- 2022-08-12 08:45:46
- ព័ត៌មាន
សារី ស្រីពេជ្រ ដែលទើបឈ្នះពានពីអន្តរជាតិ ទៅជួបអ្នកគាំទ្រកក្រើកផ្សារ
- 2022-08-12 08:45:46
- ចំនួនមតិ 0 | ចំនួនចែករំលែក 0
សារី ស្រីពេជ្រ ដែលទើបឈ្នះពានពីអន្តរជាតិ ទៅជួបអ្នកគាំទ្រកក្រើកផ្សារ
ចន្លោះមិនឃើញ
CIM ដែលពាក្យពេញថា Cambodia International Models បានធ្វើពិធីជួបជុំធំមួយជាមួយអ្នកគាំទ្ររបស់តារាម៉ូដែល សារី ស្រីពេជ្រ ក្រោយតារាស្រីរូបនេះ ទើបទទួលបានពានជាប្រវត្តិសាស្ត្ររបស់វិស័យ Fashion របស់កម្ពុជា។
យុវតី សារី ស្រីពេជ្រ បាននាំអោយកម្ពុជាល្បីរន្ទឺ ក្រោយនាងបានក្លាយជារាជនីមកុដ Miss & Mister Petite Global 2022 នៅប្រទេស Malaysia កន្លងទៅថ្មីៗ។ "សម្រាប់ខ្ញុំ វាជារឿងស្មានមិនដល់…គ្រាន់តែលឺពាក្យថា Cambodia ភ្លាម ខ្ញុំរំភើបខ្លាំងមែនទែន មិនដឹងថាយកអ្វីមកនិយាយឲ្យទៅ...ខ្ញុំក៏សូមអរគុណពុកម៉ែបងប្អូន ចំពោះការស្រឡាញ់ និងគាំទ្ររូបនាងខ្ញុំ រហូតអាចទទួលលទ្ធផលនេះ"។ ស្រីពេជ្រ ថ្លែងក្នុងកម្មវិធីយប់មិញទៅអ្នកគាំទ្ររបស់នាង។
ក្រៅពី ស្រីពេជ្រ មាន យុវជន រតនា ថានុថ និង យុវតី សំអុល អែនណាអូមី ក៏ទទួលបានលទ្ធផលល្អដែរ ពីប្រឡងក្នុងកម្មវិធី Teen Star Cambodia 2022 ដោយឈ្នះពានឈុតតំណាងជាតិ ក្រោមការប្រកួតប្រជែងជាច្រើនប្រទេស។ ពួកគេ ត្រូវបាននាំមកជួបជុំគ្នា ជាមួយនឹងអ្នកគាំទ្រទាំងឡាយ ជាបុគ្គលដែលនៅក្រោយភាពជោគជ័យរបស់ពួកគេ។
នេះជាការផ្តួចផ្តើមរបស់ CIM or Cambodia International Models ដែលបានរៀបចំនៅកម្មវិធីមួយ ដើម្បីជាការអបអរសាទរដល់បេក្ខភាពកម្ពុជា ទទួលបានចំណាត់ថ្នាក់ល្អនៅលើឆាកអន្ដរជាតិនាគ្រានេះ។