- 2016-12-16 03:52:21
- ភាពយន្ត
ហ្វៃ សំអាង ប្រកាសផលិតភាពយន្តល្បីៗ ២ រឿងឡើងវិញ
- 2016-12-16 03:52:21
- ចំនួនមតិ 0 | ចំនួនចែករំលែក 0
ហ្វៃ សំអាង ប្រកាសផលិតភាពយន្តល្បីៗ ២ រឿងឡើងវិញ
ចន្លោះមិនឃើញ
ភាពយន្តខ្នាតធំដែលល្បីល្បាញកាលពីជាង២០ឆ្នាំមុន រឿង "កូនពស់កេងកង" និង "ចៅពស់កេងកង" នឹងត្រូវផលិតឡើងវិញជារឿងភាគ សម្រាប់ក្នុងស្រុកនិងទីផ្សារនៅក្រៅប្រទេសទៀតផង ពោលគឺប្រទេសថៃ។ នេះបើតាមផលិតករ ហ្វៃ សំអាង។
លោក ហ្វៃ សំអាត ថ្លែងមកកាន់ Sabay នាព្រឹកនេះថា រឿងទាំង ២ ខាងលើនឹងត្រូវមានវត្តមានជាថ្មីជារឿងភាគ ដែលទី១ គឺរឿង "កូនពស់កេងកង" មានចំនួន ២៥ភាគ និង រឿង "ចៅពស់កេងកង" មានចំនួន ៣០ ភាគ។
លោកបន្តថា រឿង " កូនពស់កេងកង" នឹងមានដំណើរផលិតក្នុងពេលឆាប់ៗនេះ ព្រោះរឿងនេះបានបញ្ចប់ការនិពន្ធ និងសម្រិតសម្រាំងរួចរាល់ ដោយ អ្នកស្រី ប៉ុល ពិសី និង រូបលោកផ្ទាល់ នៅឡើយតែការជ្រើសរើសតួសម្ដែងនិង ថតតែប៉ុណ្ណោះ។
ផលិតកររូបនេះបញ្ជាក់ថា មូលហេតុការផលិតរឿងនេះរឿងភាគ ព្រោះរឿងគឺជាភាពយន្តខ្នាតធំដែលភាពល្បីល្បាញ និង ទទួលបានការគាំទ្រពីប្រជាជនកម្ពុជាយ៉ាងខ្លាំង។ មិនត្រឹមប៉ុណ្ណោះការផលិតលើកនេះ គឺលោកសម្រិតសម្រាំងបំផុតដើម្បីចេញទៅទីផ្សារក្រៅប្រទេស ដោយប្រទេសថៃបានធ្វើកិច្ចព្រមព្រៀងរួចជាស្រេចក្នុងការទិញយកស្នាដៃរឿងភាគរបស់លោកទាំង២នេះ៕