- 2022-01-11 08:41:55
- ព័ត៌មាន
ក្រុមហ៊ុនម៉ាសមួយ និង HYBE ត្រូវស៊ីស៊ុបពើដូចគ្នា ពេលដាក់លក់ម៉ាស តម្លៃដល់ជាង ២០០ដុល្លារ
- 2022-01-11 08:41:55
- ចំនួនមតិ 0 | ចំនួនចែករំលែក 0
ក្រុមហ៊ុនម៉ាសមួយ និង HYBE ត្រូវស៊ីស៊ុបពើដូចគ្នា ពេលដាក់លក់ម៉ាស តម្លៃដល់ជាង ២០០ដុល្លារ
ចន្លោះមិនឃើញ
ពេលនេះ ក្រុមហ៊ុនផលិតម៉ាសមួយមានឈ្មោះថា DOBUMASK កំពុងប្រឈមនឹងបញ្ហាធំមួយ ក្រោយលក់ម៉ាសដែលសហការជាមួយនឹង HYBE។
ម៉ាសដែលផលិតចេញនោះ មានពណ៌ច្រើនប្រភេទខុសៗគ្នា ត្រូវនឹងសមាជិកម្នាក់ៗរបស់ BTS ហើយប្រអប់ត្រូវបានរចនាម៉ូដ ដោយប្រើពណ៌អាល់ប៊ុម BTS របស់ក្រុម។ ម៉ាសនីមួយៗក៏ត្រូវបានតុបតែងជា Logo «Butter» ដែរ។
ក្នុងមួយប្រអប់មានម៉ាស ចំនួន ៧ ត្រូវបានវេចខ្ចប់ទៅតាមសមាជិកម្នាក់ៗដូចគ្នា។ ឈុតម៉ាស 7x7 (មាន ៧ពណ៌ ក្នុង១ពណ៌មាន ៧ម៉ាស) និងត្រូវបានលក់ក្នុងតម្លៃ ២៤៥ ០០០វ៉ុន (ខ្ទង់ ២០៤ដុល្លារ)។
ដោយសារតែម៉ាសនេះ ផលិតចេញមកដោយក្រុមហ៊ុន DOBUMASK មិនមែនចេញពី HYBE ទើបអ្នកគាំទ្រនាំគ្នាចោទសួរទៅ HYBE ពីការចុះកិច្ចព្រមព្រៀងដ៏សែនថ្លៃពេលនេះ។ អ្វីដែលសំខាន់ ពេលនេះ DOBUMASK ក៏កំពុងរងនូវការរិះគន់មិនធម្មតាចំពោះការផ្ទុះឡើងនៃមេរោគរាតត្បាតពេលនេះដែរ។
មតិមហាជនមួយចំនួនបានលើកឡើងថា៖
- «ម៉ាសអត់ទាំងស្អាតផង! មនុស្សម្នានឹងគិតថា អ្នកដែលពាក់ម៉ាសហ្នឹង មានតែអ្នកគាំទ្រក្រុមចម្រៀងទេ» - «Big Hit ត្រូវតែខ្លាំង! ពួកគេគិតតែអ្នកគាំទ្រហ្នឹងសម្បូរលុយ ហើយល្ងង់» - «តាមពិតទៅអត់មានអីទេ! តែមែនទែនទៅពួកគេគ្រាន់តែលក់ម៉ាសបែបហ្នឹងក្នុងសម័យផ្ទុះមេរោគរាតត្បាត! ក្រៅពីហ្នឹងអត់មានគិតអីផ្សេងទេ»
សរុបជារួមមតិមួយចំនួន បានបន្ទោសទៅលើ HYBE ដែលរួមកឲដៃសហការក្នុងការធ្វើម៉ាសនេះចេញ ដោយសារតម្លៃ និង គុណភាពមិនស័ក្តិសមនឹងគ្នា។ យ៉ាងណាក្ដីទាក់ទងនឹងបញ្ហានេះ HYBE មិនទាន់ចេញសេចក្ដីថ្លែងការណ៍អ្វីនៅឡើយ៕