ចំណងដៃចម្រៀង២បទចុងក្រោយមុនពេល SWSB ក្រុមតូច រំសាយក្រុមលាប្រិយមិត្ត
រយៈពេល៩ឆ្នាំដើររួមគ្នា ពេលនេះ SW SB ក្រុមតូច ត្រូវបានរំសាយហើយ
Ella បង្ហើរសំនៀង Cover Song បែប Acoustic ក្នុងកម្មវិធី Sabay Sessions...
តារាចម្រៀងស្រីពោរពេញទៅដោយសមត្ថភាពខ្ពស់ក្នុងវិស័យតន្ត្រីកម្ពុជា កញ្ញា ចិត្ត កញ្ចនា ទើបទទួលបានតំណែង...
ជារឿយៗមាហជន ធ្លាប់តែបានឃើញសមត្ថភាពសម្ដែងខ្សែភាពយន្ដរបស់កម្លោះសង្ហា Summer ...
Mustache Band ជាក្រុមតារាចម្រៀង Original Song ដែលមានប្រជាប្រិយភាពយ៉ាងខ្លាំង...
អ្នកនាង គ្រីប លក្ខណា ក្នុងពិធីជប់លៀងមួយក្នុងស្ថានទូតសហរដ្ឋអាមេរិក
សព្វថ្ងៃនេះវិស័យចម្រៀងនៅកម្ពុជាកាន់តែមានមានភាពរីកចម្រើនគួរឲ្យកត់សម្គាល់ ដោយក្នុងនោះ...
ជាសាស្ត្រាចារ្យតន្រ្តី និងអនុបណ្ឌិតផ្នែកព្យាណូបញ្ចប់ការសិក្សាពីប្រទេសជប៉ុន ហើយ...
បន្ទាប់ពីអាល់ប៊ុម ២x៥ របស់ Smallworld Smallband បានប្រកាសចេញជាផ្លូវការ អ្នកគាំទ្រប្រាកដជាបានឃើញសញ្ញាលេខ...
ស្នាដៃបទថ្មីរបស់ សក្កដា "សុំឱបម៉ាក់រហូតបានទេ" ចេញMV ផ្លូវការហើយ ក្នុងនោះមានលាយឡំទៅដោយឈុតឆាកកម្សត់ស្រក់ទឹកភ្នែក ចូលរួមសម្ដែងដោយតារាស្រីជើងចាស់ ស្វែង សុជាតា។ (ឈុតមួយនៅក្នុងបទ "សុំឱបម៉ាក់រហូតបានទេ") ម្ចាស់បទលោក ទ្រី សក្កដា បានប្រាប់ឲ្យដឹងថាបទនេះតែងសម្រាប់អ្នកម្ដាយទូទាំងពិភពលោកដែលបានតស៊ូព្យាយាមសម្រាប់គ្រួសារដោយមិនខ្លាចនឿយហត់ទោះបីឈឺជាយ៉ាងណាក៏ដោយ។ ចង់ដឹងបទនេះកម្សត់យ៉ាងណា តោះទស្សនាវីដេអូខាងក្រោម៖ https://youtu.be/__ysxU3xkIU អត្ថបទ៖ ថា ម៉ាលីដា វីដេអូ៖ ផ្តល់ដោយ សក្កដា
"I don't understand” ជាបទថ្មីរបស់ កាន់ ពេជ្រ ទើបចេញប៉ុន្មានថ្ងៃនេះ ហើយកំពុងមានការគាំទ្រខ្លាំងពីទស្សនិកជន បន្ទាប់ពីរូបគេស្ងប់ស្ងាត់អស់មួយរយៈកន្លងមក។ នេះបើតាមការបញ្ជាក់ពីសាមីខ្លួន។ (ឈុតមួយនៅក្នុងបទ "I don't understand”) ម្ចាស់បទដដែលអះអាងថា នេះជាស្នាដៃបទថ្មីទី៤របស់គេហើយ ដោយចំណាយពេលប្រមាណជាង២ខែក្នុងការផលិត។ ជាមួយគ្នានោះតារាចម្រៀងឯករាជ្យរូបនេះក៏បានប្រាប់ដែរថា បទចម្រៀងដែលទស្សនិកជនចាប់ផ្ដើមស្គាល់លោកខ្លាំងគឺបទ"More than hurt” និងបទបន្ទាប់ "I don't understand” នេះតែម្ដង។ ចង់ដឹងស្នាដៃបទថ្មីនេះយ៉ាងណាតោះទស្សនាវីដេអូខាងក្រោម៖ https://youtu.be/SKVKa_UyS04 អត្ថបទ៖ ថា ម៉ាលីដា វីដេអូ៖ យូធូប
