- 2017-08-17 02:20:44
- ព័ត៌មាន
មិនគួរឲ្យជឿ! ផលិតកម្មល្បី Cube ជួបហានិភ័យ ស្ទើរបះជើងដល់ថ្នាក់ហ្នឹង?
- 2017-08-17 02:20:44
- ចំនួនមតិ 0 | ចំនួនចែករំលែក 0
មិនគួរឲ្យជឿ! ផលិតកម្មល្បី Cube ជួបហានិភ័យ ស្ទើរបះជើងដល់ថ្នាក់ហ្នឹង?
ចន្លោះមិនឃើញ
ផលិតកម្មធំមួយនៅប្រទេសកូរ៉េដែលធ្លាប់ទទួលបានការគាំទ្រច្រើនពីមហាជនទាំងក្នុង និងក្រៅប្រទេស គឺផលិតកម្ម Cube កំពុងជួបប្រទះនឹងហានិភ័យផ្នែកហិរញ្ញវត្ថុដ៏ធ្ងន់ធ្ងរនាពេលថ្មីៗនេះ។
ផលិតកម្ម Cube បានធ្លាក់ខ្លួនប្រឈមនឹងឧបសគ្គដ៏ធំ ដោយត្រូវខាតបង់ថវិកាច្រើនជាង ១ប៊ីលានវ៉ុន (ប្រមាណ ៨៧៧ ០០០ដុល្លារអាមេរិក) ឯណោះត្រឹមរយៈពេល ៨ខែដំបូងក្នុងឆ្នាំ ២០១៧។
បើក្រឡេកមើល កាលពីឆ្នាំ ២០១៦វិញ ផលិតកម្មមួយនេះ បានរបូតក្រុមល្បីៗរបស់ខ្លួន ២ក្រុមឯណោះ (ក្រុមចម្រៀង 4Minute ត្រូវរំសាយក្រុម និង ក្រុមចម្រៀង BEAST បានចាកចេញពីផលិតកម្ម) ជាហេតុអាចបណ្ដាលឲ្យក្រុមហ៊ុនខាតបង់ប្រយោជន៍ ក៏ដូចជាប្រាក់ចំណេញក្នុងឆ្នាំថ្មីនេះ។
បើទោះជាព័ត៌មាននេះបានផ្ទុះឡើង ធ្វើឲ្យអ្នកគាំទ្រមួយចំនួនគិតថាក្រុមហ៊ុនអាចនឹងក្ស័យធនក៏ដោយ ក៏នៅមានក្ដីសង្ឃឹមថា ក្រុមហ៊ុននឹងត្រឡប់វិលរកសភាពល្អប្រសើរវិញជាក់ជាមិនខាន។
ជាក់ស្ដែងបច្ចុប្បន្ន ក្រុម BTOB គឺជាក្រុមចម្រៀងនាំមុខគេក្នុងផលិតកម្ម ហើយក្រុមផ្សេងទៀតដូចជា PENTAGON និង CLC ក៏កំពុងព្យាយាមស្វែងរកប្រជាប្រិយភាពរៀងៗខ្លួនដែរ។ ចំណែកតារាចម្រៀងតៃវ៉ាន់ Guan Lin វិញទើបចាប់ផ្ដើមបង្ហាញខ្លួនដំបូង ហើយខាងផលិតកម្ម Cube មានសង្ឃឹមថា តារាប្រុសវ័យក្មេងរូបនេះនឹងអាចទទួលបានកេរ្តិ៍ឈ្មោះល្បីល្បាញជាក់ជាមិនខានពេលចូលក្នុងផលិតកម្មខ្លួន៕
ចុចអាន៖
