- 2022-01-14 02:49:01
- ព័ត៌មាន
មាសពេជ្រមិនប្ដូរទេ! ជាង ២០ឆ្នាំលើផ្លូវសិល្បៈ ជា វិបុល ទទួលបានផ្លែផ្កាមានតម្លៃអ្វីខ្លះពីវិស័យ?
- 2022-01-14 02:49:01
- ចំនួនមតិ 0 | ចំនួនចែករំលែក 0
មាសពេជ្រមិនប្ដូរទេ! ជាង ២០ឆ្នាំលើផ្លូវសិល្បៈ ជា វិបុល ទទួលបានផ្លែផ្កាមានតម្លៃអ្វីខ្លះពីវិស័យ?
ចន្លោះមិនឃើញ
ប្រឡូកចូលក្នុងពិភពសិល្បៈជាង ២០ឆ្នាំមកនេះ លោក ជា វិបុល បាន ពិធីករដ៏ល្បីប្រចាំប្រទេសកម្ពុជាលោក ទទួលបានការកោតសរសើរខ្លាំងពីសំណាក់ប្រិយមិត្តគ្រប់ស្រទាប់ ផ្អែកលើទេពកោសល្យផ្នែកបញ្ចេញវិហារចាក់ទឹកមិនលិច ព្រមទាំងមានចំណេះដឹងទូលំទូលាយទៀតផង។ យ៉ាងណាក្ដី កន្លងមកច្រើនឆ្នាំមកនេះ ក្នុងនាមជាតារាម្នាក់ ប្រាកដជាជួបប្រទះនឹងព្យុះភ្លៀង ភាពលំបាកជាច្រើន ប៉ុន្តែ ជា វិបុល ក៏ទទួលបានមកវិញនូវមហាកិត្តិយសជាច្រើនដែរ។
ជាក់ស្ដែងនៅព្រឹកថ្ងៃទី១៤ ខែមករា ឆ្នាំ២០២២នេះ ស្វាមីអ្នកនាង គង់ សុជាតិ បានបង្ហោះ Post មួយដោយមានបង្ហាញរូបភាពកាលពីអតីត ស្រង់ចេញពីពេលវេលាមានន័យក្នុងជីវិតជាច្រើន ពេលលោកទទួលបានពានរង្វាន់ពីកម្មវិធីប្រកួតនានា។
ភ្ជាប់ជាមួយនឹងរូបភាព លោក ជា វិបុលបានសរសេរសារ បង្ហាញពីភាពជោគជ័យចេញពីការខិតខំប្រឹងប្រែង ដែលខ្លួនទទួលបាន កន្លមកច្រើនឆ្នាំ មានតាំងពីការឈ្នះពីកម្មវិធី Freshie Boy and Girl, អាណាចក្រតារា និងកម្មវិធីផ្សេងៗទៀត។
ជា វិបុល លើកឡើងថា៖ «គិតៗទៅក្នុងជីវិតរយះពេលជាង ២ទសវត្សមកនេះធ្លាប់បានចូលរួមប្រកួតលើវិស័យកីឡាបាល់ទាត់ និងសិល្បៈជាច្រើន ហើយបានពានច្រើនដែរ ឆ្នាំ១៩៩៩ ពានរង្វាន់លេខ១បាល់ទាត់មហាវិទ្យាល័យ
ឆ្នាំ២០០២ ពានរង្វាន់ Freshie Boy លេខ១
ឆ្នាំ២០១២ ពានរង្វាន់ពិធីករពិធីការនីឆ្នើម និងស័ក្តិសម
ឆ្នាំ ២០១៣ ពានរង្វាន់ពិធីករឆ្នើមទូទាំងប្រទេស
ឆ្នាំ ២០១៦ មេដាយFreshieគំរូ ….
តែរកពាននិងមេដាយមិនឃើញសោះ ចាំថ្ងៃណាសើរើម្តង»។
សមិទ្ធផលដែលបានមកនេះ ពិតជាស័ក្តិសមតបនឹងការខិតខំប្រឹងប្រែងរបស់ តារាប្រុសរូបនេះ ព្រោះថាមិនមែនគ្រប់គ្នា សុទ្ធតែទទួលបានឱកាសពិសេសនេះទេ។
ជា វិបុល ត្រូវបានអ្នកគាំទ្រជាច្រើនលើកថា ជាពិធីករលំដាប់កំពូលម្នាក់ដែរប្រចាំប្រទេសកម្ពុជា ហើយជារឿយៗ ស្ថិតក្នុងកម្មវិធីធំៗ គេតែងឃើញមានវត្តមានលោកជាអ្នកដំណើរការកម្មវិធីមិនដែលខានឡើយ៕