ការប្រគំតន្ត្រីមានឈ្មោះថា Cambodia Rock Concert ធំជាងគេមិនធ្លាប់មាននៅប្រទេសកម្ពុជាត្រៀមរៀបចំឡើងនៅមហោស្រពកោះពេជ្រនៅល្ងាចថ្ងៃទី ១៣ ខែឧសភាខាងមុខនេះ និងមានការផ្សាយផ្ទាល់លើកញ្ចក់ទូរទស្សន៍ My TV។ នៅក្នុងសន្និសីទសារព័ត៌មានកាលពីល្ងាចមិញនេះលោក ប៊ុត វិទ្យា ជាអ្នករៀបចំកម្មវិធីនេះ បានលើកឡើងថា លោកមានគោលបំណងធ្វើឱ្យប្រសើរឡើងនូវតន្ត្រីផ្នែករ៉ក់ដែលបន្សល់ទុកតាំងពីយូរមកហើយ។ ហើយក៏ជាលើកទឹកចិត្តដល់តារាចម្រៀងជំនាន់ក្រោយ ឱ្យបង្កើតស្នាដៃចម្រៀងផ្ទាល់ខ្លួនបន្ថែមទៀត ជាជាងការចម្លងមកពីប្រទេសជិតខាង។ អ្នកចាត់ការទូទៅនៅក្នុងផលិតកម្ម សិលារីខត រូបនេះបញ្ជាក់ថា យ៉ាងហោចណាស់មានតន្ត្រីករចំនួន ១៦ ក្រុមចូលរួមប្រគំបង្ហាញស្ទីលលេងតន្រ្តីម្ដងម្នាក់ក្នុងឱកាសនោះ ដើម្បីបង្ហាញពីបទចម្រៀងរ៉ក់សម័យថ្មីជាស្នាដៃរបស់ពួកគេ។ ក្រៅពីនេះក៏មានវត្តមានពីតារាចម្រៀងជាច្រើនរូប ដែលពួកគេនឹងបកស្រាយចម្រៀងដោយសំឡេងផ្ទាល់ផងដែរដូចជាតារាចម្រៀង ហេង ពិទូ និង វង្ស តារារតនា និងតារាជាច្រើនទៀត។ ដោយឡែកលោកជំទាវ ចាន់ ធី រដ្ឋលេខាធិការក្រសួងព័ត៌មានបានសម្ដែងការគាំទ្រទាំងស្រុងចំពោះការរៀបចំការប្រគំតន្ត្រីខាងលើ និងសង្ឃឹមថា តន្ត្រីករព្រមទាំងតារាចម្រៀងចូលរួមឱ្យបានច្រើន។ លោកជំទាវបន្តថា កន្លងមកមានស្នាដៃរបស់អ្នកជំនាន់ក្រោយមួយចំនួនគួរឱ្យកោតសរសើរ ហើយក៏មានស្នាដៃមួយចំនួនទៀតទាមទារការណែនាំពីអ្នកជំនាន់មុនផងដែរ។ ក្នុងនាមនាយកដ្ឋានផលិតនៃក្រសួងព័ត៌មានសង្ឃឹមថា ការចូលរួមរបស់អ្នកជំនាន់ក្រោយអាចធ្វើឱ្យតន្ត្រីនេះមានការរីកចម្រើន ហើយអាចប្រកួតប្រជែងជាមួយប្រទេសផ្សេងៗទៀតមិនខាន៕ លោកជំទាវ ចាន់ ធី រដ្ឋលេខាធិការក្រសួងព័ត៌មាន លោក ប៊ុត វិទ្យា អ្នករៀបចំកម្មវិធី អត្ថបទ៖ សំ ជំនាញ
ទន្ទឹមនឹងការប្រឹងប្រែង និពន្ធបទថ្មី ពីសំណាក់សិល្បករខ្មែរ ក្នុងនោះ តារាច្រើនដួង ក៏ទទួលបានការគាំទ្រតបស្នងវិញពីសំណាក់បងប្អូនខ្លាំងដែរ។ ពួកគេទាំងនោះមានបទជាច្រើនដែលនិពន្ធដោយខ្លួនឯង ប៉ុន្តែ Sabay សុំលើកយកបទ Original មួយចំនួនដែលទទួលបានការគាំទ្រខ្លាំងប៉ុណ្ណោះ៖ ហេង ពិទូ ផ្ទុះខ្លាំងបទ "ទីបំផុត" ចេញកាលពីខែធ្នូឆ្នាំ២០១៥ មកដល់ពេលនេះមានចូលទស្សនា