- 2017-07-26 06:17:19
- ជីវិតតារា
អស្ចារ្យណាស់កូនប្រុសស្រី ម៉េង កែវពេជ្ជតា រៀនពេលខ្លីតែសមត្ថភាពមិនធម្មតា!
- 2017-07-26 06:17:19
- ចំនួនមតិ 0 | ចំនួនចែករំលែក 0
អស្ចារ្យណាស់កូនប្រុសស្រី ម៉េង កែវពេជ្ជតា រៀនពេលខ្លីតែសមត្ថភាពមិនធម្មតា!
ចន្លោះមិនឃើញ
ពិតជាអស្ចារ្យខ្លាំងណាស់កូនប្រុសស្រីអ្នកនាង ម៉េង កែវពេជ្ជតា រៀនផ្នែកព្យាណូ នៅសាលាស្រណោះតន្ត្រីត្រឹមតែរយៈពេលខ្លីសោះតែមានឱកាសទទួលបានពាន។
តារាចម្រៀងជើងចាស់រូបនេះបានប្រាប់ Sabay ថា នាងពិតជាសប្បាយចិត្តខ្លាំងណាស់ ដែលកូនប្រុសស្រីទាំងពីរនាក់មានឱកាសទទួលបានពានក្នុងកម្មវិធី Asian Pacific Arts Festival 2017 នៅប្រទេសសិង្ហបុរី ព្រោះកូនតូចៗទាំងពីរបានសិក្សារៀនសូត្រផ្នែកព្យាណូ និង វីយោឡុង មិនបានមួយឆ្នាំផង។
“កូនបងគាត់ឡើងប្រកួតជាក្រុម២នាក់បងប្អូន ដោយកូនប្រុសបងគាត់លេងព្យាណូ ចំណែកឯកូនស្រីបងវិញគាត់លេងវីយោឡុង និងច្រៀងបទអ្នកម្ដាយ រួមគ្នាតែម្ដងទើប ពួកគាត់ទទួលបានមេដាយមាសក្នុងការប្រកួតនេះ ក្រោមការបង្រៀនយ៉ាងយកចិត្តទុកដាក់ពីលោកគ្រូ សូ ស្រណោះ អរគុណគាត់ខ្លាំងណាស់"។ នេះបើតាមអ្នកនាង ម៉េង កែវពេជ្ជតា លើកឡើងក្នុងដំណើរមកដល់កម្ពុជាម្សិលមិញនេះ។
ចំណែកឯលោក សូ ស្រណោះ ដែលជានាយកសាលាស្រណោះតន្ត្រីក៏បានមានប្រសាសន៍ដែរថា កូនប្រុសស្រីអ្នកនាង ម៉េង កែវពេជ្ជតា ទទួលបានមេដាយមាសក្នុងកម្មវិធី Asian Pacific Arts Festival 2017 នេះដោយសមត្ថភាពភាពពិតៗ តាមរយៈការខិតខំប្រឹងប្រែងរៀនសូត្រ ពីសាលាស្រណោះតន្ត្រី។ ដូច្នេះលោកនឹងខិតខំបណ្ដុះបណ្ដាលកូនខ្មែរជាច្រើនរូបទៀតឲ្យមានឱកាសបានចេញទៅប្រកួតជាលក្ខណអន្តរជាតិ។
លោកថា៖“ខ្ញុំពិតជាមានមោទនភាពខ្លាំងណាស់ដែលកូនខ្មែរយើងទៅ ប្រកួតនៅប្រទេសសិង្ហបុរី មានបណ្ដាប្រទេសមួយចំនួនក្នុងតំបន់អាស៊ានចូលរួមប្រកួត តែយើងទទួលបានមេដាយមាសចំនួន ១៦ ក្នុងនោះមានកូនអ្នកនាង ម៉េង កែវពេជ្ជតា កូនស្រីអ្នកនាង យុគ ចិន្តា និងកូនស្រីបង ហ៊ុន ម៉ាណែត និងបានទទួលមេដាយប្រាក់ចំនួន៥"។
គួរបញ្ជាក់ថា កូនប្រុសស្រីអ្នកនាង ម៉េង កែវពេជ្ជតា ទទួលបានមេដាយមាស កូនប្រុស ឈ្មោះ ពេជ្រ រតនៈ អាយុ១០ ឆ្នាំ ចំណែកឯកូនស្រីឈ្មោះ ពេជ្ជតា សង្វាពេជ្រ៕