- 2021-12-21 00:20:00
- ព័ត៌មាន
ចម្រៀង ៧បទ ស្នាដៃនិពន្ធ និងច្រៀងផ្ទាល់ដោយ IU ស្ដាប់ហើយ ទុក្ខសោករលាយអស់ដូចទឹកកកត្រូវថ្ងៃ
- 2021-12-21 00:20:00
- ចំនួនមតិ 0 | ចំនួនចែករំលែក 0
ចម្រៀង ៧បទ ស្នាដៃនិពន្ធ និងច្រៀងផ្ទាល់ដោយ IU ស្ដាប់ហើយ ទុក្ខសោករលាយអស់ដូចទឹកកកត្រូវថ្ងៃ
ចន្លោះមិនឃើញ
ក្រៅពីសំឡេងពីរោះស្រទន់ IU ក៏ជាអ្នកនិពន្ធបទចម្រៀងដែលតែងទទួលបានការគោរពផងដែរ ពីសំណាក់តារាៗរួមអាជីព ព្រមទាំងអ្នកគាំទ្រទាំងអស់ ដោយសារតែគ្រប់បទចម្រៀងនាងតែងបង្កប់សារដ៏មានអត្ថន័យដែលនឹងធ្វើឲ្យ អ្នកយល់ពីអត្ថន័យនៃការស្រលាញ់ពីគ្រប់ជ្រុងទាំងអស់។
ដោយឡែក ទាំងនេះជាបទចម្រៀងលួងលោមដែលអ្នកប្រហែលជាមិនបានដឹងទេថា សុទ្ធតែជាបទដែលត្រូវបាននិពន្ធផ្ទាល់ដោយតារាស្រីដែលមានរហស្សនាម «Nation’s Sweetheart» រូបនេះ៖
១. បទ «Through the Night»
បទនេះនិពន្ធដោយ IU ហើយរៀបរាប់ពីដំណើរស្វែងរកពាក្យសមរម្យណាមួយ ដើម្បីសារភាពស្នេហ៍ ចំពោះមនុស្សដែលខ្លួនស្រលាញ់នៅវេលាយប់ជ្រៅ។
២. បទ «Strawberry Moon»
IU ចង់បង្ហាញពីបំណងប្រាថ្នារបស់នាងក្នុងការចេញបទចម្រៀងដែលអាចផ្តល់ទាំងសុភមង្គល និងការលួងលោមអារម្មណ៍ ដល់អ្នកស្តាប់ ពេលស្រមៃដល់រឿងស្នេហា។
៣. បទ «Peach»
បទចម្រៀងនេះកាន់តែពិសេសនៅពេលដែល IU បង្ហើបថានាងនិពន្ធវា ពេលគិតដល់មិត្តសំណព្វ Sulli ព្រោះអ្នកគាំទ្រតែងហៅនាងថា "Peach Sulli"។
៤. បទ «Hold My Hand»
វាមិនត្រឹមតែផ្តល់នូវការលួងលោមប៉ុណ្ណោះទេ ប៉ុន្តែបទនេះក៏បានលើកទឹកចិត្តអ្នកស្តាប់ឱ្យសន្សំ និងឲ្យតម្លៃពេលវេលា ហើយបើអាច គួរបញ្ចេញនូវអ្វីគ្រប់យ៉ាងដែលអ្នកមាននៅក្នុងចិត្ត ដើម្បីដឹងពីចិត្តពិតរបស់មនុស្សដែលអ្នកស្រលាញ់ ព្រោះវាល្អជាងលាក់មិនប្រាប់។
៥. បទ «Ending Scene»
ថ្វីត្បិតបទនេះជាបទខូចចិត្ត ប៉ុន្តែ "Ending Scene" គឺជាបទចម្រៀងមួយបទដែលអ្នកអាចស្តាប់បាន នៅពេលដែលអ្នកត្រូវការរំលឹកខ្លួនឯងថា អ្នកត្រូវបោះបង់នរណាម្នាក់ចោល ឬអ្វីមួយដែលមិនមានន័យពិតប្រាកដសម្រាប់អ្នក។
៦. បទ «Dear Name»
សារក្នុងបទនេះក៏មានគោលបំណងចង់ដាស់តឿនអ្នកស្តាប់ពី សារជាតិរបស់មនុស្សថា ទោះបីជាមានភាពស្រដៀងគ្នា និងខុសគ្នាក៏ដោយ គ្រប់គ្នានៅតែជាមនុស្ស ហើយអ្នកគឺជាតួអង្គសំខាន់ក្នុងជីវិតរបស់អ្នក។
៧. បទ «Eight»
យ៉ាងណាក៏ដោយ ចម្រៀងនឹងរំលឹកអ្នកថា ទោះបីជាមានការលំបាកក៏ដោយ វានឹងមានកន្លែងមួយដែលអ្នកអាចសម្រាក និងមានអារម្មណ៍សប្បាយចិត្ត ហើយនឹងធ្វើឲ្យអ្នកមានអារម្មណ៍ថាអ្នកនៅក្មេងជារៀងរហូត៕