ជាង ២ លានដងនៅលើ Chanel ផ្ទាល់ខ្លួនលោក។ https://youtu.be/_Rv7zi1IVRs ងួន ចាន់ដេវីត មានបទ និពន្ធថ្មីជាច្រើន ដែល លោក បាននិពន្ធ និងទទួលបានការគាំទ្រ ប៉ុន្តែថ្មីៗនេះបទ "រាំញីកែងជើង" ទទួលបានការគាំទ្រលើសលប់ រហូតដល់ នាយករដ្ឋមន្ត្រីខ្មែរ និងបណ្តាប្រទេសជិតខាងមួយចំនួនក៏រាំបទនេះដែរ។ https://youtu.be/qXhJgg7dUwM អេដា "ទីនេះមានមនុស្សខូចចិត្ត" បទនិពន្ធថ្មីស្នាដៃ ហេង ពិទូ រួមជាមួយ អេដា កំពុងតែទទួលបានការគាំទ្រខ្លាំងពីសំណាក់យុវវ័យ។ https://youtu.be/3PMQXpym9Ng វង្ស តារារតនា ត្រូវបានមហាជន ស្គាល់លោកខ្លាំងតាមរយៈបទ "ស៊ូឃ្លាត" និពន្ធដោយលោក Tin Mark។ https://youtu.be/eN4UwfulVOg Gimmy Kiss មានបទនិពន្ធថ្មីជាច្រើន ប៉ុន្តែក្នុងនោះបទ “baby I am sorry " ទទួលបានការគាំទ្រខ្លាំងពីសំណាក់បងប្អូន ។ https://youtu.be/kJVx_4vTVUI ម៉ា ច័ន្ទបញ្ញា កសាងកេរ្តិ៍ឈ្មោះតាមរយៈបទ "Forever Alone" ក្នុងនោះ បញ្ញា ធ្លាប់ប្រាប់មកកាន់ Sabay ថាមានជនជាតិចិនសុំសិទ្ធិបកប្រែបទនេះទៀតផង។ https://youtu.be/IVzLJKOkpMQ ចិត្ត កញ្ចនា ប្រាប់ថា "ស្នាមញញឹម" បទផ្លូវការដំបូងរបស់នាង ហើយក៏ទទួលបានការគាំទ្រពី Fans នាងច្រើនផងដែរ។ https://youtu.be/y6jBgvIfiNo រុន ស៊ីរ៉ា ជាមួយនឹងបទ "ច្រណែនគេដែលមិនមែនជាខ្ញុំ" ត្រូវបានគេស្គាល់ខ្លាំងតាមរយៈបទនេះ ក្នុងកម្មវិធី Here My song និងជាម្ចាស់ជយលាភីផងដែរ។ https://youtu.be/yIY3wLUth4A?list=PLWTb6QtKEL0IMmjtpNZZ_mCR7jj-ayZur ក្រុម cage pitch ប្រិយមិត្តស្គាល់ខ្លាំងតាមរយៈបទ "ធ្លាប់ទេ" ហើយបទនេះជាប់ជយលាភីលេខ១ ក្នុងកម្មវិធី The Mic Cambodia។ https://youtu.be/1Rlbp023H1w អ៊ួង សុរិយា "នឹកអូនបានត្រឹមស្រមៃ" មកដល់ពេលនេះមានអ្នក Cover បទលោកបាន ២០០នាក់ហើយ។ នេះបើតាមការផុសក្នុងបណ្ដាញសង្គម របស់លោក។ បទនេះទៀតសោត សុរិយា ធ្លាប់ប្រាប់មកកាន់ Sabay ថា ជារឿងផ្ទាល់ខ្លួនក្រោយបែកបាក់ស្នេហា ទើបនិពន្ធចេញជាបទនេះឡើង។ https://youtu.be/2e9mn1gEHOo SED2R ត្រូវបានប្រិយមិត្តស្គាល់ក្រុមពួកគេ តាមរយៈបទ "CRUSH" ហើយបទនេះជាប់លេខ៣ក្នុងកម្មវិធី The MIC Cambodia ទៀតផង។ https://youtu.be/76JLpxXMHYw អត្ថបទ៖ ថា ម៉ាលីដា វីដេអូ៖ យូធូប
កម្សាន្ត
