- 2023-01-13 09:48:33
- ព័ត៌មាន
ក្ដៅៗ ទំព័រហ្វេសប៊ុកផ្លូវការរបស់តារាសម្ដែង ពេជ្រ ចរណៃ ត្រូវគេ Hack យកបាត់ផុយៗ
- 2023-01-13 09:48:33
- ចំនួនមតិ 0 | ចំនួនចែករំលែក 0
ក្ដៅៗ ទំព័រហ្វេសប៊ុកផ្លូវការរបស់តារាសម្ដែង ពេជ្រ ចរណៃ ត្រូវគេ Hack យកបាត់ផុយៗ
ចន្លោះមិនឃើញ
តារាសម្ដែង ពេជ្រ ចរណៃ បានជួបរឿងសោកស្ដាយមួយនៅរសៀលនេះ ក្រោយពីទំព័រហ្វេសប៊ុកផ្លូវការរបស់នាង ត្រូវបានជនមិនស្គាល់មុខបានធ្វើជ្រៀតចូល និងគ្រប់គ្រងទំព័រនេះបានទាំងស្រុង។ នេះបើតាមអ្នកជំនាញម្នាក់។
លោក គង់ បាវ ដែលជាអ្នកជំនាញខាងហ្វេសប៊ុក និង Social Media បានបញ្ចេញពីករណីនេះថា ទំព័រហ្វេសប៊ុករបស់កញ្ញា ពេជ្រ ចរណៃ ដែលមានឈ្មោះថា "ពេជ្រ ចរណៃ ល្បុកតោខ្មែរ" មានអ្នក Follow ជាង 400k ត្រូវគេ Hack យកបាត់ទៅហើយ ដោយលោកមិនអាចជួយអ្វីបានសោះ។
គង់ បាវ ត្រូវបានគេដឹងថាជាអ្នកជំនាញខាង Social Media មួយរូបនៅកម្ពុជា និងជាអ្នកគ្រប់គ្រងទំព័រហ្វេសប៊ុកផ្លូវការរបស់ មន្ត្រី និងស្ថាប័នជាច្រើន។យ៉ាងណា ជុំវិញករណីរបស់តារាសម្ដែងស្រី លោកមិនអាចជួយអ្វីបានដោយសារលោកមមាញឹកខ្លាំងពេក។ លោកសរសេរថា "ផេគនេះត្រូវបានគេហេគបាត់ហើយ ក្តៅៗ រវល់ពេកអត់មានពេលជួយគាត់ ពិតជាស្តាយ”។
ជុំវិញករណីនេះ កញ្ញា ពេជ្រ ចរណៃ ដែលគេស្គាល់ភាគច្រើនតាមរយៈក្បាច់គុនល្បុក្កតោនោះ នៅមិនទាន់អាចទំនាក់ទំនងសុំការអធិប្បាយបានទេរសៀលនេះ។ ប៉ុន្តែលោក តេង វាសនា ដែលជាដៃគូសម្ដែងម្នាក់របស់ ចរណៃ បានបញ្ជាក់ពីរឿងនេះដែរ។
តារាប្រុសបានសរសេរសារបង្ហោះលើហ្វេសប៊ុក ដោយភ្ជាប់ជាមួយរូបភាពកញ្ញា ពេជ្រ ចរណៃ។លោកថា មានការសោកស្ដាយជំនួសកញ្ញា ខណៈទំព័រហ្វេសប៊ុកផ្លូវការរបស់នាងទទួលបាន Blue Tick ទៅហើយនៅតែត្រូវគេលួចយកបានទៀត៕