- 2020-07-28 07:09:13
- ជីវិតតារា
ស្រាយចម្ងល់ ជុំវិញទំនាក់ទំនងស្នេហាក្រៅឆាករបស់តារាសម្ដែង នូ ឧសភា និងកញ្ញា ឈិន មុន្នីនាថ
- 2020-07-28 07:09:13
- ចំនួនមតិ 0 | ចំនួនចែករំលែក 0
ស្រាយចម្ងល់ ជុំវិញទំនាក់ទំនងស្នេហាក្រៅឆាករបស់តារាសម្ដែង នូ ឧសភា និងកញ្ញា ឈិន មុន្នីនាថ
ចន្លោះមិនឃើញ
មានអ្នកគាំទ្រ និងទស្សនិកជនមិនតិចទេដែលឆ្ងល់ថាតើរវាងតារាសម្ដែងប្រុស នូ ឧសភា និងស្រីស្អាត ឈិន មុន្នីនាថ ដែលជាតួអង្គឯកក្នុងរឿង"អ្នកម៉ាក់វ័យក្មេង"នោះ មានទំនាក់ទំនងគ្នាក្រៅឆាកបែបណា?
សម្ដែងទាំង២ដួង បានបញ្ជាក់ប្រាប់Sabay ក្នុងឱកាសដែលពួកគេចូលរួមក្នុងពិធីក្រុងពាលីថតរឿងភាគមួយកាលពីពេលថ្មីៗថា ពួកគេមានភាពផ្អែមល្អែម និងរស់នៅជាមួយគ្នាក្នុងភាពជាប្ដី-ប្រពន្ធតែនៅក្នុងរឿងប៉ុណ្ណោះ។
ប៉ុន្តែក្រៅឆាកវិញ គឺពុំមានទំនាក់ទំនងស្នេហាស៊ីជម្រៅអ្វីឡើយ ហើយក៏មិនអាចប្រែក្លាយទៅជាស្នេហាពិតដែរ ព្រោះគេបានចាត់ទុកគ្នាដូចជាបងប្អូនបង្កើត និងពូកែលេងសើចច្រើនដូចគ្នា។
នូ ឧសភា៖"តាមពិតខ្ញុំទើបតែសម្ដែងជួបគាត់ក្នុងរឿងនេះទេ តែតាមកម្មវិធីផ្សេងៗយើងធ្លាប់ជួបគ្នាច្រើន តែខ្ញុំអត់មានអីក្រៅពីវាយក្បាលគាត់(ឈិន មុន្នីនាថ)លេង ហើយគាត់ក៏ចាក់ចង្កេះខ្ញុំវិញទៅព្រោះគាត់ហើយនឹងខ្ញុំដូចជាបងប្អូនបង្កើត ហើយរពឹសដៃដូចគ្នា"។
តារាសម្ដែងរាងខ្ពស់ស្រឡះ និងនិយមទុកសក់ឡើងសំពោង នូ ឧសភា ត្រូវបានអ្នកដឹកនាំរឿងចាប់ឲ្យដើរជាតួអង្គឯកជាថ្មីក្នុងរឿង"អ្នកម៉ាក់វ័យក្មេងវគ្គ២"។ ការណ៍នេះបានធ្វើឲ្យអ្នកគាំទ្រ មានចម្ងល់កាន់តែខ្លាំង ព្រោះនៅសាច់រឿងពួកគេសម្ដែងចូលតួបានយ៉ាងល្អ ជាពិសេសនៅក្នុងឈុតស្នេហា៕