យល់ស្របថាអ្នកទាំង ២ពិតជានឹងស៊ីសង្វាក់គ្នា ស្របពេល Simon ក៏ជាតារាល្បី តារាកំប្លែងទៀត ហើយ Jin វិញគឺជានិស្សិតដែលបានបញ្ចប់ការសិក្សាត្រឹមត្រូវនូវមុខជំនាញសម្ដែង ឯចំណេះជំនាញផ្សេងៗទាក់ទងនឹងការដឹកនាំសម្ដែងទៀតសោតក៏ Jin មានពេញខ្លួនដែរ។