- 2022-02-27 03:00:00
- ព័ត៌មាន
សរុបសកម្មភាពមនុស្សធម៌ អ្នកគាំទ្រធ្វើដើម្បីអបអរខួបកំណើត Chanyeol សុទ្ធតែពិសេស
- 2022-02-27 03:00:00
- ចំនួនមតិ 0 | ចំនួនចែករំលែក 0
សរុបសកម្មភាពមនុស្សធម៌ អ្នកគាំទ្រធ្វើដើម្បីអបអរខួបកំណើត Chanyeol សុទ្ធតែពិសេស
ចន្លោះមិនឃើញ
ឈ្មោះរបស់ Chanyeol ត្រូវបានប្រើក្នុងសកម្មភាពមនុស្សធម៌ជាច្រើន អំឡុងថ្ងៃខួបកំណើតរបស់លោកជារៀងរាល់ឆ្នាំ។
ថ្ងៃទី ២៧ ខែវិច្ឆិកាដែលជាថ្ងៃខួបកំណើតរបស់សមាជិកពូកែបង្កបរិយាកាសសប្បាយរីករាយប្រចាំ EXO គឺ Chanyeol ក្រុមអ្នកគាំទ្របានមូលមតិគ្នារៀបចំធ្វើសកម្មភាពសប្បុរសធម៌ជួយសង្គមជាច្រើនគួរឲ្យសរសើរ។ អំពើល្អ និងសកម្មភាពជួយសង្គមកើតចេញពីចិត្តក្រុមអ្នកគាំទ្រទាំងអស់ ដែលបានធ្វើអបអរថ្ងៃខួបកំណើតរបស់ Chanyeol កន្លងមកនេះមាន៖
១. ការសាងសង់ផ្ទះមួយខ្នង ដោយប្រើឈ្មោះ Chanyeol ជូនដល់ក្រុមគ្រួសារក្រីក្រមួយគ្រួសារ ដែលឪពុកម្ដាយពិការជើងដោយសារផ្ទុះមីន ក្នុងខេត្តសៀមរាប នៃប្រទេសកម្ពុជា។
២. ការឧបត្ថម្ភសក់ ទៅឲ្យ "សមាគមកូរ៉េជួយកុមារដែលមានជំងឺមហារីកឈាមនិងជម្ងឺមហារីក” ដោយប្រើឈ្មោះ Chanyeol។
៣. អ្នកគាំទ្ររបស់ EXO ជនជាតិមីយ៉ាន់ម៉ា បានជួយឧបត្ថម្ភជាថវិកា ផ្ដល់ជូននូវអាហារពេលថ្ងៃ និង អាហារូបត្ថម្ភផ្សេងទៀតដល់ក្មេងៗ។
៤. ការបរិច្ចាគថវិកា ២លានរូព្យ៉ា (ប្រហែល ១៣៩ដុល្លារអាមេរិក) ទៅឲ្យអង្គការ UNICEF ប្រចាំប្រទេសឥណ្ឌូណេស៊ី ក្រោមឈ្មោះ Chanyeol។
៥. ចែកសម្ភារៈចាំបាច់សម្រាប់រដូវរងា ដូចជា ខោអាវក្នុងដែលផ្ដល់កម្ដៅ និងប្រដាប់រុំក្បាលជង្គង់ដល់ទុរគតជនចាស់ជរាចំនួន ៣០០នាក់។
៦. បរិច្ចាគថវិកា ១២៧ដុល្លារ ទៅកាន់ មូលនិធីសត្វព្រៃ "World Wildlife Fund” ក្រោមឈ្មោះ Chanyeol ក្នុងបំណងជួយសង្គ្រោះសត្វព្រៃចៀសវាងផុតពូជ ព្រមទាំងបញ្ឈប់ការកាប់បំផ្លាញព្រៃឈើ និងការគំរាមកំហែងផ្សេងៗដល់ធម្មជាតិ និងមនុស្ស៕
